الموضوع: أحلى وأفضل عبايات وبالطوهات السفر

مرحبا بنات
كلنا سافرنا بالعبايات السودا والملونه والبلايز الطويله والبالطوهات
كل وحده منكم تقول أحلى وأفضل شي إلبسته بالسفر وبأي بلد عشان السفر ورجعت وهي راضيه عن شكلها
أو زعلانه وقررت تغير الشكل للسفره الجايه باذن الله تكتب تجربتها

انا حابدأ .......
سافرت لماليزيا من زماااااااااااان لبست عباية كتف سودا وحجابات حرير وأوقات طرحه
الخطا وين العبايه كانت طويله ووسيعه والحجاب حرير يعني طول الوقت لاااااااااااااصق عشان الرطوبه

سفرة مصر وتركيا لبست عبايات ملونه زيتي وبني فاتح وشيلان ملونه شريتها من محلات الجلابيات والعبايات والملابس أحسن شي القطن الملون لانه بارد
كان شكلي حلو ومستر ومرتب لكن برضه العبايه طويله وواسعه كانوا يحسبوني طول الوقت تركيه او ايرانيه بس أريح نفسيآ بكثر من العبايه السودا الكل يقعد يناظرك ويميزون انك سعوديه ويستغلونك


هالمره أنا رايحه باذن الله للصين وهونج كونج وقررت ألبس بالطوهات طويله ولفات خليجيه وشيلان
إيش رايكم أفصل البالطوهات تفصل أو آخدها من محلات الحجابات
ووإيش أفضل محل تصاميم واسعار وخامات بالرياض

اللي راحت الصين تقولنا اللي يعافيها عن تجربتها واللي توها راجعه

هلا

انا مثلك ياعيوني ودي اعرف محلات بالرياض تبيع بالطوهات

حلوة ومرتبة

سمعت ان بعض البنات يفصلونها عند الخياط بس وشلون يضبطها لهم


اتظر معاك

انا لما اروح دول عربيه احب البس العبايه والطرحه السوداء ..
بس لما اروح دوله اجنبيه افضل البس بالطوات او باليز طويله يعني لين الركبه تقريبا مع بناطيل وحجابات ملونه تناسب مع اللبس ,,

والبالطوات والباليز تلقونه عند جميع الماركات ,, اصلن الحين الموضه البلايز الطويله ..

وفيه محل مررررررره مرررررره حلو خاص بلبس المحجبات عندهم باليز طويله مره حلوه لدرجة اني صرت اشريها والبسها هنا للطلعات ..
وعندهم جميع الوان الحجابات مافيه لون يخطر على بالك مو موجود .. وجميع الدرجات واشكال غريبه اول مره اشوفها .. واسعاره جدا معقوله ..

وهو في مركز فانتيل النسائي الي بطريق الملك عبد العزيز

مرحبا بنات مشكروين على مروركم
أنا شفت من مده من شهر تقريبآ محل بمركز نجود متخصص بالحجابات لكن ما اعرف اسمه عندهم بالطوهات طويله وقصيره المشكله انها صايره متينه من الكتا ن المتين يعني اللي بتروح لبلد بارد ممكن لكن الغالبيه مصر وشرق آسيا وكلها حاره ورطبه

المشكله هنا انه أسعارهم حليله يعني غاليه شوي ويستغلون عشان الموسم
محل فانتيل فعلآ حلو لكن أنا أدور على شي أرخص منه كمان أتذكر ان الحجابات الخليجيه على 200 ريال
إذا على خبري لأني ما رحت لهم من زمان

وننتظر بقية الأخوات وتجاربهم

http://alfrasha.maktoob.com/alfrasha17/thread851/
لقيت هذا الموضوع بنفس الموقع مع انه قديم إلا انه المحلات أكيد مازلت موجوده بالرياض

http://***************.net.in/all/index.php .أنا توني جايه من داشن لقيت عنده بلايز طويله لين الركب أشتريت ثلاث قطع

انا العام رحت ماليزيا بالعبايه السوده وصحيح ماتنفع مع الرطوبه بس هذه السنه رايحه تايلند وحاشتري عبايه وطرح ملونه وكثير نصحوني افصلها عند الخياط بس مني عارفه حيظبتها ولا لا وياريت اللي تعرف منكم محل في جدة تدلني جزاها الله كل خير

ياريت تدلوني كمان على محلات ايشاربات حلوه عندنا في جده

المشاركة الأصلية كتبت بواسطة ام احلى لانا

انا العام رحت ماليزيا بالعبايه السوده وصحيح ماتنفع مع الرطوبه بس هذه السنه رايحه تايلند وحاشتري عبايه وطرح ملونه وكثير نصحوني افصلها عند الخياط بس مني عارفه حيظبتها ولا لا وياريت اللي تعرف منكم محل في جدة تدلني جزاها الله كل خير

حبيبتي تفصليها عند حقين العبايات أفضل واركز وتورحي وترجعي بالسلامه يا رب

ممكن سوال انتم تتغطون وجيهكم ولا لا ؟ امانه ردو علي بصراحه