الموضوع: سقوط الطفل على الرأس ??

السلام عليكم ورحمه الله وبركاته

اخواتي الغاليات عندي ابنتي سقطت على راسهااا هل يوثر عليهااا..ارجو افادتي



شاكره لكم تجاوبكم

وعليكم السلام ورحمة الله وبركاته ..

غاليتي يفضل أن تعرضيها على دكتور حتى تطمأني عليها .. لأن احيانا أثر السقوط ما يبين إلا بعد فتره ..

والله يشفيها ان شاء الله ويحميها ويخليها لك ان شاء الله ..

:

والله انا بنتي دايما اطيح على راسها حتى احيانا من فوق السرير بس الحمدلله احسها بخير
عادي حبيبتي اليهال وااايد يطيحون والله حافظنهم بس اذا حسيتي انها تحس او تتالم من شي وديها لدكتور اطفال
وان شاء الله ما تشوف شر

مابي اخوفك بس انشاء الله مايصير الا كل خير ...وممكن تلاحضي عيونها بعض الاطفال يصاب بالحول من السقوط.........ولا يلاحظ الا بعد مدة.....
كم عمر بنتك؟؟؟
لان قبل السنة شكل العين فيها حول بسيط بس طبيعي ..............بعد سقوطها (استفرغت) اذا صار ضروري تعرضيها للدكتور اطفال...................وانتبهي بعد سقوط الطفل على الراس لاتحاولي تنيمية مهما كان لانه يؤثر عالدماغ......بعض الاثار تبين بعد 24ساعة خليها تحت ملاحضتك وقدام عينك وشوفي اذا لا حضتي اي تغير او شيء مو طبيعي وانشاء الله ما تشوفي شر.

بنت اختي زي كده طاحت من السرير على راسها والسرير مره عالي وسخنت وودتها الدكتور كشف عليها والحمد لله تمام مافيها شئ بس احسن اتطمني عليها وديها كان عمرها اربعه شهور صغيره مره والف الف سلامه عليها

الف شكر على الرود اخواتي الغاليات
والحمد لله كل شئ تمام


والله لا يحرمني منكم

[frame="5 70"]اختي لاتحاتين بس اذا تحسين الصدمه قويه وديه الى طبيب يمطءنك عليه
بس حطي بالك الاطفال هم اوايد معرضين لحواث وصدمااااااااات بس الله يحفظهم
مثل بنتي دوم تطيح على راسه خصوصا بداية تعلمه الجلوس والحين الوقوف
ماتشوف شر الحلوه[/frame]
:tulip08:

بنات بنتي اليوم طاحت على راسها كان اخوها شايلها الله يقر عيني بصلاحهم ..

طمنونـــي اللي قد مرت بنفس هـ الحاله تعلمنـي وش اسوي بـ بنتي

الله يستر عليها