الموضوع: مرجع شامل لكل من استخدمت وتستخدم حبوب roaccutane لحب الشبـــــاب

السلام عليكم


حبيت اكتب هالموضوع واتمنى ان يكون نفس الي مكتوب بالعنوان مرجع شامل لكل وحده استخدمت وقاعدة تستخدم وناوية تستخدم حبوب الرواكوتان (Roaccutane)


لكل بنت استخدمته اتمنى انه ماتبخل علينا بنصايح وارشادات

ولكل بنت قاعدة تستخدمه يهمني مشاركتج وتجربتج

ولكل بنت ناوية تستخدمه تعالي انظري لهالموضوع وممكن يفيدج

اتمنى لا تحبطوني
تكفون ساعدونه وساعدوا اخواتكم



بنننننننننننننننات كل وحده تدخل وتكتب



* وزنها
* كم الجرعة
* حاله حب الشباب عميقة ومتوسطة او خفيفة
* عمرها او اذا في احراج لكم فبلااااش
*متى تآخذها
* كم صار لها من أخذتها
* واذا ظهرت النتيجة متى



وبهذا نتابع حالات بعضنا البعض ونواسي بعضنا ويصير هالموضوع ملف لكل وحده تستخدم وناوية تستخدم الرواكتان كمرجع يعني

وسلامتكم ودعواتكم

مرحبا حياتي
انا ياحلوة استخدمتة قبل سنه
والحمدلله راحت الحبوب والرووس السودا وباقي الاثار
والحببوب كنت اشتريها بحوالي 250 ومدري الحين بكم
مع بعض الكريمات وغسول وواقي شمس ( بس المهم اني استفدت)
وعلى فكرة ياحلوة انا عملت تحليل دم على شان الدهون في الجسم كل شهر
واي طلب انا جاهزة

للرفع

يسلمو اختي بنت بنتوته

بسألك ياقلبي

كم مدة علاجك كم شهر استمريتي على الحبوب؟؟
حلو اللحين صار لك سنه من استخدمتيه مارجعت لك الحبوب مره ثانيه؟؟
و وقت الدورة تطلع لك حبوب او لا؟؟
وشنو الاعراض اللي واجهتيها فترة علاجك؟؟

سوري طولت عليك

والله حبيبتي انا استعملته وماااااااااااناسبني لاني كنت نحيفه وكانت اعراضه الجانبيه متعبه وحاااااااولت اسمن ويوم سمنت انخطبت ومااافي مجااااااال استعمله لانه لازم احتيااااطااات كثييييره بالنسبه للحمل
الله يوفقكم جميعا.........
واللي ماتزوجت تستغل الفرصه وتستخدمه والله اني كنت متحمسه
لكن قدر الله وماشاااااااء فعل
دمتم بخييير

بنات ايش هذا اللي تتكلمون عنه قولو لي بليز

تصدقون انا صرفتها لي دكتورتين بدون مااسوي تحاليل
صح فتره مااستخدمها صفى وجهي بس جاني مغص كلوي كان كل بعد فتره يجيني وقت ماكنت استخدمها وتركتها خفت تأثر ع الكلى لانها تنشف المويه اللي بالجسم نشفان فظيع
بس اعتقد لان محد قال لي لازم نسوي تحليل الله ياسامحهم

بس دكتوره حذرتني منها قالت حرام احد يصرفها ذي الحبوب صح تصفي الوجه بس مضره لجسم والكلى


الحين انا متزوجه ووجهي مليان حبوب يعني فايدتها وقت استخدامها وبس


والمتزوجات لازم يبعدون عنها اعرف وحده حملت وكانت تستخدمها بعد زواجها وجابت نونو مشوه اللهم ياكافي ومات يعني انتبهووووو يامتزوجات



