الموضوع: ابي طريقة شوي الدجاج في أكياس الشوي ... ضروري تكفوووون

السلام عليكم ورحمة الله وبركاااته...


لو سمحتم يا فرشات اللي تعرف طريقة شوي الدجاج في أكياس الشوي اللي تنحط معاها خضار في كيس الشوي وتدخل الفرن .... مدري عرفتوا قصدي؟؟

ابي الطريقه الصحيحه لها يعني احط الدجاجه بعد ما اسلقها والا احطها وهي نيه ... وعادي تكون مجمده والا لازم تلين ..

أبي طريقه لذيييذه عشان أفاجئ ابو الشباب


لا تتأخرون علي طلبتكم

انا دايم اسويها
وكل اللي يذوقها عندي تعجبه مره

طلعي دجاجتك وخليها تين بعدين قصيها اثمان
انا لان مافيه الا انا وابو الشباب
احط نص دجاجه بس

المهم
نجي للدجاجه ونقطع معها الخضار اللي نحبه
واحطها في الكيس

بعدين احط عليها الخلطه

وهي طماطه وبصل وملعقتين زبادي وملعقه كاتشب والملح والبهارات اللي تحبين
واخلطيهم في الخلاط

بيصير لونها احمر فاتح او برتقالي

واضيفيها على الدجاج والخضار واربطي الكيس بالرباط اللي يجي معه
ورجي الكيس علشان تختلط المكونات

بعدين حطيها في صينيه وقصي طرف الكيس علشان يطلع البخار منه وماينفجر الكيس

وشغلي النار عليه من تحت
وخليه ساعه الا ربع او ساعه

بعدين طلعيه وقدميه مع صحن رز ابيض وبالعافيه

ايه نسيت اقولك ترا مايحتاج تضيفين مويه لان الدجاج راح يطلع منه مرق
واذا تخافين تنشف اضيفي لها شوي مويه يعني كثر فنجان القهوه

ماانصحكـ فيه الكيس مضر بالصحه

حطي فرختكي بالصينية وغطيها بقصدير افضل