الموضوع: خلونا نتساعد في تجهيزات النفاس

يا جماعه ايش رايكم ..نتساعد في تجهيزات النفاس و كل تحكي قصتها عن نفاسها ايش جهزت و من وين ...
ابدأ انا ..يالله
انا باشتري انشاالله فازات للشوكولا و فازه للمعجنات .. و فازه للتوزيعات .. وباعمل لها ديكورات متقاربه لكن مو مثل بعض.. و باشتغل فيها بالحجر الملون و القماش علشان هاذي الموضه
لكن اللي محيريني اني سمعت انه فيه عصير ينكتب عليه اسم النونو ما ادري من وين ..
يالله مينتكمل معاي

والله يا الغلا النفاس غثاااااااااااااااااااااااء وبس

نفسي يلغى من عالم النساء عني ها المره مدري شكلي ماراح اسوي شي

بالرغم اني عادة ما اتكلف كثير لكن مليت من هم شي اسمه نفاس

بصراحه احس اللي تبي تجهز للنفاس لازم تظمن عندها اخوات راح يقدمون كل شي زي ماهي تحب

مو شغالات وتعب تلاحقينهم وتلاقين اشياء ناقصه

وبحكم اني في البدايه مدري يمكن اغير رايي اذا تقدمت بالحمل خخخخخخخخخخخخخخخخخخخ

وراح ننتظر اراء باقي الفراشات


......

175دخول .........................................؟؟؟؟؟؟؟؟؟ ؟؟؟؟؟؟؟؟؟؟؟؟؟؟
دلوعته يا قلبي امر لابد منه ...انتي تقولين كذا على قولتك لأنه توك بعدين ..تبدأين
لكن الله يعينا
حاولي تجمعين افكارك من الحين حتى لما توصلين تصيرين حددتي افكارك وهذا اسهل عليك
و ياريت الباقي يتساعدون معنا

مادري انا اللي اعرفه صبابه في المستشفي ومفرش سرير للمستشفي وورد شكولا وعصير وموالح وخرابيط مالها داعي انا اهم شي ربي يتمم لي ويشفيني ويرزقني بالولد كامل الخلقه وبس مابي شي ثاني والله يوفقكم

والله بصراحه تكاليف مالها داعي اللي بتكالفينه على الحضور اشتري فيه تجهيزات البيبي ومواد للعنايه بنفسكي غير الوقت اللي يضيع خليه لراحتكي وتمتعي بطفلك انا ولدت من قبل وماجا على بالي ابدا اسوي هذا الشي وربنا يتمم لكم على خير

شكرآ على المرور
وجهة نظر خاصه ..لكن اذا كان كل معارفك عندهم نفس التجهيزات فمن الطبيعي انك تماشين مجتمعك من غير اسراف ولكن بحدود المعقول .وبعدين احنا ما قلنا بنعمل حاجه غير اللي حكيتوا و الراحه متوفره و تجهيزات النونو و انا كله موجود ...؟؟؟

انا بنسبه لي لازم اجهز حق انفاسي مع اني اكره هالفتره لانها ضيقة خلق وتعب
بس اجهز غرفه خاصه حق لستقبال بالبيت من مفارش طاولات ومطارات القهوه والجاي
والكاسات والفناجيل وسرير خاص لي وللبيبي وكفر حقي وملابس استقبال لي ولنونو
اتكون نفس اللون وطبعا لازم اتكون الشيله نفس لون الثوب وتكرمون شبشب للبيت
بس ابسراحه ما حاولت اسوي كاكاو للتقديم مادري ليش ماحبيت هالفكره بس
انا ارتب الغرفه بنفسي قبل الولاده واجهز كل شي فيها واحط فيها اكسسوارات


والله ايهون علينا كلنا امين

انا بعد احاول اجهز نفسي من الحين الصراحه مابغي اشياء مبالغ فيها لكن ابغي اشياء حلوه وغريبه

وكل دوله غير عن الثانيه مثلا احنا في البحرين اغلبنا مايسوي سبوع بس في المستفشفى نوزع الهدايا

انا اخذت مفرش للسرير وملابس الطفل وملابسي ماخلصتهم

الحين افكر شنهو احط عند باب الغرفه في المسشتفى يعني شيئ يستفاد منه في الاخير ولا احب شغلات الفلين قديمه
من عندها فكره لباب الغرفه ؟؟؟؟

اختي الخالده شنو هذا العصير الي يكتبون عليه اسم الطفل ؟؟؟عندكم شغالات غريبه في السعوديه

إذا تبغين اتعرفين انا شنهو سويت بولادة بنتي قبل قولي لي ؟

توت .. يا اهلا و سهلا فيك حبيبتي معانا ...و ياريت حتى نستفيد ..و بالنسبه للباب .ما اعرف ايش طريقتكم ..يعني استاند و الا تعليقه على نفس الباب و الا جنب الباب و ايش قصدك .. تكون توزيعات المولود و الا حاجه ثانيه ..و بعدين بغيت اسألك طرقتكم ان كل الناس يجونك في المستشفى و في البيت محد يجي و الا كيف........

ام قمر .كيف شوكولا تقديم .. ما اعرف يعني ايش تقدمين للزوار

لي عوده واعطيكم اخبار تجهيزاتي للمره الاولى والثانيه وهذي الثالثه عشان كذا ماعندي حماس خخخخخخخخخخخخ