 |
 |
 |
||
|
|
|
||
 |
|
 |
|
|||||||
| في كل ركن حكاية هنا نستجمع أوراق نتعظ بها ومواقف تمر بنا من القصص الواقعية والدينية واليومية |
 |
|
|
LinkBack | أدوات الموضوع |
10-09-2006
|
#1 (permalink) | ||
|
(( هذا حظي من على الدنيا وعيت )) قصه خطيره من السعوديه
السلام عليكم هذي قصه انا قرا اجزاء كثيرة منها رح انزل كل يوم او كل ما ادخل النت كم صفحه عشان ماتخلصوا قرائتها الا واكون خلص الاجزاء كلها
بس بليييييز اذا ماعجبتكم قولولي عشان اوقف وهذا اول جزاء 7 7 7 7 أبو إبراهيم : داخل شراكة مع اخوه ابو سلطان وهم من اكبر اصحاب الشركات بالبلد ابراهيم : الولد البكر يدرس رابع كلية في علوم الإدارة عمره 22 سنه .. ريم : اخت ابراهيم تدرس ثالث ثانوي .. أم ابراهيم وابو ابراهيم منفصلين عن بعض من كانت ريم في بطن امها .. ابو ابراهيم كان متزوج قبل ماينفصل عن ام ابراهيم بشهور .. وله عيال من زوجته الثانيه وهم : فيصل+ديمة :ثاني ثانوي اصغر من ريم بسنه وهم توأم لينا :ثالث متوسط ابو ابراهيم كان رجال ونعم فيه .. اخوه محمد توفى هو وزوجته في حادث سيارة وهو اللي تولى تربية ولد اخوه ( الوليد ) واعتبره مثل فيصل بس الاختلاف كان في فارق السن .. وفيصل يعتبر الوليد اعز اصدقاؤه رغم فرق اربع سنين اللي بينهم .. افكارهم كانت جدا متقاربه من بعض .. الوليد يدرس جامعة قسم ترجمة .. وريم عايشه مع امها واخوها ابراهيم في بيت تكفل في مصاريفه ابو ابراهيم .. كانت ام ابراهيم طالبة من ابو العيال يخلي العيال بحضانتها وابو ابراهيم يعرف ان العيال لايمكن يستغنون عن امهم وان الام ماتقدر عنهم .. خلاهم يعيشون عندها ويجي كل ويكند ياخذهم يقعدون عنده في البيت لاجل يشوفون اخوانهم .. ام ابراهيم لها اخو من الاب اصغر منها بفارق سنوات كبير .. ابراهيم : ريم يالله ياريم تأخرنا ابوي دق علي 3 مرات يسأل عننا .. ريم:زين ان شاء الله بس جايتك فكنا من شرك .. التفت ابراهيم على امه وحب راسها وودعها والام تقول كل يوم كلمني وطمني عليك وعلى اختك .. دير بالك على اختك لايكون احد يزعلها !! ابراهيم : ولا يهمك يالغاليه انا اقدر مااكلمك ؟! (( نزلت ريم من فوق وه شايله عبايتها وتبرطم على الشغاله )) ابراهيم : شفيك شفيك ؟؟؟ ريم : مدري متى تفهم هذه وتكوي عباتي من غيرماقول ؟! ابراهيم : الله يعينها عليك بس هي فيها حيل هالعجوز ؟؟ ريم : تقول شي ؟؟ ابراهيم : لا سلامة راسك .. عجلي بس ورانا طريق .. ريم : وش طريقه كلها ربع ساعه وحنا طابين بالخبر ,, التفتت ريم على امها وودعتها وحبت راسها ومسكتها امها وحضنتها قووووووة كان عندها احساس بشي بس ماتدري وشو " واعطتها الديباجه المعتاده من النصائح و .. و..وإلخ" وقامت تبكي الام من غير حيلها وعلى طول خمتها ريم وخمها ابراهيم وهو يقول يمه كأننا اول مره نروح حما كل ويكند نروح ونرد .. بس قطعتي قلبي .. وكلها يومين وبنرد إن شاء الله .. الأم : الله يردكم بالسلامه لاتطولون علي .. وحبتها ريم وحضنتها بقوه وهي تقول بس يايمه .. خلااااص ياابراهيم ماابي اروح واخلي امي روح انت وسلم لي عليهم وانا بتم عند امي .. ابراهيم : لا وينك انتي مافيني استحمل هوش ابوك لادرى انك مو معي !! الام : لا خلاص ياريم خلاص يايمه روحوا وانا بنتظركم بس لاتطولون علي .. (( ودعوا امهم وراحوا يركبون السيارة وريم قلبها يتقطع على صياح امها )) . . . ركبوا السيارة .. وبالطريق كان الجو شوي جامد ومافي اي تعبيرات .. حب ابراهيم يغير الجو على اخته خاصة وانها طالعه وهي متكدره على امها .. فقال لها بوقف عند المحطه تبين شي من البقاله ؟؟ ناظرت ريم على طول التانكي وقالت : مو كأن التانكي مليان وش بتعبي ؟؟ لقط ابراهيم وجهه وقال لا بس ابي البقاله تبين شي منها ؟ ريم : سلامة راسك .. وقف ابراهيم عند البقاله ونزل والتفت على ريم وقالها شوي وبرد .. ريم صرخت ابراااااهيم بليييييز لا تنسى تقفل السيارة اخااااف !! ضحك ابراهيم وقال ماتكبرين انتي ولا يهمك بقفل السيارة واشيل المفتاح .. عقب مانزل جلست ريم تتفرج على الأشرطه الموجوده لقت شريط منوعات شغلته وكانت الاغنيه لــ حسين الجسمي ( امي ) .. وكانت تقول الابيات : يــــاأمي ياغلا الدنيا واصدق عاطفه في الكون .. وأدفى حضن يحضني واكبر قلب يحويني .. انا بك دنيتي جنه وبسماتك مطر ومزون .. وضحكاتك ربيع اخضر زهورة فتحت فيني .. اذا شفتك ارى الدنيا صباحك بالفرح مسكون .. واذا غبتي عن عيوني يغيب النور عن عيني .. . . . وقفت ريم عند هالبيت بالذات (( واذا غبتي عن عيوني ** غي بالنور عن عيني )) نزلت منها دمعه حارقه فعلا دمعة من القلب .. دخل عليها ابراهيم ولقاها تصيح هو ماكان يشوفها لانها متغطيه لكن يحس بصوت صياحها .. ركب السيارة وسكر المسجل وقال لها : ليش ياريامي تبكين فقدتيني ؟؟!! ( وهو يضحك ) ريم : ابرايهم : مو متفيقه لك ابي امي ودني لها ابراهيم : ريامي امك مافيها الا كل خير ان شاء الله اذكري ربك وانا اقول وش طيحك على هالشريط ظاقت يعني من بد كل الاشرطه مافتحتي غير هذا الشريط ؟؟ وش هالنحاسه ؟؟ ريم : ابراهيم ابي امي واللي يسلمك ابي امي وصارت تصيح مثل الاطفال .. التفت عليها ابراهيم وقال : ريامي بكره لاتزوجتي وش بتسوين ؟! زين عندي حل نكلم امي نتطمن عليها ؟؟ شرايك ؟؟ اشرت له ريم براسها يعني ايه ومسك ابراهيم واتصل في امه .. ابراهيم : هلا بهالصوت هلا بالغاليه شخبارك ؟؟ الام : هلا بك ياوليدي انا بخير بشرني عنكم تولهت عليكم ؟ ابراهيم : امداك تونا طالعين من عندك !! الام : يابوي انا اتوله عليكم وانتم بجنبي ابراهيم : فديــــــتك يالغاليه .. زين كلمي ريم تراها ابلشتنا كله تصيح مثل البزران ريم : هلا امي فديت هالوت شخبارك ؟؟ شعلومك ؟؟ وش مسويه ؟؟ تولهت عليك .. ابراهيم داخل عرض يقول لريم : حشا كم حرف في الثانيه تقولين ؟! ريم تناظره بنظرات تهدد وتأشر بيدها اصبر علي .. الام : هلا في بنتي هلا بك ياعمري انا بخير لاتشغلين بالك فيني ريم : فدييييييييييييييييتك يمه ابي ارد لك مابي اروح لابوي هالويكند الام : لا خلاص يمه انا بخير روحي وردي لي بالسلامه لاتطولون علي ريم : يمه ماوصيك ديري بالك على حالك .. ابراهيم : يكفي قرق حبيبتي هذا يصرف فواتيييييير ريم : يمه شوفي ولدك البخيل يبخل علي بمكالمتك ذبحنا والمشكله تقولي دافع شي من جيبه كله من ابوي الله يخليه لنا الام : زين يابنتي لاياكلك الحين اخوك يالله بخاطرك وديري بالك على روحك وسلمي لي على اهلك ريم : ان شاء الله مع السلامه الام : الله معك وعطت ريم الجوال لابراهيم وهي تقول يووووه عسى مارفعت فاتورتك هالدقيقتين ؟ ابراهيم : تنحنح وقال لا بس مابيك تحفرين جاده على جوالي ( وضحك بقوة) بالوقت هذا وصلوا الدمام وكانوا متجهين لبيت ابوهم قالت ريامي امي مو عاجبتني احسها تعبانه ابراهيم : فال الله ولا فالك امي مافيها الا العافيه .. بالوقت هذا وصلوا بيت ابوهم وكان في شاب واقف عند الباب ذبح ريم الفضول اللي ودها تعرف منهو هالزين .. اشر ابراهيم للشاب ونزل سلم عليه وريم شوي وتموت ودها تعرف منو هذا .. وتفكر معقول يكون الوليد ايه بس الوليد يوح كل ويكند لبيت خواله .. وانا صار لي الحين فوق الـ 3 سنين ماشفته ولا اعرفه حتى اخر مره رحنا لندن كان مع خواله رجع ابراهيم بعد ماسلم على الشاب وقال لريم وش تنتظرين ؟؟ اجي افتح الباب ؟! انزلي يالله .. تنبهت ريم وقالت :هاه وش تقووووووول!! ايه ايه طيب طيب فكني يالقفك الا ابراهيم من هاللي واقف عند الباب ؟؟ ضحك ابراهيم بقووووووة وقال : الله يالدنيا انا الملقوف الحين ولا انتي ؟؟ هذا ولد عمك الوليد انزلي وسلمي عليه .. نزلت ريم ومرت من عند الوليد وقالت وهي حييييل خجلانه مرحبا الوليد شخبارك ؟؟ الوليد انتبه لها ورفع راسه ولا وش يشوف صحيح ريم كانت متغطيه لكن عيونها كانت تذبح رد عليها وهو مو داري وش يقول هلا بك ..... (( وهو يقول في قلبه وش اسمها نسيته وش اسمها ياربي ؟)) شخبارك ؟؟ وين صرتي بالدراسه ؟؟ من زماااان عنك ولا كأن عندك عيال عم تسألين عنهم ؟؟ ريم : تمام انا صرت بالثالث ثانوي .. وينك انت ماشفناك من متى ؟؟ تصدق ماعرفتك اول الوقت لين قال لي ابراهيم (( قالت ريم للوليد السموحه بدخل لاهلي )) الوليد : الله معك وهو يناظر مشيتها ياريبيييه شالغزااال عندي كل هالحلا ولا داري !! عيونها من جد تذبح ولا جسمها وش هالجسم ؟! . . . . تنحنح ابراهيم وقال احم احم احم احم وجع تطالع اختي وانا هنا واقف حتى مابعد تحركت ..!! ضحك الوليد وقال ولد عمها انا .. وانت وش لك انا مثل اخوها !! ضحك ابراهيم وقال : اشوه على بالي شي ثاني .. الوليد : ياشين اللي تفكيرهم يروح لبعيد .. هات عنك الشنطه وين ادخلها ؟ هذه لك ولا لاختك ؟ ابراهيم : لا حقت اختي خلهم يودونها لها بغرفتها الوليد : تامرني يابو عبدالله الوليد وو يمشي بالشنطه كان يشوف عليها الكارد حقها مكتوب فيه reem abdullah وكأنه وعى من حلم وقال بنفسه اييييييه صح اسمها ريم يالله وش هالريم اسم على مسمى ودخل البيت وعطى الشنطه الشغاله وقال لها وديها فوق غرفه مدام ريم بس هالله هالله خوذي باالك منها وتراني خابرك مرجوجه تركدي فيها .. ضحكت الشغاله وقالت : انا في معلوم بابا الوليد : ماهقيتك تعلمين وش معلومه ؟؟ الشغاله : مدام ريم ( يعني انت حبي مدام ريم ) الوليد : اخس يانيوتن تدرسين الجاذبيه العينيه واثارك فاهمه ؟؟ وديها بس وخليك في جوز انتي كومار لبي تفاعل بليز والي ماتعجبها تقلي بس تراها مرة نايس باي ___________________ من اخر مواضيع الفراشه: دلـــــ جدةـــع 0 بليز فسريه 0 بنات فيدوني 0 بنات النظام المطور بجدة بسرعه ردوا 0 تصميم لهلوله 0 ياصاحبي ............. ماأبيك __________________ |
||
| غير متصله |
|
|
10-10-2006
|
#2 (permalink) | ||
|
|
طيب لاتزعلو
هذي التكمله 77777 7 7 7 ضحكت الشغاله واحمر وجهها والوليد ميت من تالضحك عليها مشي وخلاها وراح يم العيال ( ابراهيم +فيصل ) . . . ريم دخلت على اهلها الجزء الثالث ======= . . . ريم دخلت على اهلها .. وعلى طول راحت لابوها وضمته وحبت راسه وبعدين التفتت على مرت ابوها وحبت راسها وضمتها .. مرت ابوها : هلا باللي لفانا .. شخبارك يابنيتي ؟؟ وشخبار امك ؟؟ ريم : كلنا بخير الله يسلمك ياخاله من كل شر .. وسلمت على اختها لينا وضمتها وقالت لها لينا : تولهت عليك ..!! ريم : اخس يالمكارة وين تولهتي علي وانا الويكند اللي فات عندكم ؟؟!! ريم : اجل ديمتي وينها ؟؟!! مرت ابوها : والله اكلناها على الغدا اليوم ماكان في ثلاجتنا شي واشتهيناها وطبخناها !! ريم : ههههههههههههههههه عسى متسبحه بس ؟؟ ديمة وهي نازله من الدرج : وش تحشون انتم ايه طيب مابي اسلم عليك ياريموووه ريم : لا تكفين ماينفع كذا مااصبر عنك ولا عن زعلك ديمه : اعرف وجت تركض وضمت اختها وقعدوا يسولفون الا دخل ابراهيم .. الابو : هلا وسندي وبذراعي الايمن ريم : خييييييبه ماجاني نص ماجاك من الترحيب يالقطو مرت الابو : غلاكم من بعض وكلكم مثل بعض حتى عيالي مثلكم اما كنتم اغلى منهم شوي لينا : ماافوتها لك يامه ضحك ابراهيم : كلك خير وبركه ياخاله الله يسلمك وحب راس ابوه وسلم على مرت ابوه واخواته (دانه+لينا) وجلس معهم شوي .. . . . . . . بالاثناء كانوا فيصل والوليد بالملحق وزي ماقلنا كانوا قريبين من بعض حيييل وكل واحد يكمل الثاني وكل واحد بير عميق لاسرار الثاني .. شوي الا انضم لهم ابراهيم وصاروا يسولفون ويضحكون ويتذكرون ايام زمان . . الوليد : ابراهيم تذكر يوم نستهبل على ريم يوم ذيك السنه اللي كنا فيها بمصر ؟؟!! فيصل : شسويتوا قولوا لي الله يخليكم ؟ ابراهيم : ماتذكر يافيصل انت كنت صغنون كان عمرك حوالي 6 سنوات وريم 7 سنوات الا وش ذكرك بالسالفه يالوليد ؟ الوليد : تلعثم ماقدر يقول اختك يوم شفتها اليوم صرت احاول اتذكرها يوم هي صغيره وش كان شكلها ؟؟ قال : لابس خطرت لي !! فيصل : قولوا لي واللي يرحم والديكم وش سويتوا بالمسكينه اللي طاحت بيديكم ؟؟ الوليد : ياطويل العمر كنا نلعب جلاد حرامي وحنا بمطعم من اكبر مطاعم القاهرة وريم ازعجتنا بتلعب معنا دخلناها باللعبه بعد واسطات من عمي ومرت عمي وقررنا نلعب عليها واتفقنا انها تطلع هي حرامي طبعا هذا كله بيني وبين ابراهيم وسلطان ولد عمي علي وشرطنا عليها انها ترضى باي حكم غير الجلد وطلعناها حرامي وحكم عليها سلطان انها تقوم فوق الطاوله وترقص مصري طبعا كنا شارطين عليها من اول انها توافق .. غصب عليها ولا مابنلعبها ثاني .. البنت وافقت ووقفت على الطاوله وصرنا نصفق لها وهي .... وهنا راح فكر الوليد لبعييييد وصار يتذكر شكلها وهي ترقص وهو يقول بنفسه كانت صغيره بس كان رقصها حلوووو .. تذكر شي من شكلها ويقول بينه وبين نفسه كان شعرها طويل ماادري قصته ولا لأ ؟ فيصل : ايييييه شفييييك سكت وش سوت هالمسكينه؟! تنبه الوليد وقال هااااه وين وصلنا ؟؟ضحكوا الشباب وقالوا الا انت وين وصلت ؟ الوليد : لا بس تذكرت سلطان الله يرحمه تولهت عليه ((سلطان كان ولد عمهم 15 سنه غرق بالبحر وكان الوليد هو الوحيد اللي عنده وماقدر يتحرك ولا يسوي شي وكأنه انشل وماقدر غير يصارخ لين جو اهله لكن يوم فات الفوت وش ينفع الصوت وتوفي سلطان غرق )) ابراهيم : الله يرحمه ان شاء الله .. . . فيصل كان مايتذكر سلطان لانه يوم مات سلطان كان عمره تقريبا 8 سنوات ولا كان قريب منه مره .. لكن ابراهيم والوليد كانوا اقرب له من فيصل وبالحيييل حزنوا عليه ومازال الحزن بقلوبهم فيصل : الله يرحمه بس كمل شسويت بالبنيه ؟؟ الوليد : انزعج منه وقال ياخي احشم الرجال وهو ميت فيصل : وش بسوي يعني العزا وخلص وش بسوي يعني ؟! ابراهيم : كان وده يطرد عن روحه الحزن قال للوليد كمل يالوليد كمل يبه حنا ماصدقنا ننسى ليش تقلب المواجع ؟؟ الوليد : وش وصلنا ؟؟ ابراهيم : ؟؟؟؟ ماادري فيصل : رقصت هالمسكينه عالطاوله .. الوليد : ايووووه وصرنا نصفق لها وهي ترقص هالمسكينه والكل يطالعها مستغرب واحنا متفنقسين من الضحك وهي استحت وقالت خلاااااص بجلس بس احنا قلنا لااا انتي وافقتي عالشرط من الاول وخليناها تكم لين صاروا الناس يصفقون ويغنون معنا والبنت من الحيا طاحت من على الطاوله .. فيصل : عسى ماتعورت ؟؟ الوليد : لا طاحت على ... على .. فيصل : على ايش ؟؟؟؟؟؟ الوليد : وهو طاير من الفرحه علي انا !! ابراهيم : ياحبك تبهر لاطاحت علي انا .. الوليد : لا يبه علي انا وتموا ابراهيم يقول علي انا والوليد يقول علي انا .. فيصل : بــــــــس تقول بزارين وش صار بعدين الوليد : وهي عقب ماتفشلت قالت /بلعب ثاني عشان افشلكم على شرط انكم توافقون على أي شي يقوله الحاكم حنا وحنا نضحك ماتتوبين ياقعره طيب نلعب معك ثاني واتفقنا عليها بس هالمره مارقصناها هالمره خليناها تدور عالعالم تجمع جنيه منهم !! فيصل : خخخخخخخخخ ياحووووووول الوليد : وجمعت ربع جنيه بس ولا خليناها تلعب ثاني معنا لانها اخلفت بالاتفاق ولا جمعت جنيه كامل ابراهيم : بس طاحت علي انا وهي ترقص (( كان قصد ابراهيم يستفز الوليد )) الوليد تشوف ابراهيم من طاحت عليه بعدين اعلمك واذكرك . . . . . . . بالوقت هذا دق جوال ابراهيم .. استغرب ابراهيم الرقم كان رقم غريب .. ابراهيم : الوو ...... : السلام عليكم ابراهيم : وعليكم السلام ( هنا ابراهيم نغزه قلبه ) ........ : الاخو ابراهيم ؟؟ ابراهيم : ايه نعم تآمرني بشي يالاخو ؟ ........ : معك مستشفى المشاري ممكن تجي ؟ ابراهيم عدل جلسته وصرخ من عندكــــــــــم ؟؟ لايكون الوالده !! المستشفى : الا اخوي الوالده مريضه ولازم تجي بسررررعه ابراهيم : شبلاها شفيهااا ياخوي طمني ؟؟ المستشفى : انت تعال ومايصير الا كل خير ان شاء الله ابراهيم : جااااااااااايكم وصك السماعه حتى بوجه الرجال وقام مرتبش مايدري وش يسوي فيصل : عسى ماشر الوالده فيها شي ؟؟ الوليد : وش صاير ؟؟ ابراهيم : امي امي امي امي بالــــ.... بالـــ... بالــــمستشفى وش اسوي ؟ قاموا فيصل والوليد يالله نرووووح يمها بسررررررعة ابراهيم : لاخلك الوليد اخاف ابوي يفتقدنا مره وحده ويقلق علينا بنروح انا وفيصل الوليد : لابروح معاكم ابراهيم :اجل فيصل تقعد فيصل : والله مااخليك بهالحاله والله ماخليك بروح معك ابراهيم : زين نروح نقول لابوي لايقلق علينا العيال : بسرررررررررررعه راحوا لم ابوهم ودخلوا عليه ابراهيم : يبه بغيتك تعال الابو : وشفيكم ؟؟ ابراهيم : تعال الابو راح لمهم وجروه برى البيت وقالوا له ان ام ابراهيم بالمستشفى ولازم يروحون الابو : روحوا ياعيالي كلكم يمكن ابراهيم يحتاجكم بس طمنوني ابراهيم : بس لا تقول لــــ ريامي لاتقوووول كان والله ماتنام الابو : فالك طيب ياابراهيم . . . . . . راحوا للسيارة وجا ابراهيم يسوق السياره بس الولد رفض وقال : والله ماتسوق وانت بالحاله هذه .. ابراهيم : لااقدر اسوق الوليد : لا ماتقدر وانت متخبل ومتربش اذكر الله وروح بس للباب الثاني ابراهيم : استسلم وراح ودخل الوليد السياره ومسكوا الخط للدمام وطول الوقت وابراهيم يقول الله يجي بالعواقب سليمه ويذكر ربه ويدعي فيصل ماكان اقل حال منه يشوف اخوه بالتوتر هذا ومايقدر يتحرك ولا يسوي له شي الوليد : حب يلطف الجو شويه شغل المسجل وكانت كمالة اغنية الجسمي ( امي ) هو اول ماشغلها ماعرفها وكان اول مره يسمعها لكن ابراهيم كان من كثر الدمعه خانقته مو قادر يقول طف المسجل وكانت الكماله تقول : عشقتك والهوا طفل ربي في خافقي المفتون كبر هذا الطف واصبح غرامه يسبق سنيني اللي الله رافع كفي دعي انه مرضك يهون عسى يشفيك لي ربي ياامي يانظر عيني . . . . . . وباللحظه هذه صرخ ابراهيم : بسسسسسسسسسسسسس طفه تخوبل الوليد وماعرف وش يسوي لان شكل ابراهيم كان حيل مؤثر وزياده الاغنيه كملت الناقص لكن فيصل تدارك الموضوع وقفل المسجل وقال اذكر ربك ياابراهيم ان شاء الله خير يكون شوي مرتفع عليها السكر بسيييييييييييطه ان شاء الله ابراهيم : ياااااااااارب ساعدهااااااااااااااا وتم يفكر بينه وبين نفسه ياربيييييييه ريم كانت حاسه باللي بيصير لامي ياليتني طعتها وخليتها عندها ياربييييه كيف اروح وانا عارف ان امي مو بالحيل وكنت امثل على ريم واقول امي بخير عشان ماتخاف عليها انا الغلطان ولو صار لامي شي مااسامح نفسي .. ابدا . . . . . . . وصلوا المستشفى الجزء الرابـــع =========بعد ماوصلوا المستشفى ونزل ابراهيم وفيصل بسرعه والوليد راح يوقف السيارة بالمواقف وبيلحقهم دخلوا فيصل وابراهيم ولقى ابراهيم خاله عند الرسيبشن راح يركض عليه .. وش فيها امي تكفى ياخالي ؟؟ خبرني ولا تخبي علي الخال : مافيها الا كل خير ان شاء الله .. وبقلبه يقول الله يكون بعونك ابراهيم : شكلك يقول غير كذه خالي امي وش فيها قل لي بسرررررعه الخال: ابراهيم اذكر ربك ابراهيم : لا الــــــــه الا اللـــــــــــه بس امي وش فيها ؟؟ الخال : امك بغرفة الانعاش والدكتور عندها ابراهيم : بدخل بدخل عندها ابشوفها الخال : تطمن ياولدي ان شاء الله كل خير ابراهيم : وين غرفتها ؟ الخال :يأشر على آخر السيب هناك بس ممنوع الزيارة راح ابراهيم وهو مو سامع خاله وهو يقول ممكنوع الزياره ويركض لغرفة امه لكن يلقاها عالسرير وبكل مكان حاطين لها جهاز تم يناظرها وكان وده لو يفديها بروحه بس الممرضات كلهم قالوا مافي بابا بررررىىىىى روووه برىىىى ابراهيم : وش اللي برى امي بين الحيا والموت وتقولون لي برى !! بين الممرضات كانت فيه ممرضه سعوديه تفهمت حالته وكانت عارفه ان حالة الام خلاص عالنهاية قالت تعال اخوي سلم على امك مايدري .... وسكتت ابراهيم : مسكها من كتوفها وهزها بقوة وش اللي مايدري وبغى يسبب لها خلع لو ان الممرضات فكوهم وقالوا له روح لم ماما الدكتور كان يناظره بأسى ووده لو بيده شي كله بيد الكريم قرب ابراهيم لم امه وحب ايدها وقال لها فديتكي الغاليه .. هي حست فيه وتكلمت بصعوبه ابراااااهيم !! ابراهيم : سمي الام وهي تبلع ريقها بصعوبه ويالله تتكلم : ياولدي حط بالك على اختك حط بالك علــ ... علـــ.. على اختك ابراهيم : لا يالغاليه ان شاء الله بتطلعين من المستشفى وبتشوفينها عروسه ان الله اراد وبتشوفين عيال عيالها الام بصعوه بالغه : ياولدي دق على اختك تجي ابي اشوفها ابراهيم : ان شاء الله الحين بدق طلع ابراهيم من الغرفه وطلع الدكتور وراه ابراهيم التفت دكتور امي وش فيها ؟ الدكتور : يتنهد .. كله بإيد الله مابيدي شي ابراهيم : حالتها خطييييره مره !؟ الدكتور : الله يكون في عونها ياولدي ادعي لها ونفذ اللي طلبته منك بسرعه ابراهيم : طييييييب ان شاء الله ابراهيم دق على ابوه وكلمه بالموضوع من الى وقال له انه لازم يجيب ريم بسررررررررررعه بس لا يفجعونها الابو : اللي تشوفه بس البنت حاسه بشي يصير لكن فالك وفال امك طيب الابو ماسكر السماعه من ابراهيم قالت ريم شفيه ابراهيم عسى مو امي فيها شي ؟؟؟؟؟؟ الابو : لا بس يقول تعالوا بنتمشى بالدمام وغمز لزوجته يالله تجهزوا بسرررعه ولا بهون ريم كان قلبها شوي لا يتحرك من مكانه وتقول بنفسها ماتمشي علي هذه بس بجاريكم ريم : يبه نجهز حق الطلعه ؟؟ ( كانت بتجس نبض ) الابو : هااااه ؟؟ لا لا تاخذون شي يالله بسرعه بس ريم حست باللي يصير حولها والابو راح يكلم زوجته بكل اللي يصير وقال لها انها لازم تكون موجوده هي والبنات مع ريم .... وخمس دقايق والكل راكب السياره زوجة الابو علمت بناتها على اساس تبيهم يهونون على اختهم الا صار شي لا قدر الله وفي السياره : كانت ريم كله تفكر وتقول بنفسها الله يستر وتدعي بقلبها اما لينا وديمه فكانوا شايلين هم اختهم وزوجة الابو ماكانت اقل هم من ريم وبناتها وزوجها بالسياره الابو : ريــــــــــــــــــــــــــــــــــــــــــم ريم : لبيه الابو : يابنيتي الصراحه احنا محنا رايحين لنزهه ولا شي !! ريم : ادري !! الابو : من وين دريتي ؟؟ ريم : يبه شفيها امي قلبي مايقول لي خير وقعدت تصيح بصوت عالي زوجة الاب : ان شاء الله خير . . . . في المستشــــفـــــى ... . . كان ابراهيم عند امه دخل الدكتور وناظر الاجهزة وهو مو عارف وش يقول غير ابراهيم تعال ابراهيم : طيب طلع ابراهيم مع الكتور برى الدكتور : ابراهيم امك وبكل صراحه محتاجه عمليه عندها شريان منسد ولازم نفتحه ولا بتموت ابراهيم : ...........!!! الدكتور : تشاورت اناوالاستشاريين من داخل وقررنا نسوي العملية الحين ابراهيم : ...............!! الدكتور : ماقلت لي رايك !!؟؟ ابراهيم : اللي تشوفه انت ادرى !! بس كم نسبة النجاح ؟ الدكتور : 30% ابراهيم : يعني وشلون اذا مانجحت ؟ الدكتور : لكل حادث حديث .. بس لو مانجحت بتموت بغرفة العمليات او بعد العملية بساعه .. ابراهيم : لااااااا فيها مووووت لااا الدكتور : انا من راي تسوون اللي عليكم لانه لو ماسويت العمليه بتموت ولو سوينا العمليه ونجحت بتعيش ولو مانجحت بتموت !! . . . ابراهيم كان امام اختيارين صعبين وهو انه يدخل امه العمليات واحتمال تموت وهي ماشافت بنتها او انه يخليها لين تجي بنتها قراره انه يقول للدكتور يدخلها غرفه العمليات ويسوون لها العمليه وراح قال لخاله ووافقه الراي . . . وهو كان يشاور خاله دخل ابوه مع ريم والبناات وراحت ريم تركض لــ ابراهيم وتقول له وين امي ؟؟ راح انجن لو ماشفتها وش فيها ؟؟ هداها ابراهيم واخذها معه لغرفه امه وجت نعهم زوجة ابوهم دخلت ريم على أمه اوانصدمت يوم شافتها وصرخت بقوة وطاحت والتموا عليها الممرضات يصحونها ام ابراهيم حست باللي يصير فمع التوتر صارت تون بصوت عالي انتبهت لها زوجة الابو وراحت تهديها يوم وصلت عند السرير نادتها ام ابراهيم : ام فيـــــــصل !! ام فيصل : لبيـــــه ام ابراهم : وبصعوبه عيالي امانه برقبتك عيالي امانه برقبتك ام فيصل : من عيوني واشرت على عيونها ابراهيم : حس بأمه وراح مسك ايدها وامه تقول ياولدي كمل الماجستير والدكتوراه انت تدري وشلون انا ودي اشوفك دكتور ابراهيم : بتشوفيني ان شاء الله وتم ماسك ايدها بقووووووووووة ام ابراهيم : بصوت واطي أشهد أن لا الــــــــه الا اللـــــــــــه واشهد ان محمد عبده ورسوله ابراهيم : ماسمع شتقول قال لها سمي يمه وش قلتي بس ام فيصل سمعتها تشهدت وكانت تقرا عليها القرآن بصوت خاشع شوي الا بدت الاجهزة طوووووووووووط طوووووووووط طوووووووط للاسف هلولة ماتت الام انا بعد دخلت الجو مررررررة تسلموا على الاهتمام ___________________ من اخر مواضيع الفراشه: دلـــــ جدةـــع 0 بليز فسريه 0 بنات فيدوني 0 بنات النظام المطور بجدة بسرعه ردوا 0 تصميم لهلوله 0 ياصاحبي ............. ماأبيك __________________ |
||
| غير متصله |
|
|
10-11-2006
|
#3 (permalink) | ||
|
|
ابراهيم : انتبه للأجهزة ولشكل الممرضات فقام وصرخ لاااااااااااا فكانت جنبه الممرضه السعوديه وعلى طول خنقتها العبره وهي تقول البقاء براسك شد حيلك والتفت هو عليها وعطاها ذاك الطرااااااق اللي عمرها ماحلمت فيه وعلى طول قامت ام فيصل وحبت راس ام ابراهيم وراحت لم ابراهيم وجلسته على الكرسي وخلته يحب راس أمه وحطت ايدها على راسه وقامت تقرا عليه وعيونها على الممرضه اللي عطاها طرااااااااق كانت الممرضه ماسكه خدها واشرت لها ام فيصل براسها .. اشرت الممرضه براسها مافي شي
