الموضوع: من جربت الولاده في مستشفى المواساه بالدمام؟

شلونكم خواتي وشخباركم ؟حبيت أسأل من جربت الولاده في مستشفى المواساه بالدمام وشنو رايها فيه

من ناحية العنايه والاهتمام والنظافه ومنو احسن دكتوره توليد عندهم وممكن اطلبها؟

وممكن زوجك يدخل معك غرفة الولاده او لا وإذا جربت ابرة الظهر عندهم؟

وشنو مميزات الغرف الخاصه وكم سعرها؟

ادري دوشتكم بأسئلتي

بس لاني في الشهر التاسع واحتمال في اي لحظه اولد وياليت تفيدوني ومشكورين

ادعوا لي ربي يهون علي جزاكم الله خير

اختي مستشفى المواساه امي ولدت فيها من حوالي 16 سنه الحين اختي في ثاني ثانوي ماشاء امي للحين تشكر فيها اتمنى الاخوات يفيدونك اكثر مني.

وأنا بعد عندي نفس السؤال ..... وهل تنصحوني فيه أكثر من سعد التخصصي؟؟

انا ولدت مرتين بمستشفى المواساه بالدمام مرتين من ست سنوات بصراحه المستشفى نظيف وعنايتهم ممتازه بس بغرفه الولاده الممرضات نفوسهم شينه ودكتوره العن منهم كل ماسالتها صارا تهزئنى كنى ذابحه احد من اهلها ماصدقت اولد واطلع كرهت المستشفى كله سبتهم عكس المانع رووعه والممرضات مشاءالله عليهم يشيلونك على كفوف الراحه
وسعد التخصصى حلو بس ماجربته بالولاده بس الكل يمدحه

هلا بك اختي ..

والله عن اللي اسمعه عن المواساه ان الولاده فيه ماهي زينه يلعبون فيك لعب تخيلي وحده

من قريباتي توها والده عندهم كان الرحم مفتوح عندها 3سم وبعدين تسكر واعطوها طلق

صناعي واعطوها 4 تحاميل وبعد هذا كله اعطوها ابره تخدير لقيصريه .. وبعد هذا كله وبعد

ابره التخدير قالوا لها ادفعي الراس قريب !!! تخيلي كيف تدفع وهي مخدره ؟؟!!!

والولد تعب وجلس في المستشفى يومين ...

أما بخصوص سعد فثنتين من قريباتي ولدوا فيه ويمدحونه والكتاب باين من عنوانه ..

وانا إن بالتاسع الان وبولد بسعد وربي يكتب اللي فيه الخير للجميع ..

وأرجع واقولك .. كلها توفيق وتساهيل من رب العالمين ...

تحياتي ..

rosesdreams

مشكوره على اهتمامك ويعطيك الله الف عافيه

مدام دندونه

اتمنى ان تكون قد استفدت

فراشه خجوله

اشكرك جزيل الشكر
تحياتي

مخطوبه وخايفه

مشكوره والله يعطيك العافيه

اللي الكثيرين ما ينصحوون فيه على الرغم كنت متحمسه له كثير بس بطلت طيب ليش ما تولدي بمستشفى سعد الدوسري بالخبر صديقتي تمدح فيه بالمره

انا ولدت بالمواساة بالدمام 4 مرات بالبداية كانت عنايته ممتازه وحلوه وبعدين صار ياشينه ولا ينفع
وزي ما قالت الاخت ممر ضاته يسدوا النفس ومعاملتهم سيئة ومكشرين ولا حتى يبتسمون والله ساعات احتاج مساعده ولا اضغط الجرس اناديهم انتظر زوجي يجي لي وهو يساعدني
والدكاتره اللي اعرفهم نجوى وفاطمة الزهراء والصراحة ما ارتحت معاهم ابد حتى صار لي مشاكل معى الممرضات وشكيت عليهم عند رئيس القسم
ومن ذاك اليوم تووووووووووبه ولا عاد اوصل للمواساة حتى زوجي يقول لي آخر مره تقولي اروح المواساة
والولادة الخامسه في سعد طبعا ولا اروع من الناحية الطبية والنظافه والعناية والمعاملة طبعا يشيلونك على كفوف الراحه كل شي بثمنه ههههه

زمرده

اشكرك عزيزتي و يعطيج العافيه

طيب ممكن زوجك يدخل معك غرفة الولادة في سعد او ممنوع