الموضوع: شوفوا شلون طفشت صديقتي بالمسن هع <ياشين رواقان

;مرحبااااااا خياتووو
ياذاك اليوم اني كنت مروووقه مااااااااره
وكنت بمحادثه جماعيه مع بنت عمتي وصديقاتها
وشوي كذا وتدخل صقيقتي بس شكل امها داعيه عليها قبل لاتدخل < خخخ

عاد انا ماكلمتها كنت متحمسه مع البنات

وهي هوباا على طوول كلمتني واحس انها بعدها ندمت

والله ذاك اليوم اللي طفشت فيه صديقتي قلت خلاص بتعطيني بلووك

شوووفوو المحادثه واحكمووو بس

ا
انا توبيك حقي كان (كشتي عندما تعشق الكشش)< بالله وش رايكم مو فله
وهي كانت وقتها كاشخه مااره حاطه ( القلب ماهو قلب اذا في نبضه ماشالك)



القلب ماهو قلب اذا بنبضه ماشالك : ... وينك فيه ( الفراغ لقب مطلعته لي مايصير اقوله )

كشتي عندما تعشق الكشش: ها
كشتي : اوووخص 000 كاشخه وش ذا توبيك
القلب : قصم اني لطشته منتدى وحطيت رجلي
كشتي : هع عادتك
القلب : خلي عنك الهذره وش قلتي باللي خبري خبرك
كشتي : وهـ بس
القلب : اخلصي
كشتي : مدري مدري والله مدري < ماادري وش احس فيه
القلب : ياليل الروعان
كشتي : ياليل البعارين
القلب : يابنت تراني ناصحه لك وربي اخووي فله عنده كشه شئ شئ كن احد شاب فيها نار وخامده
قول على حسب معلوماته الجغرافيه ان ذي الموووضه وعليه سيقان كنها حبة توكس بس اطوول شووي
وبعد وشسمه مو حلو بس شين وعليه اخلاق قصم انها تجاريه
كشتي : هع هع هع ايه بعد اتحفيني
القلب : كل ذا وماعجبك يعني اكمل
كشتي: لابالله اذا كملتي مالك غير الشلوت بسيقاني المعصقله المتواضعه اهفك فيها
القلب : خخخخخخخ اجل مانتي وجه نعمه
كشتي : لاوالله اوافق ع ولد عمي المنتف ولا اخوك
القلب : هع ذي مدحه ولاشتيمه
كشتي : مدحه بس تريحي
كشتي :اي اخبارك بعد
القلب : والله ماشي مزقحين بهدنيا
كشتي : اقول كم مره وانا اقولك لاتققولين مزقحين اكرها ذي الكلمه < بدون سبب
القلب : صه كيفي
كشتي : اقول اهجدي
القلب : تقلعي الله لايهينك عندي شغل
كشتي : له له مادرينا عنك يالكونداليزا رايس يعنني مشغووله
القلب : اي
كشتي : هذا جزاتي يوم دخلتي وانا ع طول اصرف النفريات اللي عندي < جمع نفر
القلب : هههههههه محسستني ان عندك هنديه مضيعه اقامتها
كشتي : هع هع حلوووه
كشتي : قولي مع مين ولا ازعجك بتنبيه
القلب : اي ازعجيني وابشري بالبلوك
كشتي : افا افا بلووك بعدك ماتطورتي ترا يمدحون سيراميك
القلب : تكفين ياتركيه مناك بس تراك بدويه من ضلع بدووي
كشتي : ايه بدويه بس بدويه ماااركه خخخخ
القلب : اقول زليخه موكني عطيتك وجه اذالفي لابارك الله فيك
كشتي : طيب بس انا احبك واموت على خشتك اللي كنها ركبة عنز < وش عندها
كشتي : يممممممممممممين الله احبك حي ماله حدود وخلق الله ومدري وش علي شهوود )
ونااااصه لو تشوفيني وانا اغني اغطي على اصاله
كشتي : ياهوووا عطينا وجه

