الموضوع: كيف ترجعين لزوجك قمرر بعد الاربعين~وتجهيزاتي للنفاس

انا حامل بالشهر التاسع واجلس عند اهلي فترة الاربعين كلها وزوجي عند اهله وقررت اخليه يرجع مايعرفني من التغييرات واول شي سويته اشتريت دولاب صغير كله رفوف وحطيته عند اهلي وفيه الاشياء هذي:
خلطة تبييض وتصفية البشره استخدمتها قبل زواجي ونفعتني
صابونة البابايا ثلاثه بواحدبعد الخلطه
خلطه ليديني واقدامي وهي عباره عن جلسرين مع ليمون وفكس {ماحطيت الليمون لين اولد انشاالله}وبستخدمها كل ليله تبيض وتنعم وتعطي لمعه
خلطة تبييض الاسنان وتعطير الفم وهي عباره عن توست يابس محروق ومطحون مع ملح خشن ومراميه مع ليمون لين تصير زي المعجون افرش فيها اسناني يوم بعديوم
كريم توريد الحلمه الطبيعي
كريم اولاي بالتوت بستخدمه بالنهار
خلطتي حقت الشعر كميه قليله تكفي مرتين
خلطة توريد الشفايف
كريم ميبو عشان الغرز
الة شفط الحليب
صابونة ديتول
قطن
فوط
مطهرات
علبتين زجاج نظيفات وحده فيها قشر رمان مطحون
ووحده فيها نبات الارطا مكسر وهذولي بيصيرون غسولي
علب صغيره فيها
مره
حبة البركه
رشاد
حلبه
بالنسبه للملابس
جبت اثواب مفتوحه من قدام
وحمالات صدر السلك حقها عريض
شورتات سترتش عشان مايدخل هوا
مشدين عادي واندنوسي
وبناطيل
وشراب صوف
وشالين قطن
وبجامات قطن
ومناشف وحده صغيره للوجه وثنين كبار
وبحجة ان المشي زين للحامل كل كم يوم انزل السوق واشتري قمصان نوم حلوه ولانجريات وتايورات وبناطيل وشريت مفرش سرير كشخه والعاب زوجيه واضاءات رومنسيه وخبيتهم عند امي لاني مابروح السوق بعد الولاده وابفاجيء ابو الشباب
وبعد النفاس ناويه اصبغ شعري واسوي حمام مغربي وحلاوه ومكياج واستشوار قبل اروح بيتي شرااايكم بتجهيزاتي
واي مساعده انا جاهزه وسلامتكم ولاتقولون هذي فاضيه ترا رجالنا هم جنتنا ونارنا وانتظرو جديدي عن تجهيز المولود

انا نفس تفكيرك بس انا عنده بيتي بولد وعندي بس خلطه الجلسرين مع فازلين مع فكس وليمون واربط بطني بعدها بشماغ ما احب المشدات وشريت مفرش اذا طلعت من نفاسي باقي اغراض من قمصان نوم ولبس طلعه اذا حصلت صيفي بشتريهن اذا دخلت التاسع لاني انا الحين بنصف الثامن ومنها استفيد امشي علشان اولد بس ما حقت التوريد الحلمه مع الرضاعه مقدر احط شي واول مره اسمع فيها اما الشفايف دليني عليه منين جايبته

ماشااااااء الله عليك الله يقومك باالسلامة وعقبالي ابسألك عن خلطة توريد الحلمة انا جدآ اسودت مع الحمل وكمان تبيض وتصفية البشرة وتوريد الشفايف معليش ثقلت عليك وخلطت التبيض تبان في كم يومممممممم وشكرآ

الله يسعدكم ويتمم حملكم على خير وانا وياكم

ماشااااااء الله عليك الله يقومك باالسلامة وعقبالي

عقبالي انشاء الله

معليش حبيبتي بثقل عليك بالاسأله لكن الشكوى على الله تحمليني يا اخت النبضه الاخيره واول شي الله يقومك بالسلامه و العافيه بسال عن كريم توريد الحلمه من وين وكيف وضعه مع الرضاعه ؟
ووشهي خلطه توريد الشفايف

اتمنى اني الاقي منك رد يا عسل حتى لو على الخاص

الله يعطيك العافيه
انا توني مخلصه السابع وقاعده اجهز وافكر وش راح اسوي بس يااخواتي لاتنسون المره وفوائدها في النفاس والمسك الابيض والحلباءوفائدتها للعظام والبخور بخشب الصندل والعفص والمر وقشر الرمان وايضا العنبريه تخلطينها مع العسل وتاخذين ملعقه كل يوم في الصباح
انا باقي خبرتي قليله بس هذي بعض الاشياء الي ممكن تستفيدون منها

تكفين وشو كريم توريد لحلمة وخلطة البياض الحقيني ووووووووووووووواو تخربت وسمرت