الموضوع: ماهـو الجلسرين ؟ ومافوائده ؟ اللي تعرف تشرفنا

دايم اقرا عن الجلسرين

واشتريته من الصيدليه .. علبته داكنه

لكن متخوفه من استخدامه

لاني قريت انه يسبب جفاف للجلد لانه ينقل الرطوبة من الطبقة التحتية
الى الطبقة السطحية


*

افيـدونـا

اهلين حبيبتي

اللي اعرفو عن الجلسرين انو ممتاز للبشره يفتح لونها ويرطبها بس مايستخدم لحالو

يعني اذا تبغيه للتفتيح تخلطي معاه عصير ليمون وتستخدميه سواء ليدك او لجسمك كلو تستخدميه في الليل وتنامي فيه والصباح تغسليه

ومن فوايدو كمان انو يخلي المويه والزيت يتجانسو مع بعض

هذا كل اللي اعرفو اتمنى اكون افدتك

وربي يسعدك

الله يجزاااااااااااك خير

لكن
اذا وقفت استخدامه مايتغير لون الجلد ؟
وهل له اضرار جانبيه ؟

*

تقصدين الجلسرين الزيت او الكريم ؟

الكريم استخدمته وحلو ..

بس الزيت ما استخدمته ..

اقصد الزيت

لان الكريم اسمه ( جليسوليد ) ولونه احمر ومعروف

لا حبيبتي عادي اذا تركتيه مايصير شي لبشرتك

بس الحلو يعني اذا بتتركيه انك بين فتره وفتره تحطي منو على جسمك وتنامي عشان يرطبها

ولا ياقلبي مالو اي اضرار جانبيه لأنو الكل يستخدمو وماصار لهم شي وانا شخصيا قد استخدمتو

واي استفسار تاني انا حاضره

ربي يسعدك

الكريم اللي علبته حمراء نوعين فيه جلسرين وفيه جليسوليد

اما السائل حطي معاه ليمون ممتاز للبشره ينعمها ويفتحها وعلى فكره لونه شفاف مش داكن

اهلين اختي الفراشه

بالنسبه للجلسرين السائل انا قاعده استخدمه من زمان للوجه والرقبه

ونتيجته مره حلوه

جربيه وماراح تندمين .

بنات انا شريت جلسورين سائل من كنوز بس حسيته ثقيل مررررره ما استخدمته هل هو يبيض البشره

انا اشتريت كريم جلوسوليد الاحمر
والى لان مو عارفة كيف استخدمه ومع ايش بالضبط اخلطه
ياليت تفيدوني