الموضوع: متى يبدأ بروز البطن؟؟؟ الرجاء الدخول

الســــلام علكم يا فراشــات
أبي أســأل متى يبدأ بروز بطن المرأه الحامل؟؟؟
يعني في أي شــهر؟؟؟
لأني أنا الحين بالأسبوع التاسع لكن أحس ان بطني برز!!! والبنطرون ضاق علي!!! وقياس الخصر تغير!!!
مع العلم اني ما سمنت الا في منطقه البطن!! وأكلي طبيعي!!!
هل هذا البروز طبيعي!!
يعني بالأسبوع التاسع يطلع البطن!!!!

جاوبوني يا جماعه الخير

احمدي ربج هههههههههههه انا في الاسبوع السابع احس بطني كبر ^_^ يوم البس البيجامه اتبان الكرشه على اصولها هههه

الله يثبت لنا حملنا ان شاء الله ويرزقنا الذريه الصالحه

يعني البروز طبيعي

ان شاء الله طبيعي ..

لاني انا اول مره احمل .. ورحت العياده يوم راجعت ما قالت لي شي بخصوص البروز .. اكيد بيكون طبيعي؟!

انا الان في الاسبوع الخامس اللي يشوفني يقول في الاسبوع العشرين مع اني ضعييييييفه

طمنتوني الله يطمنكم
لأني خايفه من هذا البروز!!
مع ان جسمي عادي مافيه أي شي ما عدا البطن
شكله خاااايس

أول شي قولي الحمدلله انتي بنعمه محسوده عليها>>>>>>>الله يكفيك شرالحسد
وادعي ان الله يثبت حملك ترى بعدين الله يعاقبك على كلمة ((خايس))استغفر الله اما بروز البطن حبيبتي فهذا يختلف من وحده لوحده يعني ناس يبرز بطنهم من الثالث وناس مايبرز الا فالثامن وفيه بعد الي مايطلع لها بطن نهائي وملابس الحمل ماتعرفها ابد انتي اسالي امك وخالاتك شلون كانت بطونهم فحملهم.
ارجو انك تتقبلي مروري وماتزعلي علي بس عن جد قهرتيني فيه ناس يتمنونه .

انا الحين بالشهر السادس وتوه احس ان بطني قاعد يبرز في بنات بطنهم في الحمل اصير بالعرض اللي هو مثلي ما يبان ووفي بنات اكون بطنهم بارز جدا واغلبهم اكونون نحيفات واااااااااااااايد

المشاركة الأصلية كتبت بواسطة أم نونه

أول شي قولي الحمدلله انتي بنعمه محسوده عليها>>>>>>>الله يكفيك شرالحسد
وادعي ان الله يثبت حملك ترى بعدين الله يعاقبك على كلمة ((خايس))استغفر الله اما بروز البطن حبيبتي فهذا يختلف من وحده لوحده يعني ناس يبرز بطنهم من الثالث وناس مايبرز الا فالثامن وفيه بعد الي مايطلع لها بطن نهائي وملابس الحمل ماتعرفها ابد انتي اسالي امك وخالاتك شلون كانت بطونهم فحملهم.
ارجو انك تتقبلي مروري وماتزعلي علي بس عن جد قهرتيني فيه ناس يتمنونه .

مشــكورة حبيبتي بس أنا ما قلت شي
والحمدالله انا سعيده لأني حامل
وأشــكر ربي على هذا الحمل
وانا متزوجه من سنتين وهذا أول حمل لي..
وشنو يعني اذا قلت عن البطن شكله خايس انا أقصد شكل بطني ما أقصد الحمل !!
واللي يتمنى الله يرزقه ان شاء الله وأنا أدعي الله ان كل وحده ما عندها أولاد الله يرزقها لأن أنا عانيت لمده سنتين ولله الحمد مافيني عيب أو مشكله وحتى زوجي مافي مشكله لكن الله مأخر حملي وأنا ادري ان التأخير هذا خيره والحمدالله على كل حال..
ومشكووووورة يا عمري