ارحو من الفراشات عدم التطنيش واصطناع الثقل وعدم المبالاة
لانني وبكل صراحة لو ما كنت واثقة فيكم بعد الله سبحانه ما تعبت نفسي وشاورتكم
بكل بساطة رحت لمنتدى ثاني واستنجدت بأهله
لكن من حبي لهذا المنتدى وفراشاته وثقتي بكم حابة اخذ رأيكم في موضوع مهم وحساس للغاية
انا حابة احمل شد وتصغير للصدر(عملية جراحية ) للضرورة لانه يتعب ظهري
ولان صدري مترهل ولا تقولون لي شبة او خل تفاح او بطيخ ترا كلها خرابيط نضحك فيها على
انفسنا ولاتقولون لي تمارين لاننا كلنا عارفين ان الصدر مافيه عضلات علشان نقويها بالتمارين
فمافي حل غير الجراحة وانا دخلت على مواقع اجنبية وشفت الصدور بعد العملية بعضها مقبول
وبعضها يحتاج تزبيط يعني على مهارة يد الجراح والعملية تكون على شكل Tمقلوب
طبعا بحثت عن احسن اطباء في الرياض من كلام البنات مدحو لي الدكتور بسام حواري
والدكتور جمال جمعة والدكتور عبد الله الثنيان
الحين تقولون المرة باحثة ومدورة وسائلة فاحنا وش دخلنا علشان تغثنا بمشاكلها
انا يا اخواتي حابة اسالكم عن هذولا الاطباء مين جربت شد وتصغير الصدر عندهم
وكم تكلفة العملية وكم مر من الوقت حتى خف او اختفى اثرها
يعني حابين نعقد ورشة عن هذا الموضوع بالذات لانه مهم جدا جدا
فابي فزعتكم وتكفون :ترى تكفى تهز الرجاجيل : اقصد الفراشات
عدم سفهي والرد على لو بدعوة حلوة
ومني لكم وعد اني لو سويتها ان شاء الله رح يكون لكم حصريا لقاء معي اشرح فيه بالتفاصيل المملة
وغير المملة
برنامج اوبرا على غفلة
يلا طولت عليكم
الله الله في الردود اللي تبرد القلب
حبيبتي........والله صعبة العمليات..........
بعدين مين قال انه الصدر مافيه عضلات؟؟؟؟؟؟؟؟
معروف انه الصدر له عضلات....وفي تمرين خاص لشد الصدر...........
انا بتمنى انه الفراشات يفيدوكي
معقولة ما في احد سوا عملية تجميل لصدره
ترا بنات مافيها شي وانا لا اعرفكم ولا تعرفوني
بس حبيت نتبادل الخبرات
في منتدى ثاني الكل يشارك
بس هنا الكل مسوي نفسه ثقيل
انا نفسك افكر فيها لان نفس المشكله بس اهلي وخطيبي مانعوني على اجراء اي عمليه في صدري والله ثم والله حاولت اني اسوي خلطات لتصغير وتمارين مافي منها فايده .......
انا مشكلتي كنت بدينه وكان صدري كبير حيل 95F
واخجل من نفسي لاني مااحصل مقاسات للستيانات بشكل حلوو ..
المهم لما نحفت صغر شوي بس بس مقاس واحد !!!
واحسه ملفت للنظر مع العبايه وكاني مو لسه بنت كاني كبيره مرضعه ههههههههههه
عنوان الرابط المتبادل
حول الروابط المتبادلة
عملية شد وتصغير الصدر
