الموضوع: قاعات حلوة ورخيصةفي جدة؟؟؟

السلام عليكم
انا عضوة جديدة في الموقع
واتمنى تساعدوني في طلبي
قاعة تكون حلوة سعرها بين 5 الاف و 10 الاف ريال مع البوفيه والسيرفس
تتسع لــ 350 شخص فيها حريم ورجال
اواستراحة او فيلا فخمة سعرها بحدود الــ 3 الاف
ينفع ينعمل فيها زواج
كمان اللي تعرف قاعات حلوة ورخيصة يا ريت تفيدنا
اتمنى من كل وحدة تجاوب تكتب
اسم القاعة:
سعرها:
فيها حريم ورجال :
فندقية او عادية:
فيها بوفية ؟ ( العشاء من نفس القاعة شامل السعر ):
تتسع لــ كم شخص:
كيف مستوى جمالها : ( شبهيها بقاعة معروفه )
انتظر ردودكم بفارغ الصبر

والله ماعندي فكره..

الله يوفقك..

في عندك فندق اسمه درة جدة فيه 3 قاعات والنفر عندهم ب85 ريال وفيها قاعه رجال وممكن تاخذيها بعشا وبدون عشا
القاعات حلوه قد حضرت فيها وفندقيه طبعا دقي على الاستعلامات خذي رقم الفندق
ويحولوكي على مسؤله الحفلات تعطيكي كل المعلومات

اختي انا سمعت عن قاعة شهد بس ما شفتها صراحة بسوي فيها ملكتي
سعرها 8000 ريال من غير عشا اظن اذا تبغي عشا يعملونلك وكل طلباتك بتلاقيها عندهم
القاعة مثل ما وصفولي اهلي اخذه طووووول
وفيها بلكونه بس اختي تقول ان سقفها مو عالي مرة
تقول كمان ان العروسه اول ما تخرج تخرج من باب وتنزل حق 3 درجات للبلكونه وبعدين تمشي شويه لغاية ما توصلي الدرج والدرج حقها ملتف يعني دائري وطبعا فيها ممر للعروسه
هذا اللي سمعته وعندي الرقم لو تبغيه قوليلي

ياريت الي عندها معلومات تفيدنا ..

انا سمعت ان لايت مون مسون تخفيض للي تحجز الان ممكن بدون عشاء توصل 18 بس مره كبيرة 800 حريم والرجال 1500

ياليت يابنات الي تعرف استراحه بحدود الثلاث ألاف تقولي وتكسب في اجر لان اهلي في جده تعبوا يدورون استراحه هناك لملكة اختي.........

فيه فندق الواحة قاعة شهر زاد حلوة وما هي كبيرة مره روحي شوفيها واحكمي عليها وسعرهم ماني عارفه بالضبط بس اظنه بيناسبك وادعليلي معاك

في قاعه اسمعا جلنار اخذتها صحبتي ب11000 للرجال والحريم تقريبا 250 الحريم
بس بدو عشا في جده

up

حبيبتي انا سمعت عن استراحات بجنوب جدة على طريق مكة جنب العيسائي للسيارات و اسعارهم رخيصة مرررة وفبها كمان للرجال و الحريم
و بالنسبة للاسعار امي تقول في ايام العطلات تقريبا تكون غالية شوي اما في الايام العادية تكون من 3 الى 4 الاف ..........