اهلين وسهلين فرشاتناالغاليات
موضوعى مو طلب او استفسار ابغاه يكون تبادل افكار وتجارب مجربه>>> طرار ويتشرط
بس والله حابه ستفيد من بعض
بيكون موضوعنا عن الزفات او اذا كنتى سويتى قصيده حق ملكتكمو زفه >>> تقيس على روحها
تعطيناالفكره واسم اللى نفذها او اذا ناويه على احد حلو قولو لنا ومش مشكله وين لان اغلب المحلات يوصلون


يالله انا عن نفسى بقول ايش سويت وايش جربت
انا ملكتى كانت نهاية الصيف وسويت فيها قصيده طبعا جديده سواها لى الشاعر والقاها وشغل مررره مرتب حتى ابو الشباب مررره استجن عليها >>عادانا ماصدقت خبر
سويتها بـ 1000 ريال عند الشاعر سلطان

وناويه اسوى زفتى عنده اذا اراد ربنا

الزفه راح اسوى فيها حركه بس شكلها بتطلع غاليه بس هى ليله ولازم نلعب فيها صح خاصه ان الزفه تبقى معاكى طول عمرك مابتروح موزى الشوكولاته او الفستان او المسكه كلها اشياء تروح مع الوقت الا الزفه طبعا هذى نصيحة اختى اللى اكبر منى بتقولى كل حاجه لاتهتمى فيها قد الزفه اهى بتبقى معاكى للنهايه
شكلى طولتها حبتين بس اعطيكم نصايح اللى اكبر منى قمة الادب


الفكره


انا فكرت اخلى الشاعر يسوى لى قصيده يصلح تتغنى يعنى لو حبيت اخليه يلقيها هوا او اغير الفكره شويه واخليه يجيب لى احد يلحنها ويغنيها طبعا المغنى حسب اختيارك لكن انا ماراح اختار فنان كبير عشان التكلفه
بعد كذا لما اوصل الكوشه اغنيه الكوشه السريعه طبعا وبعد ما اجى انزل من على الكوشه اسوى قصيده بصوت الشاعر على لسانى انا يعنى كانى انا اللى جالسه اقولها اشكر فيها المدعوين واشكر اهلى وكم بيت توديعى مع انى خايفه ابكى على الكوشه اذا فيها توديع ربنا يستر وفيه شى انا محتاره فيه اخلى القصيده تبدا اذا انا بنزل من الكوشه او اسوى الحركه هذى وحده قالت لى عليها لما تمشى في الممر بتطلعين من القاعه تنطفى الانوار وتلفى وجهك للمعازيم ودخان كان عروس ثانيه بتدخل وتبدا القصيده التوديعيه او قصيدة الخروج
طبعا هذى فكره واحده مسويتها من قرايب زوج اختى في دبى واختى عجبتها الفكره مررره وقالت لى عليها
وانا طالبه مشورتكم ومساعدتكم لى بالافكار الحلوه زيكم


انتظر ردودكم وتفاعلكم وكل واحده ايش بتسوى ووين بتسوى زفتها