السلام عليكم
يابنات امس سجلت في النادي وبصراحه مااعرف شي اشتركت شهر ودخلت بس ماعرفت وين اروح
مشيت شوي في السير وطلعت ابغى اعرف وش اسوي ووين اروح وهل فيه مدربه تتابعني او لا
والمسبح فيه مدربه وتعليم السباحه لها رسوم ثانية وكم انا دفعت 1200
بغثكم بالاسئلة اللي تعرف ياليت ترد
هلا اختي ... شوفي انا لي باع طويل في النوادي زان شاء الله افيدك ...
طبيعي لازم تسوين تسخين اول ما تدخلين النادي ... مثلا تمشين على السير او في الصالة الرياضية اقل شئ 15 دقيقة بسرعات متفاوته معنى اول مشي بطئي ثم اسرع وبعده هرولة ثم تخفضين السرعة حتى تتعادل ضربات قلبك حتى لو وقفتي التمرين يعني الجري على السير ماتجيك دوخة او غثيان او تشد العضلات
بعد الاحماء اعملي التمارين اللي تبيها مثلا تدخلين كلاس ايروبك اي شئ او حتى تعملين رياضة تحبينها مثل التنس او السلة
سؤال انت تبغين تنزلين وزنك !!! بلغيني حتى اقدر افيدك بنظام تمارين يعمل على شد الجسم و تنسيقه النظام اسمه بدي فور لايف اكيد سمعتي عنه خصوصا في نادي سليمان فقيه ... على كل حال بالتوفيق وانا في الخدمة
انصحك لو تعملين دايت سعرات حاولي في اليوم تحرفين نص هذة السعرات تحت جهد رياضي ...
ما شاء الله اختي فاير اوبال جزاك الله خير قمتي بالواجب وزيادة الله يعطيك العافية شوفي يا قلبي نظام body for life هو نظام صحي ورياضي لمدة 84 يوم اذا حابة انا عندي الكتاب بالانجليزي يشرح من الألف الى الياء ... لكن بختصار هو انك تعملين نظام غذائي مقسم على 6 وجبات يوميا تحتوي كل وجبة منها على وحدة بروتين ووحدة كربوهيدرات مثلا الفطور يكون بيض امليت + 2 توست واضيفي الخس والطماطم والخيار يعني الخضار لانها تعمل على تطريت المعدة وتسهل حركتها وحتى تقوم بوظيفتها الطبيعية بعيد عن الامساك وغيره ... اما بالنسبة للنظام الغذائي فهو نظام الاوزان للجزء العلوي والسفلي للجسم مثلا اليوم تبدئين تعملين رياضة بالاوزان للجزء العلوي فقط اليوم اللي بعده تسوين ايروبك او حتى مشي مع متفاوت السرعة والجهد اليوم اللي بعده تعملين وزن للجزء السفلي من الجسم فقط واليوم اللي بعده ايروبك او مشي زي اللي يوم اللي قبل قبله وهكذا تتعاقب الايام ... احلى شئ ان لك كل 6 ايام رجيم في يوم فري ( فريه بمعنى الكلمة لا رياضة ولا رجيم تقدرين تاكلين فيها اللي تبغين واللي تحبين من كيك لأيسكريم لبيتزا مفتوح اصلا اليوم هذا اسمه ( free day forget about the diet ) هذا اليوم السابع اليوم الثامن ترجعين رجيم ونظام رياضي طبعا تتابعين التسلسل بمعنى لو وصلتي للرياضة في اليوم الخامس للجزء العلوي فاليوم السادس يكون ايروبك والسابع فري اليوم الثامن يكون للجزء السفلي وكملي يا عسل ...
هذا بالاختصار لو حبيتي دوري على الكتاب على الانترنت انا سويته ونتائجة ظهرت معايا على 3 اسبوع البنطلون صار واسع وصرت اضيقة على الاسبوع السادس اشتريت ملابس غيرها ... والحمدلله مازلت اعمل بيه
شوفي يا قلبي انا عملت النظام هذا ومازلت عليه لكن حديته لنفسي بمعنى مسكت نظام السعرات مع فكرة النظام الغذائي هذا ... بمعنى :
اناحطيت قوانين
النظام الرياضي نفس اللي في الكتاب مع اوزان 1-2 كيلو فقط
وحديت النظام الغذائي بنفس الفكرة لكن على اني ما ازيد عن 1500 سعرة في اليوم واشتريت ميزان من محل نتريشن ميزان سعرات 180 ريال المحل قبال نادي الجولد جيم وانا مشتركة في النادي فيوم الاوزان اروح هناك اعمل الاوزان ويوم الايروبك احيانا بدخل كلاسات واحيانا افر في المولات لمدة ساعة وارجع البيت
اول اسبوع نزلت 4 كيلو - ثاني اسبوع 2 كيلو فغيرت السعرات من 1500 لحد 1200
نزلت في الاسبوع الثالث 2ونص وبان على انشدت زنودي وانرفع صدري وصارت ملابسي الداخلية واسعه شوي ...
استمريت مع 1200 سعرة لحد الاسبوع اللي فات وهو الاسبوع السابع ونزلت فيه 1 كيلو ... والحين انا في الاسبوع الثامن وغيرت الدايت لحد 1000 سعرة ... وان شاء الله انزل 2 كيلو لحد الان نازل من وزني تقريبا 14 كيلو
سلاااااام يا حلوات بس معليش سؤال على طاير وابي الجواب المقنع ايش احسن شي ادخل نادي معا الدايت الي مسويته ولا اكتفي بالدايت
لاني انا مسوية دايت عند دكتور بالمستشفى سلمان فقيه
وفي ناس يقولو ما يصلح الرياضة بالمرة يعني ما يمدحون لي يقولو راح يترهل جسمك اذا تركتيه
واذا تئيدوني بنادي شو احسن نادي بنظركم بليز ردو علي
شوفي يا قلبي ... الرياضة تساعد تنزل وتريح النفسية وتشيل التوتر والضغط ... فنصيحة لك لو انتي من النوع اللي اذا زعل راح اكل انصحك وبقوة انك تمارسين الرياضة مع الدايت
بالنسبة للي ينزل وزنها بدون رياضة الله يوفقها لكن حيجيها وقت جسمها حيكون في تكتلات صعب تنزل او تروح حتى لو برياضة مثل التكتلات اللي في الجوانب او حتى الزنود
وشي طبيعي لو نزلتي وزنك ووقفتي الدايت الرياضة تحافظ عليه مهما لو نزلتي وزنك 10 كيلو مع الرياضة ثقي وتاكدي لو كملتي حياتك عادي مع الرياضة بدون رجيم حتحافظي على 10 اللكيلو اللي نزلتيها مدة اطول ... بالتوفيق
عنوان الرابط المتبادل
حول الروابط المتبادلة
اللي في نادي سليمان فقيه ياليت تدخل
رد مع اقتباس
