الموضوع: كيف نتعامل مع ازواجنا في شهر العسل؟؟؟

السلام عليكم ورحمة الله
حبيت انزل هالموضوع في هالمنتدى عشان نستفيد احترت وين احطه بمنتدى العرايس ولا هنا
قلت هنا احسن عشان استفيد من المتزوجات
على العموم حبيباتي اتمنى تقدمون نصايحكم لكل المقبلات على الزواج وكيف يتعاملون مع ازواجهم في بدايه مشوارهم
والله مادري وشلون اتعامل معه وانا عمري ماكلمته وحتى شكله شفته مره بصوره وبس
والله يوفقكم ويسعدكم مع ازواجكم ويرزقكم الذريه الصالحه

وعليكم السلام


والله انا مو متزوجه كان نصحتك

بس حبيت ارفع الموضوع

وربي يوفقك

انا ملكت من اسبوعين بس
الموضوع رائع بيكون فيه تنبيهات حلوة اذا احد عطانا وجه
انا باقولك نصيحه قالتها لي امي و من جد احسها رائعه
( خليك مسيره )
يعني خلي كل شئ بتسهيل ربك لا تحسبين حساب اي شئ
ودائما ادعي ربك بالخير و السعاده
و احسني نيتك فيه
وبتشوفين كيف حياتك تمشي بسهوله
باذن الله
دعائك يا الغلا

المفروض عزيزتي تشوفيه وتكلميه بس طبعاً لازم يكون بينكم عقد ..

أنا خطيبي (مكتوب كتابي ) أكلمه ويزورني بعض الأحيان وانا أخجل منه كثيييييير وماجايه أتعود عليه ..
يبي لك وقت عشان تتعودين عليه وتتأقلمين ..

المهم في شهر العسل بما أن باقي على زواجي ثلااث شهور ,, تصرفي بطبيعتك وبعفوية وأهم شيء أنك تتنازلي

عن أشياء ماتعجبك أو ماتحبيها وتضحي عشان تمشي حياتك .. وشوفي خطيبك أذا كان يحب أنه ياخذ رايك

ويشاورك في بعض الأمور لاتقولي له على راحتك او الي تبي تراه بيتضايق فكري معه وشاوريه وأختاري معه ..

وشوفي تفكريه والأشياء الي مايحبها عشان ماتسويها ويتضايق فيها ..

وأهم حاجة أنه لاتخليه يشوف منك الا كل شيء حلو وطيب وريحتك داااايم حلووة ..


تقبلي نصيحتي المتواضعه والله يوفقك ولاتنسيني من دعواتك

يكون بكل عفويه مو افكار وتطبقينها
انا الصراحه ماعمري قريت طرق واشياء كذا خليتهااا عفوووووووووويه

-انا اصح صعب جدا اتعامل مع شخص ماعرفه وبالذات في الايام الاولى
الف شكر الحزن الدفين
وحبوبه مافهمت وشلون كانك مسيره وضحي اذا ممكن
الاماكن الله يرزقك زوج صالح واحفظي رابط الموضوع بتحتاجينه قريب ان شاء الله

منجــــــــــد واللـــــــه خايفه
وزاجي مابقي عليه الا شهر .... وانا عمري ماشفته الا بصوووره
والحين ملكت

مااااااااااااااادري وش اسوي
والله خوووووووووووووف انا حاسه فيك اختي

وصدقتي حبوبه ونصيحتك كامك رائــعه ()
خليك مــسيــره

---------------------------------------------------------------

احس الموضوع مافيه شئ من الصعوبه والخوف هلوله توكلي على الله وانشاءالله ربي يوفقك
وياسمينه توكلي على الله وانشاءالله ربي يتمم زواجك على خير
وبالنسبه للنصائح بما اني لسه مخطوبه وماتزوجت بس اكيد بعفويه وطيبه ومااحسب حساب وافكر
وكل وحده ربي يرزقها على قد نيتها
اهم شئ الاخلاق
وبس

فعلا لازم تكون هناك فترة خطوبة فيها عقد شرعي
مايصير كذا ماتشوفينه ولايشوفك ولايكلمك

صراحة عن نفسي مااقدر اتخيل نفسي بين يوم وليلة رجال لاشفته ولاكلمته وبينا عقد شرعي ومرة وحدة اشوف نفسي معاه في مكان واحد لازم يكون هناك تمهيد الا وهو فترة الخطوبة ..

طبعا بالنسبة لحالتك انك ماشفتيه ولاكلمتيه حاولي انك تلاحظين تصرفاته وهل اهو انسان مرح او انسان جدي
وعلى هذا الاساس تعودي عليه
مو تسكتين عنه طول الوقت ولاتقعدين تتكلمين كأنك تعرفينه من سنين
وربي يوفقك ويصلح لك حالك ومبروك مقدما .