الموضوع: القرع العسلي بالبشاميل.. باخطوات والصور من مطبخي

حبيباتي بنات النيل

النهاردة ان شاء الله حتشوفو معاية طريقة عمل
صينية القرع العسلي بالبشاميل

وان شاء الله تعجبكم

نبدأ بالقرع
قرع عسل تقريبا كيلو
زبدة مقطعة
نص كوب سكر

جبت القرع وغسلته


قشرته وقطعته مكعبات


وبعدين حطيته في صينية وحطيت عليه السكر والزبدة ودخلته الفرن



سبته لحد ما استوى واقدر اهرسه
وده شكله بعد ما طلع

هرسته وسبته على جنب


البشاميل الحلو

نص كوب سكر
3 اكواب حليب
زبدة
4 ملاعق دقيق
بيضة
رشة قرفة وجوزة الطيب
ولو عندك قرنفل مطحون

طريقته
في حلة حطيت الزبدة


حطيت عليه الدقيق وقلبته لحد ما وصل للون الذهبي



وبعدين ضفت اللبن الحليب والبهارات والسكر




معلش يا بنات الخطوات اللي جاية صورها اتمسحت بالغلط من الموبايل

بعد البشامل ما خلص جبت البيضة وربتها في طبق وحطيت عليها معلقتين بشامل وقلبتها كويس
بعدين حطتها على حلة البشامل وقلبتها
وغطتها لحد ما استعملها عشان ماتعملش وش
الحشو
شوية مكسرات زي ما تحبي
جوز هند
زبيب
نص مقدار البشاميل

طريقته
نطحن المكسرات ونخلطها مع الزبيب وجوز الهند والبشاميل

ترتيب الطبقات

نجيب القارب
بس انا عملته في البيركس
الصراحة مش نصيحة اتلسع من تحت
يمكن التيفال او الالومنيوم احسن
المهم دهنته زبدة


وبعدين حطيت القرع


وبعدين الحشو


وبعدين البشاميل من فوق
ودخلته الفرن

ولو تحبي تزودي القرع وتحطي طبقة تانية فوق الحشو
ممكن بس تزودي كمية القرع اللي ح تشتريه ل 2 كيلو


وده شكله بعد ما طلع






مش عايزة اقول لكم على طعمه ولا ريحته
فظيييييييييييييييعة

اتمنى تجربوه ويعجبكم

سبحان الله

القرع العسلى
وهو من الخضراوات الصفية ، و ثماره بعد النضج تكون مستديرة الشكل أو طويلة الشكل ، وتزن الثمرة الواحدة من 2-5 كيلو جرام وربما أكثر وبذور القرع العسلى (اللب ) بيضاء تميل إلى الصفرة وهى كبيرة عن بذور البطيخ وهى قاتلة للدودة الوحيدة . والقرع يؤكل مطبوخا ، أو على شكل مربى ، و يدخل فى عمل بعض الحلوى وقيمتها الغذائية عالية جدا مفيدة ، وقال عنه رسول الله صلى علية وسلم " اليقطين . القرع .. يزيد فى الذهن ، و الحفظ ، و يحسن الخلق، و ينور الوجه ، و هو طعامى و طعام الأنبياء من قبلى " ، وقد ورد ذكره فى القرآن الكريم . والقرع العسلى طبق ملين ، ومرطب ، ويدر البول ، ويقوى الذاكرة ، وسواء كان مطبوخا ، أو على شكل مربى فهو يزيل القلق والصداع و يفيد الكلى و الأمعاء . وبذرة تزيل حرقة البول وهزال الكلى ، وقرحة المثانة

ط§ظ„ط£ط¹ط´ط§ط¨ ط§ظ„ط¢ط³ظٹظˆظٹط© ط§ظ„ط·ط¨ظٹط© ط­طµط±ظٹط§ ط¨ط§ظ„ظ„ط؛ط© ط§ظ„ط¹ط±ط¨ظٹط©: ط¨ط°ظˆط± ظ†ط¨ط§طھ ط§ظ„ظٹظ‚ط·ظٹظ† ..ظ…ظپظٹط¯ط© ظپظٹ ط§ظ„ط­ط¯ ظ…ظ† طھط¶ط®ظ… ط§ظ„ط¨ط±ظˆط³طھط§طھظ‡ ط§ظ„ط­ظ…ظٹط¯ ، ظˆظ…ظ†ط¹ طھظƒظˆظ† ط­طµظˆط§طھ ط§ظ„ظƒظ„ظٹ ، ظ

