الموضوع: سنفرة الجسمـ ( سكرآبـ) مدعـم بالصـور .. !

هلا بالفرآشات .. الله حيه
انا دآيم اسمع البنوتات يتكلمو عن السنفره
ولا مره جربتها

بس صممت اجربهآ .. بما ان لها فوايد للجسم
وتصفيه .. وتزيل الجلد الميت

..

ومن انوآع السنفرات .. والاكثر استخدآم بين
البنآت

سنفرة المشمش .. من هملايآ


سنفرة كآب

مقشر من بودي شوب بالفراوله


وبيكربونات الصوديوم .. حلو للتنظيف ناويه اجربه




كريم العروسه .. كذآ وحده استخدمته
بس مادري اذا حلو


هاذي خلطه لبنت بأحد المنتديآت
وطريقتها بالسنفره

هي عباره عن سنفره(سكراب )للجسم ممكن يستخدم يوميا او يوم ورا يوم
مالك نفس تسوي خلطات وخرابيط وكريمات وحوسه والوقت مايسمح وظروفك شوي مومزبوطه
سوي هالطريقه تريحك من معاناة طويله


المقادير:>>>>>طلعت كيكه موخلطه للجسم

ملعقه كبيره جليسوليد
ملعقه كبيره كريم كاب
2ملعقه كبيره زيت جليسرين او زيت لوز حلو
كيس ملح الحليب
لوشن ا نوع تحبين او بلسم انااخترت لوشن زبدة الشيا لانه يرطب بعمق وممكن تضيفين كركم الجسم ملعقه صغيره
اخلطي المقادير وحركيها كويس بتطلع زي معجون الكيك
اخلطي لحد ماتحسي انه امتزج كل شيء مع بعضه وعبي في علبه او برطمان صغنطوط وحطيه في الخزانه او الكبت في حمامك
وكل حمام صوبني جسمك ودلكي بالصابون وبعد ماتشطفي الصابون سوي السكراب هذا وظلي دلكي وافركي لمدة 5دقايق وبعدين اشطفيه بالماء البارد فقط
وشوفي النتيجه الروعه من اول استخدام وكل مره شوفي نتيجه احسن من اللي قبل





يتبع

وهاذي طريقة بنت الغالي من منتدى عروس
لازم اشارككم بتجربتي للحمام المغربي بالصور


بديت اجمع الاغراض المتواجده عندي والي لها فوايد وقريت عنها من قبل

وكانت هذي النتيجــــهـ






والحين بسم الله نبدأ بخطوات الحمام المغربي


صحنـــ الخلطـــات >> صحني المفضل لاحد يضحك عليــه




صابون مغربي والليفه الخاصــهـ فيهـ




بيكربونات الصودا





زيت اللوز وماء الورد





وهذي صورة الخلطهـ بعد اضافة جميع المقاديــر





فوائد الخلطهـ :


الصابون المغربي غني عن التعريف حيث انه يعيد للجسم شكله الطبيعي بازالته للجلد الميـت بعد عدة مرات من الاستعمال

بيكربونات الصودا : ضعي منها كميه قليله وذلك لتساعد في عملية التقشير والله يجزيها الخير بنت عذاري الي دلتنا على فائدته


زيت اللوز : يقضي على جفاف الجسم وخشونتــهـ





** اولا شغلت الماء الحار _اعلى درجة حراره يستحملها الجسم_ لمدة خمس دقايق حتى تتفتح المسام

** بعدهــا بدأت بتوزيع الخلطه على الجسم كامـــل وخليتها تقريبا مدة عشرين دقيقه

ملاحــظهـ :


** بعد خلط المقادير خليتها تقريبا 10 دقايق عشان تتماسك



الان بتقوليـــن شاسوي في هالعشرين دقيقه ؟؟ او نصف ساعه لوكان عندك وقت










فترة الانتظار استغليتها بعمل خلطتين وحده للشعر والاخرى ماسك للوجهـ

نبدأ بماسك الوجـهـ وهو ماسك بنت عذاري الي فعلا اعشقه لنتايجه المبهره

في هذا الرابط

بشرتك تعبانه؟ باهته؟مسمرة؟بنت عذارى عندها الحل!!



