الموضوع: القطران او الطلى ينبت الشعر ومن تجربتى الخاصه

السلام عليكم ورحمة الله وبركاته
كيفكم يا بنوتات يا فراشات اكيد الكل بيستغرب موضوعى بس اسألو جداتكم واجدادكم وراح يأيدونى في كلامى راح اقول القصه الى حصلت معنا في يوم كنا متجمعين عند جدتى وبنت خالتى كانت تشتكى تقول ان شعرها صار يتساقط وفيه قشره وما سيبت شي وما جربته قالت لها جدتى تعالى يابنتى واحط لك طلى او يسمونه قطران المهم كلنا جلسنا نضحك عليها ونقول يابنت لا تسمعين كلام جدتى المهم الى صار حطته على طول على شعرها وخلته 4 ساعات تقريبا وخصلت شعرها وبعد اسبوع كمان سوت نفس الطريقه استخدمته اربع مرات في الشهر المهم كل ما نجلس جنبها نقول لها ريحتك بخور سوادنه تقول مو مشكله اهم شي النتيجه المهم الكلام دا كان شهر 11 الى فات وخالتى وبناتها سافروو في الأجازه دى قابلتهم المهم رحنا عند الكوفيره وكان عندنا زواج الى بنت خالتى تفتح شعرها والله يا بنات انا جلست اقول لها لمى شعرك لا احد يشوفه خفت عليها من العين من غزارة الشعر ولونه اسود وطويل وكان شعرها قبل كدا خفيف وقلت لها انا بسوي شعرك في بيتى قالت لا والكوفيره جلست تقول وربي اول مره اشوف شعر طويل وثقيل لمن رجعنا قالت لى فاكره لمن اتمسخرتو عليه شوفو النتيجه وغير كذذا قالت لى انا كل ما اقص شعرى اتصدق عنه با الى اقدر عليه المهم ورجعنا اللبيت وطلعنا المزعه مع جدتى واحنا لسى على نص شهر سبعه والجنوب بارده راحت جدتى وكلمت الراعى الودانى واعطته دبات فيها مويه سوده وقالت له ادهن فيها الغنم كلها وبا الذات الى شعرها قليل فقلت لها ليش قالت هذا قطران عشان يخلى شعرها ينمو من جديد ووقت الشتاء يدفيها ورحنا رجعت على نهاية شهر ثمنيه الى اشوف فعلا الغنم في المزرعه نابت عليها شعر بشكل خيالى ,,,
المهم طلعت رجعت رمضان جده وقابلت بنت عمى وهى تدرس تخصص كيمياء علمتها با الحكايه قالت لى تصدقين حتى استاذتنا سودانيه قالت لنا نفس الكلام بس انا مو عارفه ايش هوى الطلى او القطران ذا فطنشنا المعلومه ...
انا عارفه الكل راح يسألنى عن ايش هوه القطران او الطلى يا حبيبي هوه حطب ياخذونه من شجرة السلم او شجرة الأثل ويحرقونه با النار وبعدين يجيبون صفائح من الحديد ويغوطنه بها ويخلونه اسبوعين او اكثر طبعا النار تتبخر وتصير تقطر مويه من الخشب ذا وياخدو هادى المويه ويحطوها على الشعر او الغنم ,,,,
عيب القطران ريحته زى بخور السوادنه ,,,
انا الحين استخدمته مرتين ولكنى احطه مع خلطه انا دايم استخدمها ونفعتنى في شعرى وما استغنى عنها ابد الى هى مايونيز على زيت عافيه والحين احط معهم القطرانه واغسل شعري بشامبو اسمه فتشي للشعر المقصف مع البلسم حقه ولون علبته صفرا وابيض وربي ممتاااااااز كتبت لى الأخصائيه حنا ن الى في مستشفى سليمان فقيه ...

انشاء الله تستفيدون من الى كتبته ,,,,

عااااااااااااااد قطران
ليه جربانة يوم أحطه
لأني بحثت ولقيته علاج
لجرب الغنم

الله يعطيكـِ العافيه ,,
صراحه أول مرهـ اسمع فيه ,,
بس راااح اجربها أن شاءالله ,,

ايواا صح خالتي استخدمتة لبنتهااا والله ماشاء الله
شعرهااا كثر مراا وطال بس المشكلة من فين اجيبة
اذا تعرفي ياليت تقوولي ..
لانة ماحد حييبلي هوا من الجنوب.......
ويسلموو على المووضووع

رووووعه 2008 طيب ياقلبي انتى عارفه ايش هوه الجرب تقريبا نفس القشره لمن تطلع في الشعر الواحد لمن يجلس يفرك فيها تصير جروح وويتساقط شعرنا احنا نسميها قشره وفي الغنم جرب هادا اول شي بعدين ياقلبى انا ماكتبت الموضوع من راسي انا شفت الشي التجربه بعينى والى حابه تستفيد تستفيد والى موحابه براحتها وانا قلت ان من عيوبه ريحته مو حلوه حتى ما تطلع من الشعر الى بعد كم غسله ,,

انشاء الله يا انسانه تستفيدي منه ,,,
كنافه تسلمين الحمد لله وهادى كمان قالت نفس كلامى وايدتنى فيه كنافه انا اتصلت على جدتى اليوم وسألتها من فين جبتيه قالت لى من الأسواق الأسبوعيه
يعنى مثلا من سوق الثلاثاء او سوق الأربعاء او سوق الخميس يعنى لمن يروح الراعي يبيع الغنم في ها الأسواق يشتريه من هناك , في نف اليوم دا يبيعو الريحان وزيت السم سم والسمن والعسل والغنم والأشياء الشعبيه يتجمعو الناس في ذلك اليوم وكل مره في منطقه او قريه لتجاره ,,,

اما با النسبه لشامبو فهوه متوفر في صيدليات النهدى انتو قولو لها نبغى شامبو فتشي للشعر المتقصف لونه اصفر وابيض من برى وهوه يعطيكم هوه قيمته 120 ريال شامبو ومعه كمانه بلسم يعنى علبتين ..انا عشان ما اجلس الف لف في الصيدليات اشتريه من البدى سنتر الى في مستشفى سليمان فقيه في الدور الأرضي ,, في قسم الأطفال,,

جزاِكِ الله خير حبيبتي ،، مآقصرتي

مشكورة صح بسمع انو اللي يعاني من التهاب او قمل في الشعر يحط القطران بس ريحتو ااااااااااااااااااااااي والله مزعجة

مشكوووووووووووووووورة

رجائي جنت ربي ,,,باتى 2008,,, حياتى واعيشها بكيفي ,,,, تسلمووووووون على الردود الحلوه وجزاكم الله بخير

باتى 2008 صح صادقه حتى كمان ينفع للأتهاب والقمل الى في الشعر بجانب انه ينبته والله ريحته مره مزعجه لكن انا احاول انى احطه مع زيت العافيه والمايزنيز وغير كدا اغسل شعري با شامبو تكون رغوته كثيره وريحته حلوه مثلا انا اغسله بشامبو با الموليف وبعدين اغسله با الشامبو حقي والبلسم وبعد ما ينشف ابخر شعرى وادهنه بعوده او اى خمريه ريحتها حلوه ,,, والحمد لله انا اهم شي عندى النتيجه انى لمن اتعب فعلا راح اللاقي شي ينفع شعرى والله يا اجدادنا عندهم اشياء ووصفات مره حلوه بس احنا ما نبحث ,,,,

انا ماعرفه ممكن صورة له ..