الموضوع: المركز الطبي الدولي ...الي تعرف تفيدني بليز...((الولادة فيه))

سلااااااااااااااام لكل البنااات


مين جربت الولاده في مستشفى فتيحي (المركز الطبي الدولي ) في جده

ياريت تفيدني

لانو على وش ولاده

تنصحوووني ولا لا؟؟؟؟


تحيتي للكل

السلام عليكم أختي
بالنسبة للمركز الطبي الدولي هنلك دكتورات النساء كويسين أنا سامعة عنهم كلام مرة حلو في د.أسماء زين العابدين و د.وفاء سيت هم أحسن اتنين
وكمان هناك موجود دكتور اسمه خالد خادوردي بالمررررررررررة ممتاز
وانتي وراحتك تولدي عند دكتورة أو دكتور
أنا يمكن أولد عندهم لكن عند الدكتور خالد
لكني إلى الآن لم أحجز
المستشفى شكلها من برة خطييييير وإن شاء الله يكونوا كمان معاملتهم وولادتهم كويسة
والله يعيننا

عاد أنا أول مرة لذلك بالمرة مهتمة بالمكان والغرفة وكمان مستوى الدكتور وشهادته وخبراه وكم سنة له وهو يولد النساء
هذا كله إنتي أسألي عنه في الإستقبال أو عالتلفون
وأتمنى أكون أفدتك
أدعيلي بسهالة الولادة في أي مكان كان
وشكرا مقدما لكي

طيب بكم الباكج عندهم


وهل تعاملهم كويس يعني انا متعوده ع المتحدون وش رايكم اغير

هلا كروووشات

انا براجع عند دكتورة اسماء زين العابدين ممتازه ماشاءالله

بس احنا بطاقتنا VIPيعني على تأمين مو كاش ماعرف بكم الكاش

بس صراحه معاملتهم حلوه وكل شي حلو

انا حطيت الموضوع عشان اخد راي الي جربووو


تحيتي للكل والله يقومنا بالسلااامه يارب

اتصلت عليهم قالولي متابعه من الشهر السابع مع الولاده ب6 الاف ريال

يابنااات ولادتي قربت ان شاءالله قالتلي على 10 جنيواري


ان شاءالله بعد مااولد حقولكم كل شي بالتفصيل

ادعوووولي لاتنسوووني من دعااااائكم

تحيتي

انا اراجع عند الدكتوره سميره ابو راوي مرررررررررررررره ممتازه الحمدلله والغريبه الدكتوره اسماء زين العابدين تعملي الاشعه انا احسبها والله اخصائية اشعه ما توقعتها دكتوره والمعامله عندههم مرره ممتازه الحمدلله والله يقومنا اجمعين بالسلامه امين

مين تعرف بكم الولاده القيصريه عندهم

القيصريه 10000
انا كمان افكر اروح بس خايف ماعرف احد جرب عندهم

سبحان الله