الموضوع: @@@ ملف خاص بكافة انواع المحاشي لرمضان من مطبخي بالخطوات المصورة والمفصلة@@@

هذا الملف خاص بكل أنواع المحاشي من : " ملفوف ، ورق عنب بالزيت ، ورق عنب باللحم ، فليفة ، شيخ المحشي ، فلفل حار ، بطاطس ، باذنجان وكوسة " بالخطوات المصورة المفصلة..

حبيت أسوي ملف كامل للمحاشي بأنواعها اللي أمي تسويها لنا بالبيت وان شاء الله بإذن الرحمن كل ما صارت فرصة بنزل لكم طريقة جديدة من طرق أمي الغالية أو جدتي حبيبتي لأنها فنانة بهالسوالف..



المقادير:
ملفوف ، فليفة ، فلفل حار ، بطاطس ، باذنجان وكوسا
10-12 حبة ثوم مقطع حلقات او مكعبات
12 ك صلصة طماطم "طماطم + ثوم + ماء معمولة بالخلاط = الدقوس العادي"

* هذا خاص للملفوف :" 2 كوب تمر هندي + 1/4 كوب دبس الرمان + 1 1/2 كوب طماطم معمولة بالخلاط "

لحم شرائح مع العظم لقاع الجدر..

الحشوة:
4 ك رز مصري
2 كيلو لحم مفروم خشن شوي
6 بصل متوسط "مقطع ناعم"
6 طماطم متوسطة "مقطع ناعم"
2 كوب بقدونس " مفروم ناعم"
2 كوب كزبرة " مفروم ناعم"
1 كوب شبنت أو شبت "مفروم"
ملح
4 ك طماطم معمولة بالخلاط
2-4 مكعب ماجي
2 م/ك فلفل اسود ناعم





الطريقة:
* طريقة سلق الملفوف:
ناخذ الملفوفة ونقص العظمة اللي بالنص <<< :hahaha: "مادري شنو اسم الدائرة الصلبة" ، ونزلها بالماء المغلي بهذي الطريقة..



بتركها شوي لحد ما يغلي الماء وبعدين نقلبها للجهة الثانية..



وهذا شكها بعد مانطلعها ، وشفو شلون قاصين المكان الصلب..







يتبــــــــــــــــــــــــــــــــــــــــع

* طريقة الحشوة:
نحط البصل وشوي زيت بالقدر وتقلية شوي ..



وبعدين نحط اللحم المفروم والفلفل الاسود والماجي والملح ونقلبة شوي لما يتغير لونه..







نحط عليهم الطماطم ونقلب شوي بعدين نحط الصلصة ونخلية تقريبا 5 دقايق..





نحط عليهم الشبنت والكزبرة والبقدونس ونقلب شوي..

نحط الرز ونقلبة شوي و نطفي النار عليه ونحط باقي المقادير..





وهذا شكل الحشوة النهائي..




طريقة حشي " فليفة ، فلفل حار ، بطاطس ، باذنجان وكوسة" :

هذا الفلفل الحار والفليفلة وإحنا مخلين الراس عليه عشان بس نحشيه نسكره..





وإهنيه الكوسة المحفورة ومغسولة من داخل ، والبطاطس مغسولة مع القشر..



وهذي شرايح اللحم مرصوصة بقاع الجدر "بجدر الملفوف والمحاشي المشكلة"..



نحشي للنص ( فليفة ، فلفل حار ، بطاطس "نسكرها بقطع الملفوف الصغيرة" ، باذنجان وكوسة " لاحظوا شلون مزخرفتها " ) ونحطهم فوق شرايح اللحم المرصوصة بالقاع..



وهذا شكل الجدر بعد ما خلصنا حشي كل الخضار المحفورة..

نحط طبق ثقيل نسبيا عليهم ونصب الصلصة " صلصة طماطم" والملح ونحطة على النار.. <<< (صور هالمراحل مسحت بالغلط للاسف :( )

وهذا شكله النهائي بعد ما يستوي " شكله مضغوط من الصحن اللي كان عليه"..