القلب : ههههههههه لاتكفين تغطين على اصاله اغدي كشنه على هالخشه
كشتي : بلاك ماشفتي زين حتى محمد عبدو مره زارنا وطلعت بوجه بالغلط ووغنالي مذهله
القلب : هههههههههههههههه صدقتك
كشتي : طيب قوليلي وش تسوين وانا قصم قصمات غير اروح من عندك
القلب : هع تخيلي جتني اضافه من وحده وكاتبه برساله شخصيه انا رورو وقبلت وجالسه الحين اهذر معها
كشتي : وناااااااااااصه اهم شئ البنت دمها خفيف
القلب : لا والله انها تتدبل الكبد تقول انها من طبقه المخمليه
كشتي : ههههههه عاادي ياكثر اللي يتنصنعون تجيك الوحده تهذر تقولي وه بس يازين كلامها حتي بعد تشكين انها اميره واقص ايدي انها ماكانت متربعه على فرشه حمرا تحت بيت الشعر وكمبيوترها مغبر ولابسه مدرقه
القلب : ههههههههههههههههههه رووحي زين
كشتي : ارووح لعيونك موبايلي
القلب : خلاص قلت لك وش عندي اذللفي
كشتي : مااااني محد قالك اعرفيني بسم الله وذي جلسه تصدقين من اليوم وانا اكلمك وانا وافقه < مدري ليش
القب : وين تقعدين والله اذا ماذلفتي لااخلي كشتك ذي اللي فرحانه فيها ملعب كوره
كشتي : بالله تعرفين؟ تصدقين من زمان وانا نفسي اسوي مشروع بكشتي واحصد مال وفير
كشتي : بس مااخلي فريق الهلال يلعب فيه لانه فريق حريم كل الحريم يحبونه وبعدين الحريم لاجن يخلن كشتي حوسه ياكلن ويطشن
القلب : ههههههههههه ترا البلوك يحوووم حولك
كشتي : يحووووووم هع خليه يقيل ساعه 3 ظهرا
كشتي : هع هع عصبتك صح < عادي اموون
القلب: هذا بلاء ابووك ياعقاب
كشتي : ( هذا بلا ابوك ياعقاب ) <احس مالها محل من الاعراب تحذف ولاتقرا
القلب : يعني هذا البلاء انك تمونين
كشتي : اها امووون وجع وشوله تقولين بلاء
كشتي : خلاص زعلت وين عباتي بروووح
القلب : احسسسسسسسسسن باللي ولا موبقايله
كشتي : لا قوليها لاتخلي بنفسك شئ يالهيس
القلب : قصدي باللي يحفظك ويحرسك ويخليك لعيون ترجيك
كشتي : هع يقطع هالسنون اللي مسدحتها لي ينقالك ترقعين الحين
كشتي : انا زعلانه
كشتي : << ياارب تتذكر ...اني لما ازعل ماارضى الا لما تفطرني على حسابها
االقلب: ههههههههههههههههههههههههههه
كشتي : خير وش عندها المتحمسه وش يضحكك
القلب : لا ولا شئ بس مبسوطه معك
كشتي : بالله طيب ليش تجرحين مشاعري وتهتكين احاسيسي وترمين علي بالكلام القاسي وتقولين اذلفي اذالفي وتقولين لي اوص وصه ومدري وش <اول مره احس اني اعرف اعبر
صراحتن صدمتيني بس اشوا اني حاطه صدمات < خخخخخخ
القلب : ههههههههههههه وربي تعبير شئ شئ
كشتي : << جالسه تصيح
كشتي : << مره امي زعلتني وبكيت ومارضيت غير لما جابت لي بطاقه ام 20
وقلت بنفسي وقتها لو وحده من صديقاتي زعلتني اخليها تجيب ام 10 <مسويه تخفيض
القلب : ههههههههههههههههههههههههههههه الله يرجك يعنني مسويه تخفيض
كشتي : ويخضك
القلب : ههه
كشتي : يعني انتي ماملتي من رورو ذي اللي مدري من وين مستوردتها
القلب : البنت مره دلخه وشكلها طيبه
كشتي :والله انتي طيبه
القلب : لاتميلحين مو مدخلتك معنا
كشتي : ولعنه كيف عرفتي ان هالفكره تقرقع بموخيخي
القلب : هع افهمك
كشتي : طيب وراك مادخلتيني من نفسك يعني غير اطر ابي اشوف اللي مشغلتك
القلب : طيب لحظه
القلب : بس ها ياويلك تغلطين وتقولين لقبي اللي مطلعته لي اللي مثل خشتك وربي لاهفك بعصا جدتي
كشتي : طيب ولايهمك اووما عصا جدتك لو يدرون عنها يحطونها بالجنادره ولايعلقونه عند باب المصمك احسها من عصر الجاهليه
القلب : ههههههههه هش تراك دخلتي بالمحضور
كشتي: طيب يلا دخليني
القلب : هيه ترا اسمي رنا عندها لاتقولين اسمي الحقيقي
كشتي : هع اوووخص تشرفنا
كشتي : طيب انا وش اسمي نفسي
القلب : هع احس مضبوط عليك زليخه
كشتي : وجع خخخخ خلاص اسمي شهد يالله نمشي حالنا فيه
القلب : طيب لاتحوسين البنت وخليك كيووت
كشتي : اووحلي كيوووت مسويه تعرفين عنقليزي اقص ايدي اذا ماكنتي تحفطين فيها من امس