والمقادير عباره عن




روب وعسلوبرتقـــال


شكل الماسكـ :







ماســك الشعـــر








هذا الماسك دايم اسويه وهو روعــهـ للشعر يغذيهـ ويخلــي ملمسه يجنــن ولمعته حلوه نتيجة اضافة المايونيــز
عباره عن ( ملعقتين روب + ملعقتين عسل + ملعقه مايونيز + ملعقتين زيت خروع+ ملعقه كبيره فاشكول باللوز )


شكل الماسك قبل الخلط



وبعد الخلــط



ملاحــظات :


** يفضل لف الشعر بفوطة ماء حار لنتائج افضـــل



طيب الحيــن حطيتي ماسك الوجه وماسك الشعر


نبدأ خطوة الدعـــك ... تاذخين الليفه المغربيه وتبدأين بدعك الجسم وهو عليه الخلطه طبعا بحركات دائريهـ كأنك تعملين مساج للجسم وذلك لتحفيز الدوره الدمويـــهـ ...


عملية الدعك تستمر خمس دقائق تقريب لغاية ماتحسين انك وصلتي لكل مناطق الجسم وركزي على المناطق الغامجــه

الان وتحت الماء الحار نبدأ بازالة الخلطه



بعد هذه الخطوه عندك خيارين

اما تستخدمين مقشر المشمش (الي مكتوب عليه مقشر مبيض )




او كريم كاب وهو كريم سنفره مبيض للجسم



انا هالمره استخدمت مقشر المشمش ... وزعته على الركب والاكواع والمنطقه الحساسه والاباط وجميع مناطق الجسم ... وبأصابع اليد بديت اعمل مساج للجسم عشان يتوزع المقشر ويقوم بوظيفته ...


لحد ماتحسين انك تعبتي قومي بالخطوات الاخيره

** بعد غسل الجسم عن المقشر وغسل الشعر بالشامبو المفضل وانا انصح بشامبو لوريال الوردي

نغسل الجسم بالشور جل والليفه



انا استخدم شور جل الباباياا من بودي شوب ريحتـهـ روعــه




الان اخــر خطوه وهي بعد الاستحمام

كريــم مرطـــب بعد الحمام المغربي رووووعهـ يخلي الجسم كأنه زبده



مكونــاتهـ :



**لوشن جليسوليد بالمــسك
**لوشن زبدة الكاكاو ( مكتوب عليه لصقل البقع وترطيب البشره الجافـــهـ )
**جل بيبي اويل من جونســن



صورة الخلطــه في صحني الغالي وميكي يأشر عالخلطه شوفوا يسوي دعايه هههههه





وبصراحه كنت ناويه اصورها بعد الخلط بس اغراني شكل الكريم وحطيته على جسمي ويوم خلصت قلت ياويلي ماصورتها



المهم النتايج كانت اروع من الروعهـ طلعت من الشور وانا حاسه اني غيــر وجسمي نعووووم

والفال لكـــــــــم





طولت عليكــم بس اخر شي نصيحـه عالسريع :


** ممكن تضيفون أي مقادير اخرى للحمام المغربي وانصح بالكركم لما له فوائد كبيره في تفتيح الجسم .. والاستمرار في العنايــه هو اسهل طريقه لجسم رائع




\

واللي تستخدم السنفره ياريت تقول لنا اي نوع تستخدم
وكيف طريقتها بالاستخدآم ؟؟
وكم مره بالاسبوع ؟؟

:

ان شاء الله الموضوع اعجبكم
وقبل كل شي الافآدهـ

مع حبي

مشكووووووووووووووورة

الله يعطيك العافيه

شكلها روووووووووووووعة شكرا اختي ربي يسلمك

صرررراحة
موضوع روووووووووعة
تسلم يدينك

يسلموووووووو

ماقصرتي

يعطيك العافية

هلا حبايبي
مشكورين على مروركم

بس محد منكم جربت سنفره
او عملت لها حمام مغربي واستخدمتها ؟؟


مع حبي

.. ااب للفائده..

جزااااااااااك الله خير