الموضوع: ابي طريقه لتنحيف الجوانب اللي فوق المؤخره

السلام عليكم ورحمة الله وبركاته
اغلب البنات يعانون من هالمشكله تلقين خصرك نحيف لكن عندك جوانب وانا اعاني من هالشي ونفسي برياضه او طريقه تنحفها مع البطن لي اني تعقدت انا نحيفه من فوق وعند الافخاذ لكن الجوانب عندي تفشل وهذا اللي يقهرني والبطن من تحت فيه بروز شوي نفسي ينشد بس لما سويت رياضة البطن بعد فتره حسيت في الام فضيعه وماقدرت اكمل مدري ايش السبب
وابي أسئل بنات المدينه ياقلبي تعرفون نادي يحل لي عقدة الجوانب ويشد الجسم وتكون اسعاره معقوله

بالنسبة للآلام بسبب تمارين البطن فهذا شيء طبيعي لأنج أول مرة تمرنين هالعضلة .. وبعد أي عضلة تمرنيها لأول مرة بيجيك مثل هالألم بس لفترة أسبوع بالكثير جذي وبيروح .. طبعا المفروض إنج تستمرين بالتمرين رغم الألم عشان تعودين العضلة.. والألم معروف إنه طبيعي وإنج تسوين التمارين بشكل صحيح وإن العضلة بدأت تنشد

بالنسبة للجوانب أولا إنتي كم طولج ووزنج لأن الجوانب غالبا تنتج عن وزن زائد .. طبعا كل جسم يخزن الدهون في مكان معين والبعض تتوزع على كامل الجسم .. طبعا هذي إختلافات وراثية .

بس الطول والوزن لا هنتي؟؟

نوووول شوفي انا داخله عرض وعندي مشكله مثل الاخت اللي فوق

انا وزني 110 وطولي 173

هلا عزيزتي..

شووفي يااقمر سبب الم من الرياضه معنااه انه في استجابه لعضلات البطن فلا تتركينها لانه بهذي الطريقه بيزيد الترهل
اما حل المشكلة الجوانب في تمارين معينه للجوانب سووي بحث اكيد بتلاقينها ياغلاآآآ

والله يقوويك ويمتعك بصحه والعافيه والرشاااقه

اقرو تجربتي مع الريجيم

والمنتج اللي نحت خصري وراحت الجوانب عندي االحمد لله

http://alfrasha.maktoob.com/alfrasha19/thread1293033/

ياقلبي انا نحيفه بالعكس طولي 160وزني على الخمسين او فوق وخسري نحيف بس سبحان الله الجوانب احسها كبيره وفيها شحم والبطن الام مو طبيعيه ماقدرت اكمل خفت اني ضريت نفسي يابنت يمكن يبي لي احمي قبل التمرين رغم اني اسوي تحميه بس مو اطول فيها

حياتي أيوا جذي تكون الآلام قوية واااايد .. حتى أنا عانيت منها حتى ما أقدر أجلس عدل .. حتى بدورة المياه أكرمكم الله كانت العملية صعبة ... بس هذي فترة وبتروح اللآلام .. اتحملي الغالي واستمري وما فيه ضرر بإذن الله .. كل شخص رياضي يمر بهالمرحلة في البداية

ركزي معاي

إنتي الحين عندج مشكلة في تناسق الجسم بس والكرش .. الكرش سببها الدهون اللي بالأكل .. الدهون أول مكان تتخزن فيه هوبالنسبة البطن .. حل هذي المشكلة هو إنج تاكلين أكل صح .. وايد ناس شايلين هم الكرش وهي مشكلتها بسيطة .. بس صفي أكلج من الدهون الغير صحية ... كثري بروتينات وقللي كربوهيدرات وغازيات وسكريات ( إنتي أكيد عارفة زين شو هو الأكل الغير صحي ) وطبعا الغذاء بيحل لج مشكلة الكرش والعدم التناسق .. لكن مع الرياضة ... بس الرياضة خليها لبعدين بخبرج عنها .. المهم الحين نفترض إنج تاكلين زين وأكل صحي وبعد لا تحرمين نفسج ... اكلي كمية زينة من الأكل الصحي وكثري خضروات وفواكه ومااااااي .. الماي اشربي ع الأقل لترين يوميا

هذا بالنسبة للغذا


الرياضة مارسي التمارين الهوائية نصف ساعة ولمدة 5 أيام بالأسبوع أو 4 أيام . وطبعا مع التمارين السويدية بإستخدام أوزان خفيفة ( 1-4) كيلو .. هذا يحل مشكلة التناسق وبيشد لج الجسم

طبعا لازم تسوي لج جدول غذائي ورياضي وتطبقيه كأنه دوام وبإذن الله النتائج ممتازة

بحط لج صورة فيها تمارين بالأوزان وبعد تمارين بطن بس بالمشاركة التالية
بالنسبة للأخت روح فديتج أولا يبي لج تنقصين من وزنج حوالي 40 كيلو
قولي كيف؟؟
أنا بقول لج ..
أولا الغذاء ثم الغذاء ثم الرياضة
ترا الغذا هو اللي يشكل جسمج .. إذا تغذيتي صح ترا جسمج بيطلع صح ... الرياضة بتساعدج كثير في إنقاص الوزن .. يعني اعملي رياضة هوائية ومعاها تمارين سويدي ومع تمارين أوزان لأنه لو ما استخدمتي أوزان ترا جسمج بيترهل
الغذاء استفيدي من النصائح اللي كتبتها للأخت .. يعني بإختصار قللي الدهون والسكريات والكاربس وكثري بروتين صافي وترا مسألتج مش صعبة بس خلي إرادتج قوية وبعد جذي 3 شهور بيتغير جسمج وااااااايد وبتصيرين راضية عن النتيجة وهذا بيكون حافز لج إنج تكملين المشوار
بالنسبة للسعرات الحرارية اخذي يوميا حوالي 1300 أو 1400 سعرة حرارية يوميا ويكون أكل صحي
وكلما شديتي حيلج بتلاجين نتائج أحلى .. وإذا أي نقطة نسيتها ذكروني وبالتوفيج إن شاء الله
التمارين بحطها قريب بإذن الله

~{اللهم لك الـ ح ــمد ..كمآ ينبغي لـ ج ــلآل وجهك وعظيم سلـطآنك }~

ياقلبي ايش هي التمارين الهوائيه والسويديه مو عارفتها

حبيبتي التمارين السويدية هي عبارة عن تمارين للعصب وهي تمارين قوية
وما انصحك فيها لأنها شديدة علينا