الموضوع: استراحات بالرياض

السلام عليكم
اخباركم ياحلوات
لا هنتو خواتي من راحت استراحات بالرياض واعجبتها
نظيفة وتاسيسها راقي واسعارها حلوة و فيها مسبح
وياليت تكون شرق الرياض
افيدوني ياعسولات تراني اول مرة اطلبكم تكفون

فية استراحات عند الفحص الدوري روووعة بس والله ماذكر اسماءهم ولا ارقامهم

مشكورة حبيبتي ماقصرتي

فزعتكم يابنات

الاستراحة جديدة وفخمة جدا جدا يعني برستيج عالي للي يهمه هذا الأمر

وتقع في شرق الرياض وتحديدا في حي السعادة - السلي -

وصفها واضح جدا جدا من مخرج 16 في الدائري الشرقي تتجه نحو الشرق أربع إشارات رابع اشارة - اشارة العثيم -تاخذ معاها يسار وبعدين أول شارع يمين ثاني استراحة يسار

الاستراحة على شارعين وتفتح جنوب وشرق

مميزات الاستراحة شبه مقسومة قسمين قسم خارجي يحتوي على غرفة طينية بها مشب وشاشة بلازما 42 بوصة وتتسع لـ 20 شخص تقريبا وجلسة خارجية منسقة أمام الشلال وتتسع أيضا لحوالي 20 شخص

يوجد نطيطة أطفال كبيرة ومن نوعية ممتازة توريد الفالح للرياضة

يوجد شلال كبير وآخر صغير ومشب للشوي

وقسم داخلي مفصول عن الخارجي بزجاج عاكس يعني اللي جوه يشوف برى الحديقة والشلالات .. واللي برى مايشوف اللي جوه

ومميزاته :-

فيه صالة كبيرة جدا ومفتوحة بها مسبح ضخم جدا وجاكوزي حار - بارد

وبها صالة رياضية فيها طاولة بلياردو فخمة + طاورة آير هوكي + طولة تنس

ويوجد جلسة على المسبح مباشرة - فايف ستار - علما بأن المسبح معزول بدرابزين زجاجي لحماية الأطفال

يوجد مجلس فخم جدا يتسع لحوالي 25 شخص وبه شاشة بلازما 42 بوصة

يوجد مقلط للضيوف

يوجد غرفة أطفال بها تلفزيون ورسيفر خاص بقنوات الاطفال

يوجد مطبخ مكتمل التجهيز ودورة مياه ومغاسل فاخرة

أيضا يوجد غرفة نوم متكاملة الأثاث وبها حمام خاص لمن يرغب المبيت أو الراحة

الاستراحة من فئة 5 نجوم وتصلح للدعوات العائلية الصغيرة والحفلات الخاصة كالتخرج او الولادة أو الخطوبة أو الملكة نحوها

اسعار التأجير اليومي

من الجمعة إلى الثلاثاء 800 ريال لليوم

الأربعاء 1200 ريال

الخميس 1500 ريال

وللعلم الاستراحة لا تصلح للحفلات الكبيرة والاعراس لانهم يحتاجون مساحة أكبر

هذي بعض الصور للأستراحه



















هذي بعض صور الاستراحه انصحك تروحين لمهم وتشوفينها بعيونك لان الطبيعه افضل من الصور بكثير

روحي لها صدقيني راح تستمتعين فيها كثيرررررررر واذا تبين رقمهم قولي لي واعطيك اياه عالخاص

اتمنى اكون افدتك ياعسل

فديتك فدوفد

فديت قلبك ياقلبي ما قصرتي
الله يسعدك ويوفقك
ياليت الرقم على الخاص
مشكووووووووورة

مـــــــــــوفقة

يابعدي انتي ارسلت لك والله يسعدك يارب

واي خدمه عيوني لك

فديتك فدوفد

تكفين ارسلي لي رقمها على الخاص واسم الاستراحة

المشاركة الأصلية كتبت بواسطة أمـــل في الحيـــاة

يابعدي انتي ارسلت لك والله يسعدك يارب

واي خدمه عيوني لك

فديتك فدوفد

الف شكر لك يازووووء