انتهى

وعليكم السلام ورحمة الله وبركاته

هلا والله أختي

أنا استخدمت هذا العلاج وقعدت عليه 10 شهور والمده تختلف من شخص لآخر حسب الوزن لأني يوم كنت اتعالج الدكتوره كانت مو مهتمه للعمر كانت كل موعد تقيس وزني وتسحب دم عشان يتأكدون أنه ما فيه تأثيرات على الجسم للأنه في فتره الاستعمال يزيد فيتامين أ ولما يزيد يصاحبه أعراض:
*جفاف الجسم كامل.
* آلام في المفاصل
*جفاف العين وفي هذه الحالة تاخذي قطاره للعيون

وأنا لما استخدمته بس عانيت من :
*الجفاف وهو أكيد كان شعري دهني اصبح جااااف والشفايف إذا أهملتيها يوم راح تندمي لأنها تكون جافه لأقصى الحدود لازم المرطب يكون معاك أنا استخدمة الفازلين حق الشفايف أفضل حل.
*بالسبه لآلاف المفاصل بس آخر ظهري إلي كان يؤلمني وكان الألم حاد بس عادي يعني تمشين حالك.
* إمساك الله يكرمكم صاحبني لمدة شهرين أو أكثر


وفي النهاية التيجة كانت خياليه اتخيلو وجهي كان فيه حبوب صار ماشاء الله صافي والحبوب خلاص مارت تجي
وعلى فكره الوجه اخذت من عند الدكتوره كريم مرطب طبي اتخيلو يابنات أفضل بكثير من اللي شوفها في الإعلانات الصراحة لا يعلى عليه اسمه "ليبور ديرم" أنصح كل وحده تبي كريم مرطب انها تستخدمه وراح تشوف النتية

أجاوب على الأسئلة:
* كم الجرعة
في البداية كانت 20بعدين زادت الجرعة إلى 40 وعلى فكره الجرعة مرتبطه بالوزن

* حاله حب الشباب عميقة ومتوسطة او خفيفة
متوسطه

*متى تآخذها
والله انا يوم رحت ماحددت لي عمر معين عشان آخذه

* كم صار لها من أخذتها
استخدمته لمدة 10 شهور

* واذا ظهرت النتيجة متى
الصراحة مع بدايته استخدامي له حسيت أن الحبوب خفت شوي شوي

وان شاء الله اكون افدت الجميع...

وعلى فكره

*يمنع منعاً باتاً استخدامه للمتزوجات لأه يسبب تشوهات للجنين وإذا تبي تستخدمه لازم تتأكد 100% إنها ماراح تحمل

* إذا صارت بشرتك جاااافه مره وهي راح تصير عاادي لا يجيك حالة اكتئاب لان بعض البنات لما تشوف وجها جف وتخاف وتكتئب وتبطل العلاج وأصلاً الجفاف هذا هو اللي راح يبطل عمل الحبوب*^

انا ما استخدمتها لكن كان عندي حبوب ورحت للدكتور جلدية وصرف لي حبوب ومرهم وصابونه اذا صاحبة الموضوع ترضى كتبتها لكم وللعلم صار لي تقريبا خمس شهور ما استمريت الا على الصابونه

يسلموو خواتي عالردود

بصراحه انا استخدمت هالحبوب لكن ماخلصت كورس العلاج
الدكتور قال لي 6 شهور
وانا اللحين في نهاية الشهر الثالث (باقي 4 ايام واخلص 3 شهور)

بداية العلاج زادت الحبوب عندي وحتى الدكتور قال لي في البداية راح تزيد الحبوب
جفااااف شديد الم في المفاصل

بس الدكتور قالي لي اانه يروح ومايرجع

انا آخذ 40 ملجرام بس ما اعتمد لي عالوزن
يعني الدكتور اصلا ما اخذ وزني
(4 شهور 40 ملجرام وآخر شهرين قال لي 20 ملجرام)

واعمل تحاليل كل شهر

وعطاني كريم مرطب " ليبوبيز"
وانا اشوفه ممتاز

ادعوواا لي اخلص الكورس وتروح الحبوووب ومااااترجع

طيب بنات اللي بعد جربتها تقول لنا التجربه
وهل رجع لها او لا؟؟