الموضوع: جمل وعبارات المواليد

لوسمحتو أنا الحين بدأت أجهز لولادتي وحابه أكتب جمل وعبارات حلوة على توزيعات البيبي أتمنى تساعدوني وتعطوني جمل وعبارت حلوه للعلم البيبي ولد

الله يهون عليك يارب
والجمل ممكن تكون
1* شيلوني بحنان انا هدية من الرحمان
2*ياناس يا عسل (إسم البيبي ) وصل
وأتمنى انة يعجبك..

السلاااااااااااام عليكم ..

اول شيء .. الله يسهل لج ويرزقك الذرية الصاالحة
وتقومين بالسلاامة ان شاء الله

وهذا الي عندي وان شاء الله يعجبونك ..

يا أغلى هدية من الخالق
تتمنى العين ما تفارق
أجمل وأروع مولود
هل بوسط الخلايق

"""""""""""""""""""""

ألف مبروك للحلوين
بقدوم أغلى الغاليين
الله يبارك فيه ويعين
كل من تعب من أجله أمين

"""""""""""""""""""""


يا أغلى الناس والغاليين
مبروك عليكم أحلى الحلوين
الله يديمه لكم يا رب
ويجعل دربه اليقين

اقبلت يــاحـلو *********** حــلاتك عــــجب

مـاحد من الاولاد **********لــحسنك غــلب
\
\

ياهلا باللي على الدنيا حضر ****** مثل نور الشمس وأنوار القمر

بهلته فرحت كل القلوب ****** هذا ( ..... ) عسى عمره دهر
\
\
" سموا بالله إذا شفتوني ..وصلوا على النبي إذا شلتوني "
\
\

" الغالي حضر حيوه ...بأحلى الزهور رشوه "
\
\

" اكلوا حلاوتي ..وتحملوا شقاوتي "
\
\
" طار طير الفرح وغنى... فوق غصن السعد شادي
قال جانا ما نتمنى ..ياهلا والله ب (اسم البيبي) "
\
\


" شيلوني بحنان أنا هدية الرحمن...شيلوني بحنان والله يرزقكم الجنانّ "
\
\
انا""اسم الطفله""زرتونى وانا باللفه ******* عقبال ماتشوفونى بالزفه
"""""""""""""""""""""


مبروك ويتربى بعزكم
ويجعله قدم السعد عليكم
وإن شاء الله ما يخيب ظنكم
ويبارك فيه ويسعدكم


"""""""""""""""""""""


كنتوا بالعيلة 2
واليوم بقدومه 3
عقبال اللي بعده يا رب
وتزيد العيلة أحباب


"""""""""""""""""""""


بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر


"""""""""""""""""""""


بكرة تمر السنين
وتشوفوه أحلى الشباب
يوقف جنبكم ويعين
وكل المصاعب تلين

"""""""""""""""""""""


حملتيه تسع شهور
واليوم جاه ألف مبروك
والكل وهبه أجمل شعور
وصار بالعيلة مشهور


"""""""""""""""""""""



يا هلا فيه وبقدومه
أسعد الكل بوجوده
نعمة من الرب شوفته
وكل الي حوله يحبونه



"""""""""""""""""""""


بقدومه أشرقت
شمس الشموس
وصار بهجة كل النفوس
نور على دنيانا وجوده
ومن اليوم بنحجز له
أجمل عروس


"""""""""""""""""""""


تبدلت بوجوده الاوضاع
وصار كل شيء رائع
الله يديمه لكم يا رب
ويبعد عنكم الاوجاع


"""""""""""""""""""""


ما شاء الله
العين تسر من جماله
تبارك الله
يا زينه في دلاله



"""""""""""""""""""""


زمان أول تحول
ما حد يبقى على حاله
بقدومه كل شيء يتغير
الله يديم الفرحة ويبعد الزعل

الله يهون عليك ويقومك بالسلامه


فيه عبارات كثيره وهذي بعضها:

شيلوني بحنان.. انا هدية الرحمن


شيلوني بحنيه الماما تعبت فيا

انا جيت نورت البيت

اللهم اجعلني بارا بوالدي ومطيعا لهما

شفتوني في لفتي وعقبال ما تشوفوني في زفتي

واذا حضرني شي فلي عوده
.
.
.

ما شاء الله

ما قصروا البنات

الله يعطيهم الف عافية

مشكورين خواتي وماقصرتو

فراشه قطراويه .... ممكن اسأل وين سويتي التوزيعات ؟

وين تسو التوزيعات بنات جده