الموضوع: تجربتي مع الزبادي والحبه السوداء..

السلام عليكم ورحمة الله وبركاته
كيفكم ياحبايب قلبي
مالكم بالطويله
..اقولكم سالفتي وهي انو الله يسلمكم بشرتي تعاني من الحبوب (شباب وحساسيه في نفس الوقت) وبقع داكنه من اثار الحبوب ..
ومافي شي بالدنيا ماجربته ,,وكل شوي اتصفح هالنت عن هالخلطات واروح اجرب بنفسي وابد وماكاني سويت شي الا زادت الطينه بله صارت بشرتي جافه ومقشرة كانها قشور بصل والله ماكذب عليكم ..
وبرضوا ماياست وروح افكر وادور واحوس وش اسوي بحالتي الا طرت على بالي اني اسوي خلطه من دميجتي
واروح للمطبخ وادور واحوس الا والقى هالزبادي بالثلاجه وادور في دولاب المطبخ ولقيت الحبه السوداء واقوم اخلطهم مع بعض بنفس الكميه واحطهم على وجهي لحد ماينشف ..
والله وبالله وتالله اني ماكذب عليكم قد ايش تحسنت بشرتي وراحت الحبوب وبقى بعض البقع وبقى بقع خفيييييفه وكله باسبوع..وحتى قشور الوجه راحت وصرت ماحتاج اي مرطب.. ولين اللحين مستمره عليها واحطه كل يوم..
وكل هذا بفضل الله اولا ثم هالخلطه اللي طلعتها من دميجتي
اتمنى انكم تجربونها وتدعولي

معروفه الحبة السوداء علاج الكل عدا الموت
وهذي من رسولنا الحبيب صلى الله علية وسلم
وجزااااااك الله الف خير

ايه ونسيت اقولكم بالنسبه للحبة السوداء اطحنوا كميه منها وحطوها بعلبه محكمة الغلق وحطوها بالفليزر..

هلا بك والله (كلي دلع)
تشرف موضوعي بردك ياعسل..

طيب ياقمر كم مرة استخدمتيهااا


ويعطيك العافيه على الخلطه الخطيرررره

يعطيك العافيه

يسلموووووووووو بس كم المده اتركها على وجهي

ياريت ياعسل تقولى المقادير وكم مده على الوجه وهل يوميا

مشكوره عزيزتي وان شاء الله راح اجربها

هلا بكم ياحبايبي..
المقادير ملعقة طعام زبادي وملعقة طعام حبة سوداء مطحونه تخلطينهم لما يتجانسون وحطيحهم على وجهك لما تنشف بياخذ منك ساعه واحيانا اكثر واحتى يستفيد وجهك من القناع لابد ولازم تغسلين وجهك بالصابون قبل ماتحطين القناع حتى تستفيد بشرتك منه..
وبالنسبه لي انا استخدمه كل يوم وان شااء الله مايضر لانه طبيعي وكله فيتامينات مغذيه من الزبادي ومضادات حيويه من الحبه السوداء اللي تساعد على القضاء على البكتيريا المسببه لحب الشباب..
دمتن بود..