بعد نص ساعه من اللي صارقام ابراهيم والتفت على اللي حوله لقى الممرضات كلهم طلعوا الا الممرضه السعوديه وكانت هي حاطه ايدها على خدها للحين وتطالع ام فيصل ابراهيم : وين اختي ؟؟ الممرضه : تطمن بخير عطيناها ابره مخدرة وهي الحين بالغرفه نايمه ابراهيم : زين وين غرفتها ؟؟ابشوفها الممرضه : اشرت بايدها واخيرا شالت ايدها عن خدها هناك بآخر السيب ابراهيم : يطالع خدها اللي صاير لونه احمر من الصفعه ومنتفخ قال لها زين شكرا يوم طلع شاف العالم حوله والكل يسأله عجز يمسك روحه وام فيصل تعذرت من الممرضه قالت لها الممرضه : مقدرة الوضع مريت فيه مرتين مات ابوي وماتت امي وكلهم سكته قلبيه وماتوا قدام عيني وماكنت اقدر اسوي لهم شيء .. ام فيصل تعذرت منها ثانيه وطلعت شافت الحال برى .. مسكت كتف ابراهيم وقالت له شد حيلك ولدي والبقاء براسك ابراهيم : الله يجزاك خير خالتي بس روحي تكفين شوفي ريم مافيني حيل اتحرك ام فيصل : طيب راحت غرفه ريم وكان الدكتور اللي عندها رجال وابوها ماقوى قلبه يخليها لحالها مع رجال غريب وقال للوليد يروح معهم للغرفه ولقت الوليد يناظر ريم بالسرير وعيونه حمر ام فيصل بدورها قرت كل اللي يدور في بال الوليد واشرت للوليد طلع الوليد برى لــ ابراهيم يوقف معه راح الوليد ودخلت الام على ريم وقعدت عندها للساعه 3 الليل وكانوا شايليين جثة ام ابراهيم اللي توقف قلبها عن النبض بس ماتوقف قلب عيالها وكل نبضه تقول احبها .. توقف قلبها لكن مازال قل بابراهيم وريم مع كل نبضة ينادي امهم .. مازالت ذاكرتهم تذكر الحضن الدافيء مازالت مخيلتهم تذكر شكلها وهي تودعهم ماأدرك واحد منهم انه تودعهم الى الابد .. خلى صوتها من هالدنيا خلااااص ماعاد بيسمعونه ثاني بس مازالوا يتذكرون نبرة صوتها وكيف مايتذكرونها وهي امهم ..!! . . . . درت ريم باللي صار وماكانت اقل حزنا من ابراهيم .. وبعد ماانتهى العزى بعد 4 ايام كان العزى في بيت المرحومه .. اجتمعوا خال العيال وابوهم .. الخال : ياابو ابراهيم انت تدري وش غلات عيال اختي عندي وودي اخليهم يعيشون عندي الابو : لا ياابو ندى وانا ابوهم وين رحت ؟؟ الخال : انت موجود بس ابي العيال احسن مما يتغير الجو على ريم وابراهيم وهم في سنوات التخرج الابو : لا مدارسهم هي هي ماراح اغيرها بس عيالي كانوا مع امهم يوم امهم عايشه الحين الله يرحمها وعيالي بيسكنون عندي وانا بخلي السواق كل يوم يجيب ريم لنفس مدرستها وابراهيم بنفس الجامعه مايغيرها الخال : وانت ابوهم ومالي كلمه عليك خير ان شاء الله . . . . انتقلوا ريم وارايهم لبيتهم الجديد بيت ابوهم وماكان فيه غير غرفه وحده في قسم العيال لإبراهيم لكن ريم مالها غرفه !! الام : ماادري وين نحطها ؟؟ الابو : نحطها مع ديمه الام : لا البنت سكنت في بيت امها بغرفه لحالها وانا ماودي الجو يتغير عليها ومابحطها غير بغرفه لحالها .. الوليد توه داخل شفيك ياامي الغاليه ( الوليد مايقول لمرت عمه غير امي لانه تعود عليها وهي تعودت عليه والعائله كلها تعودت عليه والبنات مايتغطون عنه اما ريم فهي تستحي لكنها ماتتغطى بس تحاول انها تتجنب المكان اللي يجلس فيه ) الام : وين نحط ريم ؟؟ الوليد : من قالت أمه ريم الا خفق قلبه وقال بغرفه الكمبيوترحقتي اللي جنب غرفه ديمه الكل طارت عيونه لانهم يدرون ان الوليد غاليه عليه هذه الغرفه لانه عاش فيها اول مامات ابوه وبالحيل الغرفه غاليه عليه أمه وهي منبهره : وشو لا لا لا لا انت تحب هالغرفه مره !! الوليد : لا ماعليك اصلا انا كنت بقولكم خلوها غرفه لريم وبقلبه يقول تو ماتغلى الغرفه اكثر الام : اجل الله يجزاك خير براحتك ياولدي لينا+ديمه : وبصوت واطي شكله واقع بالحب لشوشته ههههههههههههههههه الوليد : شفيكم ليش تساسرون مو عيب شاركوني بالمساسر ديمه : لا بس كنا نقول الغرفه غاليه على الوليد واللي خلاه يتبرع بها اكيد غالي ؟!!!! الوليد : ؟؟؟؟؟؟؟؟؟ هااااااااه ؟؟؟؟؟؟؟!!!!! بس تدارك الموضوع وقال عشان امي مو امي غاليه ضحكت ديمه وقالت على بالي شي ثاني !!؟؟ . . . . . . ** في نفس الوقت لكن في مكان مختلف ** . . . الوليد : هلا والله وينكم ابوي ماتغدا ينتظركم ؟؟ ابراهيم : لا ياشيخ بنضف اغراضنا وبنجي لاتنتظرونا بنطول تغدوا الوليد : احسن اصلا قطعنا الجوع وبناكل !! ابراهيم : هههههه ماتخلي البلع عنك ؟؟ الوليد : اذكرالله ابراهيم : لا اله الا الله الوليد : يالله باي تامرني شي !؟ ابراهيم : سلامتك باي ريم : ابراهيم مين ؟؟ ابراهيم : وش اللي مين ؟؟ ريم : اللي كلمته قبل شوي ؟؟ ابراهيم : اووووه يالملقوفه هذا الوليد ريم ماتدري بس حست ان قلبها انقبض لكن ماتدري وش السالفه ابراهيم : هووووووووووووه وين رحتي ؟؟ ريم : لا بس بروح اكمل ضف ابراهيم : روحي يالله وش تنتظرين ؟؟ . . . . **في بيت ابو ابراهيم ** . . الوليد : قال لابوه ان ابراهيم بيطول ويقول ل هم تغدوا ابو ابراهيم : قم يالوليد خذ خواتك ديمه ولينا وودهم عند بيت المرحومه وخذوا معاكم شغاله خليهم يتساعدون على الاغراض الوليد : بعد الغدا !! ب اكل الحين ابو ابراهيم : قلت لك الحين ياحبك حق البلع الوليد: وهو يناظر الاكل ويحظرم : طيييييييييب قوموا لينا ديمه يالله اوديكم ام فيصل : خلكم تغدوا ليش كذا ياابو ابراهيم الولد جوعان!! الوليد وهو يتمسكن : ايه صح يبه والله امي صادقه بس الابو نظر الوليد وقال له شوف يالوليد انا مو باخل عليك بغدا لكن انا ابيك تكون مع اخوك في محنته قم يالله الوليد : سم يبه يالله قولوا للشغاله وانتظركم بره وهو يناظر البنات الوليد طلع للسياره وهو جوعان . . البنات خذوا وحده من الخدامات وراحوا ركبوا السياره . . الوليد : خلاص ؟ ديمه كانت راكبه قدام قالت : ايه يالله ومسكوا خط الدمام لكن بطن الوليد قطع الصمت وصار يطلع اصوات الوليد يناظر ديمه بخجل ديمه :!!! ههههههههههههههههههههههههههههههههههههههههههههههههه الوليد :ههههههههههههههههههههههههههههههههههههههههه وبعد ماوصلوا للدمام وراحوا لبيت ابراهيم وال ماوصلوا الباب دقوا عليه جوال ابراهيم وهو يرد : تغدى يبه لا تنتظرنا بس اشغلتنا الوليد :الناس تسلم قبل ابراهيم : العذر السلام عليكم الوليد : وعليكم السلام تعال افتح لنا الباب حنا عند الباب !! ابراهيم : لا عاااد هذا مقلب الوليد : اقول تعال الى متى بتخلينا تحت الشمس بدينا نذووووب بسرررررعه ابراهيم : طيب جايك يالله وقفل الخط وراح يركض لباب وريم تلحقه وش فيه ؟ ابراهيم كلمها بسرعه هي مافهمت وش يقول ووقفت عند الدرج بس ابراهيم نزل يفتح لهم الباب بعدين ريم خافت يكون شي صاير ولحقته ماامداها تاصل الباب الداخلي الا وفتح ابراهيم الباب بوجهها وكان الوليد قدام الباب وابراهيم على جنبه الوليد وهو طايره عيونه ومو قادر ينزلها : ؟؟؟؟؟؟ احم احم ريم تلخبطت وماعرفت شتسوي خاصة ان ولد عمها شافها من دون أي شي كانت لافته على راسها ابراهيم : تدارك الموضوع وصك الباب وريم راحت تركض فوق وهي تقول ياربييييييه وش سويت ياويلي من ابراهيم ياويلي ابراهيم : رجع فتح الباب بس هالمره تأكد ودخلهم البيت ورقوا البنات لم اختهم فوق وابراهيم + الوليد : راحوا يكملون ضف الاغراض ديمه +لينا دخلوا على ريم لقوها تصيح ...... ديمه : ليييييييييييييش ؟؟ فديت الدموع ريم : لابس ابي امي لينا : يالله يابنت الحلال اذكري الله وقومي نضف الاغراض قامت ريم تكمل ضف اغراضها لكن ماكانت مستوعبه اللي يصير وكل تفكيرها بالوليد اما الوليد كان كأنه منذهل ومو مصدق عمره وفرحان انه اخيرا شاف ريم ابراهيم : تضايق شوي لكن ادرك ان ريم ماكانت تقصد وانه بالغلط صار اللي صار وقعدوا يكملوا ضف ابراهيم + الوليد في غرفه ابراهيم ديمه +لينا+ريم بغرفه ريم يضفون الشغالات سوى يضفون الصاله والغرف الثانيه الوليد كأن ريم اعطته جرعه منشطه نسى الجوع وصار يشتغل بذمه ابراهيم : كان يفكر في أمه واخته والدراسه في بيت ابو ابراهيم ** . . فيصل رجع من المدرسه ومن دروس التقويه الساعه 5 العصر دخل البيت لقاه فاضي راح يم أمه حب راسها وسألها عن اخوانه قالت له الام : انهم في بيت ابراهيم يساعدونه .. فيصل اتصل في ابراهيم وقال له انه الحين بيجي عندهم يساعدهم لكن ابراهيم تشكر منه وقال له ان الوليد مكفي وانهم خلاص بيرجعون بعد شوي... في بيت ابراهيم كان الكل يستعد عشان خلاص بيردون لبيت ابوهم وجهزوا العفش واجتمعوا تحت في الصاله .. ابراهيم : وليد بقى عليك تاخذ البنات وتردهم للبيت وانا بروح اسلم على خالي واخذ منه الجوازات وبعض الاوراق الرسميه وباقي العفش والحقكم... الوليد :O.K بنسبقك للسيارة واشر للبنات .. يالله قولوا للخدامات والحقون في السيارة .. ريم : لحــــــــظه !! الكل مستغرب التفت عليها ..!! ريم شافت العالم يطالعووها استحت قالت وش فيكم كأن على رؤوسكم الطير !! ابراهيم : اخلصي وش عندك وش تبين ؟؟!! (( باللحظه هذه كان ابراهيم ماله خلقها ابد )) ريم : ابي مفتاح غرفه امي شوي ياابراهيم ؟؟ الله يخليك ابراهيم : يالله ياريم لازم نرجع البيت بسررررررررعه ريم : يعني ماراح تعطيني المفتاح ابراهيم : لا مهبول اعطيك انا عشان تفتحين مناحتك ؟؟ ريم : بدت تحظرم وانقهرت من اخوها لانه أول مره يكلمها بالطريقه هذي الوليد : ابراهيم عطها المفتاح التفت الكل صوب الوليـــد !! ابراهيم : وانت وش دخلك انا واختي ونتصالح !! الوليد : لا مالي دخل بينكم بس انا اشور (( وحس بضيق ولأول مره احد يقسى عليه بالدرجه هذه كان الكل يقوله ياخوي بس هالمره ابراهيم قال انا واختي ومثل قولة انك مو اخونا )) ابراهيم : حس بغلطته التفت على ريم واعطاها المفتاح وراح صوب الوليد وحط ايده على كتفه وقال ماقصدت اضايقك يالغالي الوليد : وش دعوه مابيننا هالشي ياابراهيم مو احنا اخوان ؟؟!! ابراهيم ارتاح يوم قاله الوليد هالكلام واعطاه باقي مفاتيح البيت ووصاه انه يقفل الابواب قبل مايطلع وراح دخل على اخته بغرفة الام لقاها تاخذ بعض الاغراض من الدرج .. قرب منها وقال لها سوووري .. ريم : بســـم الله فجعتني !!! وش سوري عليه ابراهيم : على اني عصبت عليك قبل شوي بس تعرفين ياريم من صباح الله خير وانا اشتغل واحس اني هلكان واعصابي مابديت امسكها !! ريم : وش دعوه ياخوي الله لايخليني منك بس .... ابراهيم :آآآآآآآآآآآآميـــــــــــــــــــــــــن وطلع ابراهيم برى الغرفه ووصى الوليد يقفل الابواب الوليد : خلاص يبه حط في بطنك بطيخه صيفي ابراهيم : والله قدها ياخوي يالله اجل سلاااام عليكم الوليد + ديمه+ لينا : وعليكم السلااااااااااااام.. الله معك .. بدا الوليد ياخذ الاغراض ويحطها بالسياره وطلعوا لينا + ديمه يركبون السياره ودخل الوليد يجيب آخر شنطه وقال بدربي اقول لــريم يالله قرب من باب الغرفه وسمع صوت شهاق وقف عند الباب شوي .. ريم : الله يرحمك يايمه رحتي وخليتيني ليييييييش ؟؟ انا من لي من بعدك ؟؟؟؟ انا من بيدلعني ويقول لي ريامي ؟؟ من بيمسح على راسي ؟؟ مين بنام بحظنه يوم احس بضيق ؟؟ من بكلمه عن المدرسه ؟؟ ويسألني بكل اهتمام .. من يهتم بشؤوني ؟؟ الوليــد : حز بخاطره هالكلام وكان شوي لايصيح معها .. الوليد : احم احم احم احم .. ريم : حست بوجوده ومسحت دموعها وقالت يالله ؟؟ وقامت من مكانها بس الوليد دخل الغرفه وقرب منها وقال لها مابي اسمعك تقولين هالكلام ثاني احنا كلنا اهلك وزوجة عمي هي امك وفيصل وابراهيم اخوانك وديمه ولينا اخواتك وهذا انا قدامك فاقد امي وابوي بعد مو بس امي فقدتهم في ليله وحده ومااحس الا كانكم اهلي .. وزوجه عمي هي امي وانتم اخواني وعمي هو ابوي ولا ناقصني شي والحمدلله ادعي لها ياريم حقك على امك تدعين لها .. انتي ماتدرين ان الصياح يعذب الميت بقبره !! ريم : الله يرحمها ويرحم امك وعمي وامه محمد المسلمين الوليد : زين يالله قومي غسلي والحقينا بالسياره ريم : طيب الوليد ودى الشنطة اللي معه بالسياره ورجع قفل الابواب وخلى باقي العفش لابراهيم في الحديقه وراح يركب السياره .. الوليد : كملتوا خلاص ؟ والتفت وراه يتأكد انهم كملوا ديمه : ايه خلاص طالعني هنا وش لك باللي ورى ؟؟ الوليد ك يوووووووووووه يامعقده انتي ابتأكد انكم كاملين وش فيها لو لفيت ورى ؟؟ ديمه : مافيها شي !! واتجهوا للخبر وكان الجو هادىء ولا فيه أي حركه بالسياره والكل ساكت الوليد قام يخبط بالاشرطه يدور شريط يحطه .. واخيرا لقى الشريط اللي يبيه حطه بالمسجل وفتحه كان شريط ام كلثووووووم إنت عمري .. عاده من الاول وكانت الكلمات تقول : رجعوني عينيك لأيامي اللي ر احوا .. علموني اندم على الماضي وجراحه .. اللي شفته أبل ماتشوفك عيني .. عمري ضاااااايع يحسبوه ازاي عليه ... انت عمري .. انت عمري .. اللي ابتدا بنورك صباحه انت عمري .. انت عمري .. صار يغني معها وهو بالمرايه يطالع ريم .. لكن ريم كانت تأفأف ومو عاجبها الوضع وتناظر الشباك لبره .. ديمه : بتأفف وليــ ــ ــ ــ ــد قفل المسجل الوليد : ليش ؟ ديمه: قفله وهي تطالع الوليد بنظرات حارقه ريم : بصوت عالي لا إلــــــــــــــــه إلا اللــــــــــــــــه الوليد : مو فاهم شي من اللي يدور بذهن ديمه واستمر الجو صامت لحد ماقطع صمتهم صوت بطن الوليد بدأ يصدر اصوات افتشل الوليد اما ديمه + لينا + ريم : ههههههههههههههههههههههههه ديمه : للحين انت ؟؟ ولا يهمك بعد ماناصل بحط لك غدى الوليد : تكونين سويتي خير في هالمسكين اللي ماذاق شي بعد الفطور . . . **بعد ماوصلوا بيت ابوهم ** نزلت ريم وراحت تدخل جوا ولحقتها لينا وشالوا الشغالات الشنط ولحقوهم ديمه : الوليد وش اللي سويته ؟؟ الوليد : وش سويت ؟؟... ديمه :كنك مو داري الحين البنت فاضيه لكلام الحب واغاني .. وتراب قبر امها مابعد جف وانت فاضي حق هالكلام والخرابيط وين احساسك انت ؟؟ الوليد : حمر وجهه من الحيا يوم كشفته بنت عمه ديمه حمر وجهها قهر من ولد عمها واللي سواه .. ولحقت البنات ودخلت جوا معاهم .. اما الوليد شال باقي الشنط ودخل فيهن واعطاهن الشغاله توديهن غرفه ريم .. ودخل الصاله وكان ابوه جالس بالصاله مع زوجته وفيصل الوليد خل عليهم وهو ساهي يفكر وش اللي سوته ديمه عندها حق .. ابو ابراهيم يقطع تفكيره : الله يعطيك العافيه الوليد : الله يعافيك ام فيصل : وين ابراهيم اجل ؟؟ الوليد : راح يخلص اشغال له وبيسلم على خاله والحين بيجي .. استأذن منهم الوليد عشان يروح يتسبح رقي الدرج وكانت قدمه غرفه ريم .. تكلم بينه وبين نفسه .. سامحيني ريامي مو قصدي لا تحسبيني ماحسيت فيكي بس مادري وين راح عقلي ؟ ورجع بطنه يصدر اصوات تذكر ان ديمه وعدته تسوي له شي ياكله .. راح طق غرفتها ديمه : نعــــــــــــــــــم الوليد : ديمتي وين اللي وعدتيني فيه يالبكاشه ؟؟ ديمه : انا عند وعدي بس انت روح اتسبح وانا اتسبح وانزل اسوي لك اللي انت تبيه الوليد : طيـــــــــــب .. ديمتي .... بس ريم شخبارها ؟؟ ديمه : يوم جت قفلت عليها الباب ومارضت احد يدخل عليها .. الوليد : يالله عسى مو عشان موضوع السياره ديمه : لا لا مو عشان كذا ان شاء الله بس يمكن عشان موضوع امها الله يرحمها.. الوليد : الله يكون في عونها ديمه : آآآآآآآآآآآآآميـــــــــــــــــن يالله حل عني عااااد الوليد قفل الباب وراه وهو يقول بقلبه الله يعينهم على فرقا امهم والله الموضوع صعب ينسى .. وراح تسبح ونزل لقى ديمه مجهزة له العشا وأكل وراح ينام . . جا ابراهيم بعد الساعه 1 ونص الليل وكان هلكان وتعبان .. قالت له زوجه ابوه : تبي ازين لك العشا ؟ ابراهيم : ياليت اذا ماعليك كلافه ام فيصل : الله يهديك بس انت واحد من عيالي مافي كلافه ولا شي .. ابراهيم : استأذن وراح يتسبح وبينزل يتعشى .. دخل ابراهيم غرفته شاف السرير والغرفه بارده جدع بحاله على السرير ولا عاد حس بروحه .. دخلت زوجة ابوه يوم تأخر عليها بتناديه يتعشى لكن لقته نايم .. مابغت تقومه .. طفت الانوار وطلعت برى الغرفه ومرت على ريم بطريقها طقت الباب .. طق طق طق ريم : ميييييييييين ؟ ام فيصل: انا يمه افتحي الباب بحاكيك .. ريم : خاله واللي يسلمك مالي خلق اشوف احد ام فيصل : فكي يابنتي ... ريم : الباب مفتوح ادخلي دخلت ام فيصل تفاجأت لما شافت ريم كانت جالسه ريم وضامه رجولها لصدرها وحاطه راسها على ركبها .. ام فيصل : الله يهديك ياريم والله امك بتزعل لو شافت اللي تسويه بروحك وحطت ايدها على راس ريم وقالت قومي يابنتي غسلي وصلي لربك ركعتين اذكري فيهن ربك وادعي لامك ان الله يتغمد روحها بالجنه قومي .. ريم شافت ام فيصل قامت تصيح وضمتها بقووووة وقالت : والـــ .... والله ماني قادرة ياخاله انساها .. ام فيصل : بالأول من اليوم ورايح ابيك تقولين لي يايمه وش فرقك عن ديمه ولينا بعدين يابنتي انا ماطلبت منك انك تنسين امك لكن يابنتي ادعي لها احسن من الصياح يعذب امك في قبرها ادعي لها ان الله يجمعنا فيها بالجنه قومي يابنيتي ريم : طيب ياخالتي ام فيصل : وش قلنا ؟؟ ريم : طيب يايمه وحبتها على راسها وقامت تدخل دورة المياة تتسبح وتتوضأ وتصلي لها ركعتين .. . . . . . . في تمام الساعه 11 الضحى من يوم الخميس دق التليفون الكل كان نايم عدا ام فيصل كانت في الصاله وابو ابراهيم كان رايح للشركه .. . . . . ام فيصل : السلام عليكم ........... : وعليكم السلام هلا بك ام فيصل : هلا بك عاش من سمع صوتك هلا بأم سلطان ام سلطان : الله يحييك تعيشين اخبارك ؟؟ اخبار ابراهيم وريم والعيال ؟؟ ام فيصل : والله تمام بشرينا عنك وعن العيال وعن ابو سلطان ؟ ام سلطان : كلنا بخير الله يعافيك شخبار ريم واخوها بعد جيتهم لكن عسى ماتعبوا ؟؟ ام فيصل : والله ماادري وش اقولك انتي مرت عمهم ولا انتي غريبه ( وحكت عليها كيف ان ريم حابسه روحها وكيف ان ابراهيم ضايق صدره ) ام سلطان : لا حول ولا قوة الا بالله يالله زين اجل ام فيصل بخلي العيال يجون لكم اليوم ويوسعون صدوركم وصدور العيال .. ام فيصل : زين تعالي معم .. ام سلطان : لاماودي تحس ريم انها عزيمه تحسبنا ماحسينا بهمها .. ام فيصل : اصيله ياام سلطان معك حق .. . . ** ام سلطان هي زوجة عمهم علي وعندها جيش ماشاء الله اولهم سلطان الله يرحمه وبعدين ماجد كبر ابراهيم ونهلا كبر ريم وشهلا اصغير من ريم بسنتين لكن بينه اوبين فيصل قصة حب طويلة والكل عارف بالشيء هذا ومن يوم هم صغار والبنت معروف انها حق ولد عمها .. عبود وكان صف ثاني متوسط بس هالولد ملكع الدنيا .. شهودي اولى ابتدائي ..** . . صار الظهر الساعة 12 ونصف قامت ديمة وسلمت على امها وقعدت شوي عندها جاء الابو قامت ديمه سلمت عليه وحبت راسه .. ابو ابراهيم : هلا بنيتي وين اخوانك ؟؟ ديمه : الكل نايم ب انا النشيطه من صباح الله خير قايمه ام فيصل : الله من صباح الله خير وانتي قايمه 12 ونص ؟؟؟ ابو ابراهيم : مداح نفسه كذاب ياديمه ؟؟ ديمه : اووووووه فضيحه ابو ابراهيم : روحي قومي اخوانك .. ديمه : طيب راحت ديمه غرفة فيصل .. ديمه : قوووووووووووم يالنواااااااااام ابوي يسأل عنكم فيصل :اوه عليك وضاقت يعني الا يرسلونك انتي تصحيني ديمه : وش قصدك ؟؟ فيصل : طيب بقوم الحين .. ديمه : قوم الوليد معك .. وانا بروح اقوم ابراهيم فيصل وهو معصب : طييييييييييييييييييييييب راحت ديمه غرفة ابراهيم لقته قايم بس منسدح يفكر على سريره واول مادخلت ديمه مسح عيونه وقال هلا ديومتي تعالي وش بغيتي ؟ ديمه : ابوي يسأل عنكم ؟؟ يالله تعال ابراهيم : طيب الا ديمه بسألك شخبار ريم ؟؟ ديمه : تلعثمت وماتدري شترد على اخوها تقول ان ريم حالتها حاله ولا وش تسوي ابراهيم : ردي اختي فيها شي ؟؟؟؟؟؟؟؟؟؟؟ ديمه : لا مافيها الا كل خير بس ..... ابراهيم : وش اللي بس !! ديمه : الصراحه ريم من امس وهي ماتكلم احد وقافله على روحها بالغرفه ابراهيم : تنهد تنهيده طالعه من قلب طيب روحي انتي خلاص راحت ديمه يم لينا وقومتها ومرت بطريقها على ريم طقت على ريم الباب بس ريم ماردت قالت ديمه بنفسها يمكن نايمه ؟؟ رجعت لفيصل لقته نايم قالت بنفسها : اوووووووه شسويبه هذا بس انا بوريك يافيصل واخذت بإيدها شوي ماء ورشته على وجهه زعق فيصل ياربييييييييييييييه طيب طيب طيب مردوده ياديمه .. ديمه : قوم بس ابوي يبيك ومر على الوليد .. وصفقت الباب وراها وطلعت وراحت تحت عند ابوها وخلال نصف ساعه كان الكل حول الطاوله عدا ريـــــم .... ابو ابراهيم : وين ريامي؟؟؟؟ ديمه : طقيت عليها الباب ولا ردت يمكن نايمه ؟؟ ابرهيم : انزعج شوي وقال بروح اشوفها ابو ابراهيم : اقعد بروح انا قام ابو ابراهيم وراح لغرفة ريم وطق عليها الباب ابو ابراهيم : افتحي ياريامي انا ابوك .. قامت ريم وفتحت لابوها الباب ودخل ابوها سلمت عليه ابو ابراهيم : كذا ياريامي ماتجين تغدين معنا ؟ ريم : مااشتهي يبه السموحه هالمره اعذرني ابو ابراهيم : اذا منتي ماكله انا منب آكل . ريم : لايبه وحبوب الضغط اللي بعد الغدا؟؟ ابو ابراهيم : بكيفها بفوتها اليوم اذا بتفوتين غداك ريم : لايبه خلاص بجي اتغدا الحين ابو ابراهيم : هذا بنتي اللي انا اعرفها يالله ننتظرك ريم : ابتسمت بس مو من قلب وقالت طيب نزل الابو تحت عند عياله وطمن ابراهيم انها الحين بتجي وجلسوا ينتظرونها بعد شوي نزلت ريم .. جت ناظرت طاولة الأكل وجلست جنب ديمة وكان الوليد قدام ريم .. وعيونه مانزلت عنها ويقول بنفسه فديتها مبين على وجهها التعب وهالات سوداء تحت عينها واضحه .. ووجهها شاحب .. يارب ساعدها .. وريم تناظر الوليــــد وانتبهت انه يطالعها دق قلبها بعدين قالت بنفسها وش بلاك ياريم ضعفتي وش حبه هذا وش خرابيط مو معقول انه يحبك .. يمكن بس شفقان عليك .. ياربيييييه اكره نظرات الاشفاق انا مو محتاجه لنظرات الاشفاق هذه ... ام فيصل تقطع السكوت : اليوم بيجون عيال عمكم علي .. من قالت عيال عمكم علي الا تلخبط فيصل وهو يقول بنفسه : وينك شهوله اشتقت لك .. اما ديمه دق قلبها لكن كانت تخفي هلشيء كانت متيمه بحب ماجد ولد عمها .. بس محد داري فيها .. الكل لاحظ التغير اللي طرأ على فيصل .. الوليد : شفيك تخوبلت يافيصل ( الوليد كان حاب يحرج فيصل شوي ) فيصل وهو يقبص الوليد ويقول : اقول جب الوليد : زين عورتني لا تقبصني ؟؟ فيصل : مردوووووووووووووووووووووده يالوليد الكل ضحك الا ريم كانت تلعب بالملعقه وتطق بالصحن كأنها مو مشتهيه ابراهيم : كان قلبه بتقطع على اخته بس مو داري وش يسوي لها ؟؟ حس فيها الوليد وحب يطف الجوووو وقال : ابراهيم .. تذكر ؟؟ ابراهيم : وش اذكر ؟؟ حابه اتاسف لاني بنزل كذا جزاء لاني احتمال مدخل كثير ___________________ من اخر مواضيع الفراشه: دلـــــ جدةـــع 0 بليز فسريه 0 بنات فيدوني 0 بنات النظام المطور بجدة بسرعه ردوا 0 تصميم لهلوله 0 ياصاحبي ............. ماأبيك __________________ |
||
| غير متصله |
|
|
10-11-2006
|
#4 (permalink) | ||
|
|
ياجماعه التكمله فوق مدري وش فيها اتلخبطت كذا
___________________ من اخر مواضيع الفراشه: دلـــــ جدةـــع 0 بليز فسريه 0 بنات فيدوني 0 بنات النظام المطور بجدة بسرعه ردوا 0 تصميم لهلوله 0 ياصاحبي ............. ماأبيك __________________ |
||
| غير متصله |
|
|
10-11-2006
|
#5 (permalink) | ||
 
|
روووووووووووووووووووووعه بس يارب ماتموت امها
لانها والله بتتجنن < دلوووووووووووووووعه لاتتاخري عشان خاطري>>>>>>>>>>>>>> قولي مالك خاطر ههههههه ___________________ من اخر مواضيع الفراشه: هلوله 0 تاجرات الرياض .. ابي هديــه لزوجي 0 الالتهابات وريحتها المعفنه..بليززززز 0 برنامج الظهور دون اتصال للفيستا>>بليز 0 ساعدووني مفتاااااح Vista Business 0 تاجرات مكـــه>>للملابس الصينيه والكوريــه...تعااالوا هوون __________________ |
||
| غير متصله |
|
|
10-11-2006
|
#6 (permalink) | ||
|
هذه الروايه مررررررررررررررررره حلوه
قرأت بدايتها وما عرفت ايش الباقي كويس انك كتبتيها انا شفتها في رسالة بلوتوث ويالله كملي نحن في انتـــــــــــــــــــــــــظارك ___________________ من اخر مواضيع الفراشه: prenciss 0 من صفات قوم لوط في شباب امتنا هذه الايام.. 0 الفرق بين الثقه بالنفس والغرور 0 عطور ودهن العود 0 مو انتهينا من رمضان تقولوا خلاص 0 قدرة الله في الماء __________________ |
||
| غير متصله |
|
|
10-11-2006
|
#7 (permalink) | ||
|
|
رررررررررررررررررررروعه
.gif "Frashagirls (7)")
___________________ من اخر مواضيع الفراشه: ساندي السندريلا 0 كيف أحزن و انت ربي ؟..ْ~(دمج موضوعين)~ْ.. 0 تغطية كاملة لملتقى دار أم سلمة رضي الله عنها بالصور 0 ارجوو تفسير حلمي __________________ |
||
| غير متصله |
|
|
10-11-2006
|
#8 (permalink) | ||
|
|
حرام عليك كملي حمستيني وخليتيني اعيش جو القصة والله رووووووووووووووعه كملي تكفين ولا توقفين بسرعه الله يخليك
___________________ من اخر مواضيع الفراشه: قمرأهلها 0 لايفوتكم كاميرا 2*1 خياليه 0 اللي تبي شعرها ناااعم.. ويتلون طبيعي..ويلمع..ويطوول..ويكثر 0 اذا كنتي في طريق الولادة,,ادخلي بسرررعه 0 زواج أختي بعد العيد ساعدوني أرجوووووووووكم __________________ |
||
| غير متصله |
|
|
10-11-2006
|
#9 (permalink) | ||
|
|
يالله وين التكمله
انا قلت دحين افتح القاها كامله خلاص زعلت ___________________ من اخر مواضيع الفراشه: prenciss 0 من صفات قوم لوط في شباب امتنا هذه الايام.. 0 الفرق بين الثقه بالنفس والغرور 0 عطور ودهن العود 0 مو انتهينا من رمضان تقولوا خلاص 0 قدرة الله في الماء __________________ |
||
| غير متصله |
|
|
10-11-2006
|
#10 (permalink) | ||
|
رووووووووووووووووووووووووووووووعه
كملي بسرعه ___________________ من اخر مواضيع الفراشه: &&مووووون&& 0 يا بنات جــــــــــــده الحقوووووووووووووووني افزعولي 0 عندي فرح بعد شهر وأبغاكم تلحقوني يا فراشات 0 أي أي يا بنااااااااااات ألحقوني بسرعه 0 أحلى وأسوء يوم من وجهة نظرك في حياتك 0 حلى مرررررررره يجنن ادخلي ماراح تخسري وحتدعيلي كمان __________________ |
||
| غير متصله |
|
|
| أدوات الموضوع | |
|
|
موقع حلوة - ابراج مكتوب - تحت العشرين - رجيم - حلويات - ديكور و اشغال يدوية - معاني الأسماء - عالم الصبايا - موضه و ازياء - تلبيس و مكياج المشاهير - العناية بالشعر
اناشيد طيور الجنة - العاب - العاب بنات - صور اطفال - صوت الاسلام - الحياة الزوجية - منتديات - طيران - سفر - كورة - ابراج – حظك اليوم - اخبار - كليبات - العاب فلاش - بنت الحلال – زواج - اصحاب – تعارف - مدونات مكتوب – مدونات عربية - نافذة الفراشه الأخباريه لقراصنة الصومال الهوجــاء - توبيكات - العاب بنات- العاب تلبيس-العاب ماكياج