الله الله الله
ياملوكتى انا بعشق صينيه القرع بالبشاميل
بس انا مش بهرسه انا بقطعه شرايح زى الشيبسى بس اتخن شويه وبعمله بعد كدة بنفس الطريقه وساعات بسلقه
بس بجد شهيتينى ليه اوى
هروح اطلع من الفريزر واعمله
ه

بالهنا والشفا يا جميل

انا شكلى حنان رقم 2
لا رقم 1
اتعديت منك ياحنان انا
مليش فاانواع كتير من الاكل
اهو القرع بردوا ولا مره جربتوا
بس شكلوا يفتح النفس ماشاء الله
هحاول انا لو حطيتوا فالجمجمه
هعملوا ان شاء الله واقولك ياملوكتى

اللللللللللللله يا ملوكة شكلو يفتح النفسسسسسسسسسسسسس..
مع اني ولا مرة في حياتي اكلته ولا دقتو
بس متخيلة الحلاااااااااااااااااوةةةةةةةةةةةةةة
لازم اجرب

بصي انا بروح مع دوزي سوق الخضار واتنح قدام القرع العسلي ده
اقعد ابصلو زي الهبلة كدة واقول لمحمد نجيب منو يقولي امشي امشي..
ايه رأيك بقى اني هخليه يجيب واحدة ويا قاتل يا مقتوللللللللللللللل..
هجرب طريقتك
انا اساسا بعشق البشاميل بكل حالاتو وبكل الطرق.. لو مسكر هيبقى روعةةةةةةةة

بس سؤال مهم قوي قوي بقى
بليز ردي عليه يا نيرمو قلبي
اعرف ازاي ان القرعاية دي حلوة ومستوية ومسكررررررررررررررة من وهية لسة بحالها وانا بشتريها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
خايفة اجيب واحدة وتطلع من جوة ماسخة
هو المفروض درجة حلاوتها ايه نص نص ولا قوي لو مستوية ؟؟؟؟؟

المشاركة الأصلية كتبت بواسطة DODO QUEEN

انا شكلى حنان رقم 2
لا رقم 1
اتعديت منك ياحنان انا
مليش فاانواع كتير من الاكل
اهو القرع بردوا ولا مره جربتوا
بس شكلوا يفتح النفس ماشاء الله
هحاول انا لو حطيتوا فالجمجمه
هعملوا ان شاء الله واقولك ياملوكتى

هههههههههههههههههههههههههه
عسل يا دودووووووووووووو
اهم شيء الجمجمة تشتغلللللللل والنية.. ههههههههههه
النتائج بقى غير مضمونة بس يكفيكي شرف التجربة..

تعالي انا وانتي نجررررررررررررررب ونشوف هتطلع ايه

بصي بقى أنا ماليش فيه خااااااااااالص ولما بشوف حد عامله مبجيش ناحيته
بس بتاعك انتي فتح نفسي مش عارفه ليه يعني هاتخليني هاجربة
اصل برضه ده ملوكة اللي عاملاه يعني لازم يفتح النفس
ماشاء الله حبيبتي عليكم بالعافية

أنا برضو عمري في حياتي ما جربته ... بس شكله حلوووووو أوي ما شاء الله ..

و الله شكلك حتشجعيني أعمله يا ملوكة و كان في موضوع هنا برضو فتح نفسي عليه

بشوفة في السوق بخاف منه .. بس واضح ان طعمة حلو ...

خلاص بإذن الله أجربه يا قمر .. شكلة خطيير

تسلم ايديكي يا حبيبتي يا رب .. بجد أكلاتك رووووعة .. بتتسرق سرقة كده هههههههههههههههههههههههههههه

المرة دي حاطة انتي بنات النيل عشان كده .. صح هههههههههههههههههههههههه

عسل انتي يا ملوكة و الله عسسسل

تسلم ايدك ياملوكة انا لسه واكلاه قريب جبنا واحدة كبيرة تقضى العيلة حوالى 4 كيلو وماما عملت نصها بالبشاميل والمكسرات والباقى عملته كيكة كانت رووووووووووعة
بالف هنا على قلوبكم