القلب : ههههههههههي يلا دخلتك تعالي

عاد بالوقت ذا كنا نقرقر مع البنت

وبعدين انا رجعت للمحادثه الاولي

كشتي : وش ذا تراها اعمتني بلوون توبيك حقها
كشتي : في بنت تحط ازرق غامض احسها ذكرتني بعلبة نيفيا بس باقي تغير (عيونك دنيتي ) وتحط نيفيا
القلب : ههههههههههههههههههههههههههههه الله يحوسك
كشتي : جميعا
كشتي : اوووخص 000 وش ذا ترحيب احسك ششكتيني اني اول مره تشوفيني
القلب : هههههههه موعاجبك؟
كشتي : لاوالله عاجبني كلك على بعضك حلو
القلب :
كشتي : طيري بس قدامي للبنت

وبعدها رجعت لصقيقتي بالحادثه الاولي

كشتي : ها وش رايك فيني للحين ماخنبقت
القلب : هههههههههههه والله انك ماتلعبين
كشتي : احم احم

ورجعنا للبنت وياليتني مارجعت
خربتها مع البنت مدري احسها ماعجبتني

وبعدها

القلب : خربتيها يابنت الذينا
كشتي : ههههههههههه هي خاربه خاربه خلينا نعميها
القلب : خخخخخخخ اطلعي بس
كشتي : ههههههه بالله وش هالبنت
القلب : لحظه بس اصرفها
كشتي : بالله لاتصرفيها دخليني ثاني وخلينا نتهاوش معها < لاحد يقول عني عربجيه بس البنت دلخه
القلب : من جدك انتي ؟
كشتي : لا من عمي
القلب : هع اهجدي
كشتي : اجل بتهاوش معك
القلب : خلاص بس على شرط تفطرين على حسابك وتشترين لي بطاقه
كشتي: هع هع هع هع < تورطت
كشتي : من قال اني احب الهواش ولاالمشاكل حراااااام انا رومنصصصصصصصصصيه < يازين الترقيع
كشتي : لا لا انا فتاه هادئه لااحووب صرااخ واوحب ان اتجول بالحوش واجلس بذاك الركن الهادئ واسرح بفكري العميق واتذكر خشتك واتاملها واتااملها وحينما استوعب ماارى اصرخ باعلى صوتي
واقول ماهذا الكبوس المرعب انها خنفساء
القلب : ههههههههههههههههههه وجع يامال الضعفه
كشتي : يوجع الظالم
كشتي : خلاص يالله بتزحلط توصين شئ لاسمح الله
القلب : وين والله بدري اجلسي
القلب : اليوم اخر يوم ادخل المسن
كشتي : احسسسسسسسسسن وناااااصه
القلب: ههههههههههه طيب لاادخل كل دقيقه
كشتي : احب على قلبي والله
القلب : ههه اجل ماراح ادخل ابد
كشتي : برضوا احسن
القلب : اجل بدخل كل يووم
كشتي : خخخخخخخخ لايكثر
كشتي : باااااااااااااايو
القلب : وين بدري اجلسي حلفت لاتصوميني دووبي مخلصه قضاء هع
كشتي : ههههههههه اجل تسحري اليووم
القلب : نذله مو جديده عليك خخخخخخ
القلب : بحفظ الله ورعايته
كشتي : وش اقول لااحد قالي كذا يعني بحفظ الله ورعايته
القلب : قولي رعاك الله
كشتي : طيب
كشتي : احس اني بمسلسل تاريخي
القلب : استغفر الله
كشتي: طيب لاتعصبين والله ماقصدي شئ
كشتي : بس تصدقين ابي اعترف لك عن شئ احسه يحوم بقفصي صدري وناوي يمر على العمود الفقري
القلب : ههههههههههه وشو
كشتي : احس اني اول مره استفيد منك هع بسلفه رعاك الله
كشتي : باااااااااااااااااااي قبل لايجيني كف


