الموضوع: ريجيم ينقص 15 كيلو في 20 يوم بس مجرب ومضمون

لاني سجلت بالمسابقة وكتبت الريجيم المتبع طلبوا من الاخوات اني انزل لهم هالريجيم

وانا الفلف بالمنتديات لقيت وحدة اسمها عذاري الله يستر علينا وعليها منزلة ريجيم مشت عليه ونقصت خلال 20

يوم 15 كيلو وقلت بمشي عليه ولان بعض الاخوات طلبوهـ مني حبيت انزله لكم بالحرف الواحد ..

أخييييييراً يابناااااات نزل وزني في 20 يوم بس !!!!!!!

أخيراً يابنات نزل وزني في 20 يوم 15 كيلو .......


اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة

يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ

مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ

الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها

منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة

كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة

معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً

أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني

أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت

كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي

متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع

الشاهي ولا نقطة هههههه تعذيب صح ) عالعموم اللي يبي الدح مايقول أح ...

الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم

كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )

الغدا . سمكة مشوية كبيرة + صحن سلطة خضراء ..

العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة

الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...

العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .

الغدا . نوع واح من الفاكهة ... ( أنا كنت آكل التفاح ) ......

العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي

الغدا . دجاج مشوي بدون جلد غير محدود الكمية .

العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية

جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح

العشا . مفتوح

الجمعة . الافطار . جبن قليل الدسم + 2/1 خبزة + عصير برتقال ...

الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي

عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة ..


مــــــــــــــــــــــــــــــلاحــــــــــــــــ ـــظــــــــــــــــــــــــــة :

كثير من الاخوات شكرنَ الاخت عذاري وطبقنَ الريجيم وكانت النتائج مذهلة ومرضية جدا

لذا قررت اتباعه ..

تحياتي للكل بصحة ورشاقة دائمة
.
.
.
.
.
.

.
.

الله يخلي لنا عذاري ويوفقها


بس أنتم متأكدين @@


أبي أنزل 15 والحمدلله نزلت كيلوين هالأسبوووع

بقى 13 ويرد وزني اللي قبل

بس أنا متبعه رجيم مسميته على كيفي ======> هو من تأليفي طبعا ً خخخخ


بشوووف لو نزلت عليه بجي وبعلمكم إيـاه


ولو مافاد بتبع رجيم عذاري

بس شموووخ 15 كيلووو في 20 يوووم أخاف أرد بعد شهر زايده 5 على 13 خخخخخخخ


يعطيج العافيه قلبوووو


بس لا تنسون الرياضه على الأقل ساعه تمشووون


ميعاد

المشاركة الأصلية كتبت بواسطة ميعاد

الله يخلي لنا عذاري ويوفقها


بس أنتم متأكدين @@


أبي أنزل 15 والحمدلله نزلت كيلوين هالأسبوووع

بقى 13 ويرد وزني اللي قبل

بس أنا متبعه رجيم مسميته على كيفي ======> هو من تأليفي طبعا ً خخخخ


بشوووف لو نزلت عليه بجي وبعلمكم إيـاه


ولو مافاد بتبع رجيم عذاري

بس شموووخ 15 كيلووو في 20 يوووم أخاف أرد بعد شهر زايده 5 على 13 خخخخخخخ


يعطيج العافيه قلبوووو


بس لا تنسون الرياضه على الأقل ساعه تمشووون


ميعاد

هلا ميعاد ياقلبي اول شي مشكوووووووووووورة ع التوقيع الكوول وماننحرم منك

البنت مجربته وبعدها دخلوا زايرات ومدحوا الريجيم لدرجة ما تتخيلييها

الكل جلس يشكر والكل مبسوط قلت ليش ما اجرب انا بعد ؟

تحياتي لك
.
.
.
.
.
.
.
..
..

