الموضوع: تعليم الطفل دخول دورة المياه في عمر السنتين ........افيدوني

السلام عليكم شخباركم فراشات
انا عندي بنتي عمرها سنتين وشهر لي الان شهرين وانا اعلمها على دخول دورة المياه اعزكم الله ومعذبتني مو راضيه تتعلم اهي الحمد لله قامت تقول بالنسبه للكبيره عذروني للكلمه بس اوضح لكم وبالنسبه للتبول اعزكم الله كلش مو راضيه تتعلم انها تسوي بالحمام تعبت منها واحيانا اضربها وانا ماابغى اضربها بس تدرون نجاسه بتعملها لي في كل مكان مع اني البسها هاف مخصصص للتعلم تركت عنها الفاظ بس للطلعات البسها واحس زهقت
طالبتكم طلبه اي وحده عندها فكره او اي شي تقولي عنه وكل وحده تقولي خبرتها وشاكره لكم جزيل الشكر ارجو الرد او دعوه حلوه مثلكم ...................... دمتم في حفظ الرحمن

انا بنتي كملت سنتين بس للحين ما بديت معها خايفة منها لا تسويها وين ما كان لانها عنيييييييييييدة مرة وخاصة صار عندنا بيبي جديد فقلت بأجل الموضوع شوي بس حابة اجهز نفسي من الحين الي عندها فكرة تساعدنا والله يوفق الجميع

شوفي حبيبتي يبغى للاطفال طولة بااااال حتى يتعلموا شهر شهرين راح تتعبي معاها لين تتعلم كذا الاطفال ..حاولي تشجعيها بهدايا صغيره قولي لها اذا رحتي الحمام راح اعطيك حلاوه او هديه ..حاولي قبل النوم تروح الحمام ..اصبري عليها ..الله يكتب اجرنا ..

شاكره لكم حبيباتي للاراء الحلوه واتمنى اللي عندها تجربه تفيدنا ولها الاجر

اب .. ولد اختي 3 سنوات لسى مااتعلم :(

نفس معاناتي بس بنتي رافضه الحمام مره


ياليت البنات يفيدونا

حبيباتي اذا عندكم احد من عيال خواتكم متعلمين على الحمام
خليهم يدخلوا معهم بالحمام وقولي وطفلك يسمعك( فلان شاطر يروح الحمام ومايسوي يع على ملابسه ومايلبس يع)
وبعدين قولي لطفلك يالله حبيبي سو يع مثل فلان واذا سوا شجعيه وصفقي له وعطيه حلاوة


لي عوده مره اخرى بإذن الله

خليكي معاه اول باول يعني كل شوي قوليله يالله حبيبي بنروح للحمام وخوذيه للحمام
لو مايسوي شي المهم يتعود على روحة الحمام
واذا عاند وقال لا ماراح اروح للحمام قولي يالله حبيبي علشان اعطيك حلاوه
المهم وديه للحمام كل شوي
هذي طريقة امي وخواتي اما انا ماتزوجت مطلقه بعد الملكه ادعوا لي ان الله يعوضني خير ويرزقني بالزوج الصالح وبالذريه الصالحه

ملاحظه// اخواتي مايصلح تعلمين طفلك على الحمام بوقت الشتاءلانه برد وكل شوي بتودينه للحمام وبيبرد
وبعدين يمكن الطفل يرفض الروحه للحمام بسبب البرد
لذلك انتظروا لين فصل الصيف وعلموهم الحمام وبعد علشان بالشتاء يمكن يدخل الحمام ويشغل الماء الساخن ويحرق نفسه
انتظروا لين الصيف وعلموهم وبشروني اذا تعلموا على الحمام زين

المشاركة الأصلية كتبت بواسطة ادعوا لي يتحقق مناي

خليكي معاه اول باول يعني كل شوي قوليله يالله حبيبي بنروح للحمام وخوذيه للحمام
لو مايسوي شي المهم يتعود على روحة الحمام
واذا عاند وقال لا ماراح اروح للحمام قولي يالله حبيبي علشان اعطيك حلاوه
المهم وديه للحمام كل شوي
هذي طريقة امي وخواتي اما انا ماتزوجت مطلقه بعد الملكه ادعوا لي ان الله يعوضني خير ويرزقني بالزوج الصالح وبالذريه الصالحه

ملاحظه// اخواتي مايصلح تعلمين طفلك على الحمام بوقت الشتاءلانه برد وكل شوي بتودينه للحمام وبيبرد
وبعدين يمكن الطفل يرفض الروحه للحمام بسبب البرد
لذلك انتظروا لين فصل الصيف وعلموهم الحمام وبعد علشان بالشتاء يمكن يدخل الحمام ويشغل الماء الساخن ويحرق نفسه
انتظروا لين الصيف وعلموهم وبشروني اذا تعلموا على الحمام زين

الف الف شكر لش ياعمري والله يرزقش بالزوج الصالح والذريه الصالحه يارب يحقق املش وبطبق اللي قلتي والله يعين المشكله ان انا لي شهرين وخايفه ارجع لها الحفاضه اخاف تتعلم عليها ومثل ماقلتي الجو برد والله اني زهقانه مو عارفه شسوي معاها الله يعين بطبق الل قلتي وشاكره لش

المشاركة الأصلية كتبت بواسطة ادعوا لي يتحقق مناي

حبيباتي اذا عندكم احد من عيال خواتكم متعلمين على الحمام
خليهم يدخلوا معهم بالحمام وقولي وطفلك يسمعك( فلان شاطر يروح الحمام ومايسوي يع على ملابسه ومايلبس يع)
وبعدين قولي لطفلك يالله حبيبي سو يع مثل فلان واذا سوا شجعيه وصفقي له وعطيه حلاوة


لي عوده مره اخرى بإذن الله

يسلمو يا عمري على النصايح نجرب الله يعين الامهات تعليم الحمام صعب عندب فطام من الرضاعه ولا تعليم حمام مأساه