الموضوع: ملابس نسائيه مقاسات كبيره

السلام عليكم ورحمة الله وبركاته

بنات تكفوووون والله لكم دعوة من قلب أبي محلات لملابس مقاسات كبيرة بالرياض

ضروري الله يخليكم ويفرج همومكم ويوسع لكم من كل ضيقه

......................................


طلبتك لاتطلعين إلا وأنتي راده ((اجبري بخاطري))


...................................

انشاء الله البنات ماراح اقصرون وراح اساعدوش

الله يجزاك ألف خير ع المرور والرد والله وسعتي صدري

الله يوسع صدرك دنيا وآخره


............................


وإن شاء الله مارح يخيبون ظني وظنك

فيه محلات في الاسواق المعروفه بس ناسيه اسمه بعد هو ماركه متخصصه في المقاسات الكبيره .

يعطيك العافيه ع المرور يالغلا

لكن انا ابي اسماء المحلات ضروري اليوووم


فزعتكم تكفووووووووووووون

ايفانز

هذا موجود عندنا بالامارات بكل المراكز
ويوم سرت جدة شفته موجود بالمراكز

أكيد موجود بالرياض لانه عالمي

سألتج ربيعتي من الرياض قالت


محلات ماركه لو عندك مناسبه او شغله ::

1. دبنهامز له فرووع في صحارى والمملكه ..
وعندهم مقاسات مرررة كبيرة وكلها قطنيه روووعه مرررة مريحه ..
وهم بعد عندهم جينزات رووووعه وبرمووودات تهبل ..


2. محل ايفاينز بس موجود في صحارى


4. محلات الريس لها فرع بصحارى ،، بوابه 2
وهو خاص بالملابس الداخليه ،، وملابس النوووم وعنده مقاسات لين تقوولين بس ..


5. وهذا محل اذا عندك مناسبه رووحيله ،، وبتدعين لي ..
هو في صحارى الجديده.. اسالي عن محل ولسن اللي في صحارى .. وبتحصلينه جنبه
محل كبيررررررر وكل اللي فيه رووووووعه .. حتى معاملتهم شئ ..
والله ماحفظت اسمه لان شوي صعب .. بس دايم اذا بتقضى لاختي لمناسبه ارووح له ..
شرح اكثر لمكانه >> اذا وصفوولك اولسن على الوصف بتدخلين في فتحه .. هو بيصير بوجهك محل في الاخر مررررة كبير ..
والاهم ان قطعه خاصه فيه وماهي متكررة .. ويقدر يعدلها لك مثل البلووزة كم طويل يخليها كم قصير وكذا يعني ..


6. وعندك محل اولسن في صحارى جنب المحل اللي تو قلت لك عنه ..
عنده شغلات تجنن ورهيبه .. وخاصه البلايز فنااان فيها ..


7. وعندك ايتام له فرووع كثيرة منها صحارى والعليا مووول ..روحي للعليا وول احسن وارتب ..
في اخر المحل بتحصلين المقاسات الكيرة اسالي عن مكانها احسن يمكن غيرووه ..
عندهم بديات شئ وبناطيل وتناتير شئ ..


8. وفي محل داشن عنده تنانير مقاسات كبيرررة ،، بس تنانير بتحصلين مقاسات كبيرة
ولا الباقي مقاسات صغيرة ..


9. عندك محل الفالح اذا تبين بدل رياضيه .. مقاسات بالهبل وهم بعد في دبنهامز بدل رياضيه مقاسات كبيرة ..


10. واذا تبين محل مايووهاات عندك السدحان ..


محلااات مو ماركه ::

1. عندك اليافعي في طيبه .. محل كبيررر ،، وفيه مقاسات كبيرة مرررة ..
وقطعهم حلوووووووة ونظيفه .. وتكرف وهذا اهم شئ .. وكل شئ عندهم
من تنانير وبلايز وبديات وبناطيل ..


2. في محل بالعويس اسمه ابوخالد .. يبيع ترناقات وبدل للبيت وبجامات وقمصان
مقااسااااااات كبيرة مررررررررة ..

الف الف الف شكراختي >><<نيو لوك>><<الله يجزاكي الف خير والله انك وسع تيلي الله يصخر لك ملائكة السماء او صلاح الارض

سبلاش اللي بي ستي بلازا عنده اشياء روعه للمقاسات الكبيره

فيه ((( ايفانز ))) موجود بصحارى وفرع ثاني على العليا العام هو متخصص بالمقاسات الكبيرة

وفيه ((( والس ))) ايضا بصحارى ومقاساتهم كبيرة

وفيه ((( جيري ووبر ))) ايضا في صحارى وعليا مول وعندهم مقاسات كبيييرة

وفيه ((( دبنهامز ))) عندهم مقاسات كبييييرة وهو موجود في صحارى و صحارى بلازا وفي المملكة

وغالبا الماركات الأمريكية والبريطانية تلقين عندهم مقاسات كبيرة مره

موفقة يارب