الموضوع: اضرار الكحه على الحامل

بنات ذبحتني الكحه وانا حامل بالشهر الثالث يمكن نهايته وبداية الرابع

المهم فجاءه جتني كحه فضيعه الحين صار لها اسبوع واحسها تزيد رحت المستشفى

وعطوني ادويه بس ماخفت ابي الله يخليكم تقولون لي شنو اضرار الكحه على الحامل

بالذات بالشهور الاولى وشنو ممكن يصير

حبيبتي انا ماأقدر افيدك
وبصراحه اللي راح تجاوبك راح تفيدني معك 0000أنا لي اسبوع معي كحه

لازم تتعالجين الكحه تقول الدكتوره متعبه للحامل

وعمتي انفتح الرحم من الكحه وتعبت واجد من الكحه

وولدت قبل موعدها

شربي عسل على الريق

والله يعافيك انشاء الله

انا اخــتي انفـتح عـندها الرحــم وجاها الطــلق وهي بالســادس ... وكــله من الكحــه

وانا بعــد واايد تعــب تزجــمت وبعــدين جـتني كحــه فضــيعة .. لدرجــه اني كل ما اكــح احــس بألم بضــلوعي .. حاولي تعالجــين الكحــه لأنها مو زينه للحامــل .. واشــربي ســوائل دافـيه بكــثره .. وتجــنبي الاعشــاب .. لأنها ســببت لي غازات لما جربــتها علشــان اخــفف من الكحــه والدكــتوره قالت لي المفــروض ما تاكــلين هالاعشــاب لأنها مضــرة للحامــل

كيوت توت تسلمين على المرور ويارب يفيدونا

صمت الذكرى مشكوووره على المرور ونورتي يالغاليه

فروحه والله ياقلبي انا كيذا احس ان صدري تعب من الكحه بس
ربك يعين وتسلمين على الافاده

أنا صابتني كحه قوية ف الحمل

و رحت عند الدكتورة و وصفتلي دوا حق الحامل

و الحمدلله خفت عني كثييير و ارتحت بعدها

بس اهم شي ما تهملين عمرج و كثري من السوائل و الاشيا الساخنه

تسلمين طير السلام ومشكوره على الافاده فديتك