الموضوع: طريقة ترتيب التسريحه

مرحبا قلبي وحياتي أنتم ممكن يابنات طريقه حلوه لترتيب الاغراض فوق تسريحة غرفة النوم وياليت بالصور وانتن ماتقصرن. انتظر ردكن.

معقوله يافراشات ولا وحده عندها فكره لطريقة ترتيب الاغراض فوق التسريحه.

ما فهمت عليج الغاليه ممكن توظحين

أنا بعد عندي نفس السؤال ويا ريت أحد يرد

أنا حاطه في بالي لتسريحتي الجديدة (تبع الزواج) اني احط قطعة قماش مناسبة مع الستارة و ألوان الغرفة بحيث تكون مثنية من الوسط ومتدلية من الالجوانب و جانب يكون أطول من الثاني (ان شاء الله فهمتو قصدي) واحط عليها العطورات وشغلات بسيطة للزينة أما المكياج و العفسة الباقية ففي الأدراج

ما ادري اذا طريقتي الي افكر فيها حلوة ولا لا عطونا آرائكم للاستفادة

اهلين حبايبي

بقولكم على طريقتي وان شاءالله تعجبكم

حطي على التسريحه المفرش الهندي اللي يجي فيه زي الشك بسيط مره ويكون من اورجنزا او شيفون

وحطيه بطريقه معفسه شويه يعني مو بشكل مرتب واذا ماتبغي هذا النوع من المفرش تقدري تحطي الشيفون او الاورجنزا الخفيف مره الناعم الساده وتربطيه من النص بالحبال حق الستاير اللي تجيك مبرومه وتخلي اطرافو نازله من جوانب التسريحه

بعد كده وزعي البرفانات والعطور العربيه بشكل عشوائي يعني مو تسويهم صف واحد ووزعي بينهم اشكال

من الشموع الصغيره اللي تجيك في كاسات صغار او اللي تجيك لحالها بس يكون لونها مناسب للغرفه وللمفرش

بعد كده على الاطراف حطي المناكير وشويه من المكياج لاتحطي المكياج كلو في الدرج لما تحطي شويه منو على التسريحه راح يطلع الشكل احلى طبعا الارواج خليهم واقفين واقلام الكحل والتحديد حطيهم في شي يجي شكلو زي الكاسه الصغيره
تكون من كريستال او خشب او خيزران حسب ستايل غرفتك وتكون الكاسه تغطيلك بس ربع القلم من تحت عشان يبانو وعلب البلاشر والبودره خليهم زي ماهما على التسريحه والمكياج الباقي حطيه في الدرج لانو راح يكون المكياج كثير وعلبو اكثر

ووزعي كمان البودي لوشن تبعك مع السبري حق الجسم والبودره والديودرنت بس هذول خليهم مع بعض لا تحطي كل واحد في جهه

عشان يطلع شكلها احلى خليهم في زاوية التسريحه

واذا انتي من النوع اللي يحب الورد المجفف اللي يطلع ريحه حلوه في المكان انثري بين كل الاغراض منو وزعيه على كل التسريحه وافضل ورد مجفف وريحتو تجنن اللافندر او اللي عند بيبر مون اللي ريحتو اورنج مع قرنفل مره روعه ريحتو قويه وتجلس فتره في المكان كلو

وفايدة الشموع انها راح تعطي منظر حلو ويصير احلى لما تبغي تسوي جو رومانسي في الغرفه وتطفي كل الانوار وتولعي الشموع اللي على التسريحه راح يطلع شكلها خياااااااااال من بين قزايز البرفانات

ونفس المفرش اللي راح تحطيه على التسريحه حطي منو اتنين صغار وبنفس الطريقه على الكومودينو ويفضل اللي يكون بربطه من النص عشان شكلها راح يطلع افخم واحلى بس لما تحطيه عليها لاتحطيه بالعرض لا خليه من الزاويه للزاويه يعني بشكل مايل..

وبس حبايبي هذا اللي عندي وياليت والله لو عندي صور بس للأسف لأنو هذي طريقتي اللي انا اسويها واتمنى تكون عجبتكم وربي يوفقكم ان شاءالله

ربي يسعد الكل

هلا

دريم لوف طريقتج وايد حلوة واستفدت منها

ويا ريت باقي البنات يتفاعلون مع الموضوع علشان الكل يستفيد

thaaaaaaaanks

حركات حلوه ياريت ترفقين الصور
مشكورة يا حلوة

هيا الطريقه الوحيده توزيع الاشياء ع التسريحه
وممكن تحطين اشكال معاهم او صناديق صغيررره
وتحطين فيها اغراض او لبان

بالتوفيق