وهذا لما قلبنا الجدر بعد ما شلنا أغلبة السائل اللي فيه..



وهذي الشوربة اللي من الجدر المحاشي <<< أمووووووت فيها ..




طريقة لف الملفوف مافي اسهل منها :

نفرد ورقة الملفوف كاملة..



نقص العرق الصلب ، ونقسم ورقة الملفوف 2 ..

نحط الحشوة على طرف الملفوفة مثل الصورة..



نلف الملفوف بدون ما نقفل الاطراف بس ردي باصابعج الحشوة عشان يصر مضبوط باللف مثل الصورة..







رصي الملفوف القدر بهالطريقة فوق شرايح اللحم..



حطي الثوم بهالطريقة..



صبي شوي شوي صلصة " تمر هندي ودبس الرمان " على الملفوف عشان لما نصب الصلصة ما ينفتح ..





وحطي صحن عليه وصبي مقدار كوب إلى كوب ونص طماطم مفرومة بالخلاط ..



نحطه على النار لما يستوي..

[B][SIZE="3"][COLOR="RoyalBlue"]

وهذا شكله النهائي ..



وهذا من قريب..



وهذا لما قلبنا الجدر..



وهذي الصورة الجماعية لكل المحاشي بكل أنواعها ، ولاحظوا شلون حشوة البطاطس شلون فيها وما طاحت بالمرق ..



وهذي الكوسة من قريب..



وربي يبلغنا واياكم رمضان ويعيده عليكم بالخير والبركة وعلى جميع المسلمين

ورق العنب بالزيت ودبس التمر ، والله لذيــــــــــــــــــذ جــــــــــــــدا جــــــــــــــــدا ..
شغل ايدي برووووووووووووووووحي والله..

المقادير:
علبة ورق عنب أو ورق فريش نسلقة أول شوي



الحشوة:
1 كوب عصير الليمون
1 كوب أرز مصري "مغسول بس"
1 كوب طماطم مفروم
1 كوب بصل مفروم
1 كوب زيت زيتون
1 كوب بقدونس
ملح
1 م/ك فلفل اسود
1 م/ك دارسين ناعم

السوائل اللي راح نصبها فوق ورق العنب:
1/2 كوب دبس الرمان
1 كوب تمر هندي مذوب بماء حار شوي
1 كوب عصير الليمون
1 كوب زيت زيتون
حبتان بطاطس مقطعة حلقات أو أنصاف حلقات
3 -4 حبات طماطم مقطعة حلقات
6 حبات ثوم مقطعة شرائح
كوب ماء

الطريقة:

نغسل ورق العنب في ماء دافئ ثم يصفى ويترك بمصفاة..

ثم نعد الحشوة بخلط الرز المصري والبصل والطماطم وعصير الليمون وزيت الزيتون والملح والبهارات والبقدونس..





نقطع العرق الصغير اللي يكون معلق الرقة منها بالشجرة <<< :hahaha: ياعيني على الوصف ، هذا اللي بالصورة ..



نضع الحشوة على طرف ورقة العنب..

نلف أطرافها..





ثم تلف جيدا حتى تصبح بهذا الشكل..



شوفوا حجمهم شلون صغير ومرتب بالنسبة للسكينة الصغيرة..



أما إذا كانت الورقة كبيرة كما بالصورة شوفوا الفرق بينهم..



نقصها 2 من عند العرق الكبير بالوسط ونحشيها كما بالصور..

يصف البطاطس والطماطم في أسفل القدر ثم يرص المحشي جيداً فوقه حتى ينتهي المقدار ..









يصف شرايح الطماطم فوق المحشي ثم الثوم رصه ونوضع صحن حتى لا يتفكك المحشي ..





يوضع باقي السائل اللي من الحشوة و الليمون و الماء ودبس الرمان والتمر هندي ويوضع على نار هادئة..

وهذا الباقي من سائل الحشوة..

[B][SIZE="3"][COLOR="RoyalBlue"]وهذا شكله بعد ما يستوي..





ويقدم " للأسف :( ما صورته وقت التقديم )