الموضوع: اخر حبوب من شركة ارمال للاعشاب

السلام عليكم ورحمة الله وبركاته :

اخواتي انا من قبل رمضان استخدمت حبوب اكسترا سلم من شركة ارمال للاعشاب ونزل وزني

5 كيلو في 20 يوم وبعد ماخلصت العلبه ما اشتريت غيرها لاني بصراحه استخدم الحبوب واشوف النتائج

بس خايفه يصير لي اضرار بعدين مو منها بس اي نوع استخدمه والايام هذي رحت ادوور عليه قالوا انه مايجي

وطلع بداله حبوب ثانيه وانها احسن منه المهم توكلت على الله واشتريتها واليوم هو اليوم الثاني من

استعمالي لها ..

سؤالي : من جربت الحبوب اللي انا حاليا استخدمها واللي اسمها xenadrine efx

وش صار معها وكم نزلت وفي كم يوم ؟؟

الله يجزاكم خير .. ..

اختي لابدتعرضين العلاج على طيب كي يتسنى له قرأة المكونات وهو بيفيدك
انااعطيك مثال :

وحده من اقاربي سافرة في الصيف اللي طاف شافت يبيعون حبوب تخسيس وبسعر زهيد جدآ حسب عملة ذيك البلد مقارنه بريال والكل مدحه لها قامت وشرت كميه وجات وزعته علينا على الرغم ان العلاج مصرح من وزارة الصحه لذاك البلد
المهم انا طبعي مااحب استخدم اي علاج الا لما يشوفه الطبيب او اقراء دواعي الاستعمال
وديت العلاج عند دكتور صيدلي قديم مره في مهنته واحيان يصف لي علاج افضل من دكتور المستشفى وله خبره فوق 30 سنه
المهم وديته له قلت له هل صحيح الحبوب هاذي تخسس الوزن ؟؟

اهو قرا الوصفه قالي هاذي مش لتخسيس الوزن هاذي حق اللي عندهم انسداد في شراين القلب بسبب الشحوم المتراكمه هاذي تزيل الشحوم اللي في شراين القلب فقط اما شحوم الجسم ما تشيلها

ياليت تعرضين علاجك على الطبيب افضل هنا بتحصلين الاختلاف في الاراء لاكن اكيد الدكتور عنده الخبر اليقين
تحياتوو

أختي ليالي6 >> الله يجزاك خير ويعطيك الله الف عافيه بس انا ماخذيته من صيدليه واللي مكتوب على العلبه كله انجليزي

والشركه منتجته لتخفيف الوزن ..

وفي رايك الدكتور اللي اخليه يشوفه اي دكتور بالضبط لاني ماعمري وديت علاج مثل كذا يشوفون عنه ؟؟

انا في الرياض اذا تعرفين وين ممكن اوديه اكون شاكره لك وعشان افيد البنات بعد .. ..

المشاركة الأصلية كتبت بواسطة **رند**

أختي ليالي6 >> الله يجزاك خير ويعطيك الله الف عافيه بس انا ماخذيته من صيدليه واللي مكتوب على العلبه كله انجليزي

والشركه منتجته لتخفيف الوزن ..

وفي رايك الدكتور اللي اخليه يشوفه اي دكتور بالضبط لاني ماعمري وديت علاج مثل كذا يشوفون عنه ؟؟

انا في الرياض اذا تعرفين وين ممكن اوديه اكون شاكره لك وعشان افيد البنات بعد .. ..

ادري انك ماخذتيه من صيدليه لاكن الاطباء يعرفون المصطلحات الطبيه
الموجوده في علاج من اي بلاد يكون وهم ابخص مني ومنك في هاذي الامور
ودي اقرب صيدليه وخلي الدكتور يقرا محتوياته وبيخبرك اذا اهو يخفف الوزن اولا وهل له اضرار اولا
وحاولي تنتقين طبيب صيدلي له خبره طويله

هلا اختي اول شي ودي تقولين كيف طريقة استخدامك الي الحبوب قبل الاكل ولا كيف وثانين هذي الحبوب الي انتي تاخذينه ممتازه وروعه الان الدكتور جابر ذكر مجموعة حبوب وهاذي من ضمنه فلا تخافين ياحبيتي بعدين شركه ارمال مشهوره وماتوقع تجيب شي يسبب السرطان او الموت طبعا نتسيت انا ودي اقولك افتحي جريدة الرياض علي عيادة الدكتور جابر تحصلين كلام هاذ واس الحبوب حقتك والله يحفظك علي الفكره اتوقع صفحه 10 او7 فيه الكلام

ليالي 6 >> الله يجزاك خير وفي اقرب وقت اوديه ان شاء الله .. ..

منى ام جود >> طريقتي قالي الثلاث الايام الاولى خذي حبه وحده قبل الاكل بنص ساعه ( يعني ثلاث حبات في اليوم)

وبعدها خذي حبتين قبل الاكل بنص ساعه ( يعني 6 حبات في اليوم ) وانا خلصت اليوم الثاني .. ..

والله يطمنك ويفرحك طمنتيني بكلامك عن اللي قاله الدكتور جابر بس بغيت جريدة الرياض اي يوم بالضبط ؟؟

وفعلا شركة ارمال الكل يمدحها ولاعمري سمعت احد تضرر منها ابداا والله ينفع بها يارب ..

والله يعطيك العافيه ماقصرتي ..

حبيبتي رند بكم هذي الحبوب؟

http://www.alriyadh.com/2006/06/19/article164657.html

اختي رند هذي الصفحه فيه الكلام حق الدكتور جابر

مدمنة شاني >> سعره 300 ريال ..

منى ام جود >> الله يجزاك خير واختصرتي علي الطريق ادور كلام الدكتور جعله الله في ميزان حسناتك

والله يرزقك ويوفقك ويحقق كل ماتتمنينه .. ..

مشكوره ياعمري علي هذا الدعاء كله صارحه احرجتيني