الموضوع: عملية للاجهاض او اخد حبوب لتنظيف الرحم ضروري ردوا ايش افضل

السلام عليكم ورحمة الله وبركاته
الجنين مات في الشهر التاني
وقالت الدكتورة لازم عملية تنظيف
وانا اخاف من العمليات
ايش رأيك ايش احسن مستشفى اسوي فيها التنظيف؟؟؟؟؟

ممكن يكون في ادوية اخدها تنظف الرحم؟؟؟؟
او اشياء تانية زي القرفة والزنجبيل والقرنفل والتمر ممكن اخدها وتنظف بدل العملية؟؟؟؟؟؟
والرياضة وطلوع الدرج ممكن يساعد على نزول الجنين بدل العملية!!!
اييش رأيكم وايش افضل مستشفى في جدة
التخصصي او الاطباء او عرفان او فقيه

ربي يعوضك خير ياعمري
انا ماعندي فكره لاني مو من سكان جده
بس حبيت ادعيلك ياعمري

المشاركة الأصلية كتبت بواسطة ؛؛؛؛ فجر ؛؛؛؛

ربي يعوضك خير ياعمري
انا ماعندي فكره لاني مو من سكان جده
بس حبيت ادعيلك ياعمري

اللهم امين
الله يتمملك الحمل على خير ويسهلك الولادة يارب

أختي عملية الغسيل ماتخوف
اتكلي على ربك ولا تخافين وسوي العملية اذا الجنين مانزل اعتقد لازم غسيل

والله اعلم

تحياتي ...

المشاركة الأصلية كتبت بواسطة &جنة الدنيا&

أختي عملية الغسيل ماتخوف
اتكلي على ربك ولا تخافين وسوي العملية اذا الجنين مانزل اعتقد لازم غسيل

والله اعلم

تحياتي ...

لسه مانزل الجنين بس دم خفيف
قالت لازم عملية تنظيف
وانا موسوسة اخاف من العمليات
كنت ابغى شء بديل لتنظيف حبوب او اشرب قرفة او اي شئ
بعدين هما مااخترعوا ابر للتنظيف لازم عملية
مافي شئ ينشرب ينزل المشيمة والجنين
وابغى اعرف ايش سبب الاجهاد قالت الدكتورة بعد التنظيف ياخدو عينة ويشوفو ايش السبب صح كلامها
ولا بتحليل يبان ابغى اعرف قبل مااسوي العملية نفسي اعرف ايش السبب

الله يعوضك خير يارب
والله يرزقك بالذريه الصالحه
يمكن ياعمري شلتي شي ثقيل واثر عليك

المشاركة الأصلية كتبت بواسطة شموخ سدير

الله يعوضك خير يارب
والله يرزقك بالذريه الصالحه
يمكن ياعمري شلتي شي ثقيل واثر عليك

امين يارب
والله ماني عارفة ايش السبب بالضبط من ايش نزل
الله اعلم
وانا من يوم ماحملت جاني اكتئاب مو طبيعي وشبة يوميا ابكي وسرت مرة عصبية شهرين وانا على دا الحال
مدري اذا ممكن يأثر على الجنين او لا الله اعلم
والمشي والحركة مااعرف اريح نفسي
بس الوحدة تتعلم
وعسى ان تكرهو شيئا وهو خيرا لكم
ممكن خيره
الحمدلله على كل حال

الحمد لله على كل حال

حبيبتي اختي سقطت واذكر انها سوت تنظيف
ولما طلعت من المستشفى صارت تاخذ ادوية النفاس وكل شي يعني كأنها والده
والله يعينك

غلاتي اذا اليبي مات لازم عملية تنظيف وذا احسن لجسمج، ولأن المشيمة ماتنزل بالأشياء الشعبيه
وانا راح اطمنج انا سقطت قبل هالحمل والبيبي مانزل فسويت عملية تنظيف ماراح تحسين بأي الم او اي شي لا قبل ولا بعد العمليه
مافي داعي للخوف لكن التأخير موزين لج لأن راح يتسمم جسمج توكلي على الله وسويها
وبالنسبة عن المستشفيات مادري ان شاء الله بنات السعوديه يفيدونج وعلى فكره اي مستشفى عادي لأن العمليه جدا سهله وماتاخذ 10 دقايق وماتحتاج كل هالخوف
الله يعوضج خييير ان شاء الله

الله يعوضك يارب ويرزقك بذريه الصالحه يارب
لازم تسوي عملية تنظيف لاني انا كمان مات الجنين في بطني وسويت عملية تنظيف هي عملية بسيطه وتخرجي من المستشفى في نفس اليوم
انا سويتها في مستشفى فقيه