المشاركة الأصلية كتبت بواسطة DODO QUEEN

انا شكلى حنان رقم 2
لا رقم 1
اتعديت منك ياحنان انا
مليش فاانواع كتير من الاكل
اهو القرع بردوا ولا مره جربتوا
بس شكلوا يفتح النفس ماشاء الله
هحاول انا لو حطيتوا فالجمجمه
هعملوا ان شاء الله واقولك ياملوكتى

جربيه طعمه حلو اوي

المشاركة الأصلية كتبت بواسطة alhananana

اللللللللللللله يا ملوكة شكلو يفتح النفسسسسسسسسسسسسس..
مع اني ولا مرة في حياتي اكلته ولا دقتو
بس متخيلة الحلاااااااااااااااااوةةةةةةةةةةةةةة
لازم اجرب

بصي انا بروح مع دوزي سوق الخضار واتنح قدام القرع العسلي ده
اقعد ابصلو زي الهبلة كدة واقول لمحمد نجيب منو يقولي امشي امشي..
ايه رأيك بقى اني هخليه يجيب واحدة ويا قاتل يا مقتوللللللللللللللل..
هجرب طريقتك
انا اساسا بعشق البشاميل بكل حالاتو وبكل الطرق.. لو مسكر هيبقى روعةةةةةةةة

بس سؤال مهم قوي قوي بقى
بليز ردي عليه يا نيرمو قلبي
اعرف ازاي ان القرعاية دي حلوة ومستوية ومسكررررررررررررررة من وهية لسة بحالها وانا بشتريها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
خايفة اجيب واحدة وتطلع من جوة ماسخة
هو المفروض درجة حلاوتها ايه نص نص ولا قوي لو مستوية ؟؟؟؟؟

وحياة امي لو اعرف حاقولك
ههههههههههههههه
بصي انا بجيبه كده بالبركة
بس انا بحب النوع الطويل مش المدور
كمان اي نوع خضار فاكهة او خضار يكون طازة لازم يكون ناشف وبيلمع
بس كده

هههههههههههههههههههههههههه
عسل يا دودووووووووووووو
اهم شيء الجمجمة تشتغلللللللل والنية.. ههههههههههه
النتائج بقى غير مضمونة بس يكفيكي شرف التجربة..

تعالي انا وانتي نجررررررررررررررب ونشوف هتطلع ايه

يا اتجدعنوا

المشاركة الأصلية كتبت بواسطة to be or not to be

بصي بقى أنا ماليش فيه خااااااااااالص ولما بشوف حد عامله مبجيش ناحيته
بس بتاعك انتي فتح نفسي مش عارفه ليه يعني هاتخليني هاجربة
اصل برضه ده ملوكة اللي عاملاه يعني لازم يفتح النفس
ماشاء الله حبيبتي عليكم بالعافية

تسلمي يا قمر جربي ومش ح تندمي

المشاركة الأصلية كتبت بواسطة verona

أنا برضو عمري في حياتي ما جربته ... بس شكله حلوووووو أوي ما شاء الله ..

و الله شكلك حتشجعيني أعمله يا ملوكة و كان في موضوع هنا برضو فتح نفسي عليه

بشوفة في السوق بخاف منه .. بس واضح ان طعمة حلو ...

خلاص بإذن الله أجربه يا قمر .. شكلة خطيير

تسلم ايديكي يا حبيبتي يا رب .. بجد أكلاتك رووووعة .. بتتسرق سرقة كده هههههههههههههههههههههههههههه

المرة دي حاطة انتي بنات النيل عشان كده .. صح هههههههههههههههههههههههه

عسل انتي يا ملوكة و الله عسسسل

هههههههههههه
اخدتي يالك يا فيرو
حرام اصلي نتعب وتعبنا يروح كد
بس المفروض تعملو لنا حماية من النسخ على المنتدي
ساعات بدخل منتديات معرفش انسخ منها ولا كلمة ولا صورة


بصي يا فيرو
القرع ده طعمه بعد مايستوي بالسكر قريب اوي من البطاطا الحلوة

بس جربيه طعمه خطيييييييييييييييير

المشاركة الأصلية كتبت بواسطة همسايه

تسلم ايدك ياملوكة انا لسه واكلاه قريب جبنا واحدة كبيرة تقضى العيلة حوالى 4 كيلو وماما عملت نصها بالبشاميل والمكسرات والباقى عملته كيكة كانت رووووووووووعة
بالف هنا على قلوبكم

صحة وعافية عليكو يا قمرة