ماشا الله عليك والله تحمست بعد ماشفت النتائج المغريه بس والله محتارة من كثر ها الطرق ماعاد ندري اي طريق نمشيها واي فيهم بيوصلنا نهايت المطف للمكان اللي نبيه وانا اليوم ثاني يوم ماشيه على نظام الدشتي انا ويازوجي مادري ايرجيم ممكن ينفع والله محتاره بس والله اذا بينزل من وزني 15ك في20يوم هذاشي لايقاوم بس شكلي باستمر هالاسبوع على نظام الدشتي بعدين احول للنظام اللي حاطته ..جزاك الله خير على الاقل صار عندي امل وحافز للستمرار...مشكوره وانشالله توصلين للي تبن وتتحقق لك كل امنياتك

معليش بس ابسال انت جربتي والا البنت هي اللي قايله ها الكلام لاني بغيت يكون مجرب منك انت شخصيا.............وسلامتك

المشاركة الأصلية كتبت بواسطة قمرسبتمبر

معليش بس ابسال انت جربتي والا البنت هي اللي قايله ها الكلام لاني بغيت يكون مجرب منك انت شخصيا.............وسلامتك

حياك قموووووورة

دعواتي تلتزمين بالريجيم ولا تخقين

انا والله ما جربته بابدا فيه يوم السبت انا واختي .. بس عذاري هي المجربة ايضا شجعتني الردود على الريجيم جميعها محفزة للغاية

سوف اسجل تجربتي من اول اسبوع انتظريني

لك تحياتي

.
.
.
.
.
.
.
.
.

حبيبتي شموخ القلي

اشكرك من قلبي على اهتمامك وانزال الموضوع بطريقة جميلة ولطيفة

وانا لي سؤال حبيبتي الريجيم الكيمائي قلتي انك سويتيه بس بدي اعرف كم نزلتي عليه واذا امكن ارسليه برسالة خاصة لي والمدة التي نزلتي عليها كم لانه في عندي ريجيم كيميائي وحابة اسوبه بس ما اعرف هل النتائج صحيحة ان ينزل وزنك منيح ويذوب الدهون

اتمنى حبيبتي شموخ لك كل الصحة والتوفيق

يعطيكي العافية
لكن انا ماقدر التزم برجيم يعتمد علي اكل يتحضر لي وحدي وخصوصا في وجود الاولاد يظهر عمري ماراح اضعف ابدا
اههههههههههههههههههههههههههههههههههههههههههههههههه ههههههه ياانا

المشاركة الأصلية كتبت بواسطة moonlady75

حبيبتي شموخ القلي

اشكرك من قلبي على اهتمامك وانزال الموضوع بطريقة جميلة ولطيفة

وانا لي سؤال حبيبتي الريجيم الكيمائي قلتي انك سويتيه بس بدي اعرف كم نزلتي عليه واذا امكن ارسليه برسالة خاصة لي والمدة التي نزلتي عليها كم لانه في عندي ريجيم كيميائي وحابة اسوبه بس ما اعرف هل النتائج صحيحة ان ينزل وزنك منيح ويذوب الدهون

اتمنى حبيبتي شموخ لك كل الصحة والتوفيق

اهلا فيكِ غاليتي الشكر يعود لله ثم لكِ انتِ والفراشات

انا لم اطبق الريجيم الكيميائي ابدا انا كتبت تجربة الاخت فقط .. لكن عندي ريجيم كيميائي اتبعته احد المعلمات

اللي في مدرستي ورأيت النتائج بنفسي نتيجة حقاً رائعة ومرضية لكنه صعب قليلاً ويحتاج لطولة بال

ان اردتيه فلكِ ماتريدين

تقبلي حبي ...

.
.
.
.
.

.
.

المشاركة الأصلية كتبت بواسطة شموخ القلب

اهلا فيكِ غاليتي الشكر يعود لله ثم لكِ انتِ والفراشات

انا لم اطبق الريجيم الكيميائي ابدا انا كتبت تجربة الاخت فقط .. لكن عندي ريجيم كيميائي اتبعته احد المعلمات

اللي في مدرستي ورأيت النتائج بنفسي نتيجة حقاً رائعة ومرضية لكنه صعب قليلاً ويحتاج لطولة بال

ان اردتيه فلكِ ماتريدين

تقبلي حبي ...

.
.
.
.
.



.
.

شكرا" لك وعلى ردك الكريم والذي يدل على الاقك العالية حفظظك الله ودمتي برعياته نعم ارجوا منك ارسال رسالة خاصة بالريجيم الكيميائي وكم الفترة يلي مشيت عليه وكم نزل وزنها في النهاية

اشكرك سلفا" تمنياتي لك بالصحة والعافية