خخخخخ طلعت قبل لاترد حراام وربي احس اني رفعت ضغطها
وثاني يوم دخلت بس اشوا لقيتها ناسيه سالفه وكلمتني عاادي


خخخ تخيلوا تقول انا للحين محتفظه بالمحادثه
هع هع والله انها طيبه انا لو احد طفشني كذا قصم غير اطيرها


خخخخخخخ هذا من غير المقالب اللي اسويها

عاد الحين اكيد كل البنات اللي مسويات لي طلبات صداقه على الخاص يغيرون رايهم


لاحد ياخذ عني فكره كذا ولاكذا اعرف ابليس لالعب براسكم
بس وقتها جاء ع بالي استهبل


وسلملم^_*

ههههههه
موقف
بس من جد حلو توبيكك

هههه عذرا داخله عرض بس والله انك فلللللله

ههههههههههههههههههه

هههههههههههههههههههههههه

اما انتي عليك مصطلحات انما ايه

اما لو تدري انك محتفظه بالمحادثه وحاطتنها هنا

تدفنك وانتي حيه

الحين بتشوفين ملفك مليان طلبات صداقه

والله انك فله بس تطلعين للواحد قرووون

ياكثر هذرتي

ههههههههههههههههههههههههههه
ههههههههههههههههههه
ههههههههههه
اصبري مابعد كملت ضحك
ههههههههههههههههههه
ههههههههه
خلصت


وربي انك فلللللللللللله ودمك خفيف
طلعتي في البنت قرون
وعليك مصطلحات مادري من وين جايبتها


امممممممممممم خلاص ماعاد عندي هرج


تقبلي تفحطاتي
صرقوعه

ههههههههههههههههههههه


تصدقين إنك تصلحين لي


و الله إنك فله

تقبلي خطمتي


............................................



عود آذا خطمت من بذا (^_^)



...

هههههههههههههههههههههههههههههههههههههههههههههههه
من جد رقتيعها من جد جنبها انتي

ههههههههههههههههههههههههههههه
>> والله انك ام وابوا الفللللة

لؤلؤه التوبيك لحسابك هع هع

بنوته كوول خخخخخ داخله عرض بقووه

همس العيوون هع ترا ممصطلحاتي رومنصيه وش فهمكم انتم بس هع هع

واذا على القروون عاادي خخخخ وين ترووح عن قرون جدتها ع قولة الشاعر العرق يمد لسابع جد

لاحد يسألني من الشاعر

والله يازين هذرتك تعالي كل يوم واهذري فيذا

صرقوووعه دوووووووووم زحكه ياااااارب

فديت خشتك ياشيخه والله انتي اللي طلتك خفيفه

تقبلت تفحيطك اذهبي لاقرب ورشه خخخخخ

عود اذان ممكن تعترفين لي بقصة ذا نك < مااعلم احد

والله شكلك فله من نكك هع

تصدقين تصلحين لي << حتى انا عندي نفس الاحساس

تقبلت خطمتك اذلفي لاقرب موزع < هع هع

ملامح الليل فديتك ياطلسوومه خخخ

وش ذا اللي كتبتينه >>> (من جد رقتيعها من جد جنبها انتي)

اتوقع انها كذا>>> من جد رقعتيها من جد جننتيها انتي) صووح

تمت الترجمه بحمد الله

العسوووله يصلموو على هاطله يام الفله

وش قصدك يعني
"معصبة بقوة"

اوكي خلاص ما بقط ميونة معكم
امزح معك يا حبيلي خفيفة دم