الموضوع: كيف العب مع بنتي؟؟

السلام عليكم ياأمهات حواء وكيف حالكم
انا عندي طفله عمرها عشرة شهور ودي العب معها بس مدري كيف وودي اشتري له العاب تنمي مواهبها وتفيدها تكفون اللي عنها معلومة تفيدنا
يعني ابغى طرق العاب انا العبها معاها (صارت طبخة مولعبة )
لاني بصراحة تعبت من كثر ماشتري العاب من غير فايدة تذكر
وجزاكن الله الف خير

العب وياها ان اغمض عيوني او انخش عنها واقول لها تيا..تستانس بس ابي لعبة جديده وحلوة..

يادلبو عليها انا والله لسى ماخضت هالتجربه لان بنتي عمرها 6 شهور
مثلا خليها تطلع ع ظهرك وامشي فيها (زي الحصان)يعني كأنك ساجدة والاطفال يحبونها كثير

او ارفعيها فوووق ونزليها والا بكوره صغيره كل وحده ترميها للثانيه

ضحكيها بأصابعك في بطنها وهكذا
ترى في العاب تجي كذا من حالها والله يحفظها لك وعقبال ما تشوفيها عروووس

تسلمين حبيبتي والله...ومشكوووورة من كل قلبي ...والله يحفظ لك بنتك ...ويخليها يا رب... تصدقين بنتي لما اصلي تجي تجود ظهري وانا ساجده تبي توقف وتستانس...

بس يا ريت للامهات الخبيرات يفيدوني بلعبة حلوه وكشوخ تفرح الجهال..

للرفع
ومنكم نستفيد

علميها تصفك
وعلميها تسوي سلام
وغني ليها كل يوم فتحي ياورده وسوي بايدنج حركات بعد يومين هتلقيها تسوي مثلج وتكون فرحانه
وكل ماتسوي شي زين قولي لها شاطره وصفقي

والله هتكون فرحان انا بنتي عمره سنه وشهرين
وبنتي الثانيه عمره شهرين يعني عندي خبره شويه

انا شريت لها لعبة دزني لعمر 6 شهور حلوه تخليها تكتشف
و احط الشرشف على عيونها و اناديها و تشيله وهي تضحك
و احلى شي عند الاطفال .. افرشي لها سجاده الصلاة

شيلها على راسك وتمشي فيها ووديها قدام المرايه تستانس

انا بنتي عمرها اكثر من سنه بس مااعرف العبها زي ام زوجي

ماشاءالله عليها والله انها تلعب بنتي وبنتي تنبسط معاها مررررره

حتى بنتي لماتكون زعلانه اوديها عندها شوي اسمعها تضحك

والله فديتها ام زوجي ما استغني عنها ابد

الله يحفظها يارب

ممكن تعلبي مع طفلك تتخبي وتنادية وتصيري واضحة شوي ويجلس يلحقك
انا اسوي بولدي كذا وعمره 7 شهور

ويمكن تحطين لها خيمة الكور تلعب فيها شوي

روحي محل التعليم المبكر وشوفي جديدهم وشي المناسب لعمر بنتك

تسلموا بس اللي تعرف اغاني غماضيه ورده وفتاحيه وردة وغيرها من الالعاب تعلمني....ويعطيكم العافيه