الموضوع: لعشاق السمك اليوم عندي لكم مطبق الزبيدي مااطيبة لذذذذذذذذذيذ بالحشو والدقوس

لان الحين عندنا بالكويت موسم الزبيدي واليوم انشاء الله غدانا مطبق الزبيدي راح اسويلكم الحين للمطبق ياليت تدخلون معاي خطوة بخطوة طبعا الزبيدي نشترية منظف وخالص من مصارينة
تغسلينة جيدا وبعدين تعصرين علية ليمون وتتركينة ربع ساعة
تحضرين تتبيلة السمك
بصل *ثوم *شبنت* بهارات (كزبر+كمون+كاري|لومي مطحون+فلفل اسود)وملعقة خل وتضربينهم بالخلاط
وتحشين بطن السمك
تحضرين المقلاة فيها زيت وتغلين السمك غطي السمك بدارسين مطحون او بالطحين علشان مايلزق بالمقلاة
بعد ماتغسلين العيش وتنقعينة اتحضرين جدر العيش وتحطين مائ وزيت من زيت السمك المغلي علشان يعطي نكهت السمك مربع ماجي عود دارسين ومسمار حب ورق غار (السيلانيي ريحتة فضيعة ويعطي نكهة طيبة)
بعد مايغلي تحطين العيش لما يستوي تشخلينة يعني اتصفينة بس مايستوي حيل يعني شوية حب
في قاع الجدر تحطين شوية من العيش وفوقة السمك وتغطينة بباقي العيش الى ان يستوي
وتكونين محضرة الحشو عبارة عن شرائح بصل مع خضار مثلجة مثل البازلاء والجزر في زيت غزير الى ان يستوي ويكون لونةاحمر اي ذهبي
ضعي عل وجه العيش شوية زعفران وصبغة العيش وهيل مطحون والحشو
اما بالنسبة للدقوس ذكرتة قبل هالمرة في مجبوس الدجاج لاني تعبت من الكتابة
وتقدمين الطبق مع الاجار والمعبوج والسلطة
بالعااااااااااااااااااااااااافية

عاشة الايادي امبين طيب

مشكورة عزيزتي على الطبخه

مشكورة اسراء على المرور

اخواتي الغاليات صباح الخيرات لوسمحتو لاتردوني خايبه ابغا وصفه الكبان والكدراليمني ولي تجيب الوصفه ادعيلها ليل ونهار

اشدعوة يالحلوين كم وحدة قرت الوصفة ومافي ردود لهالدرجة بخلا ماتوقع من الفراشات الحلوات الظاهر ماتحبون السمك
محبوبة زوجها عساك دوم محبوبة زوجها ويرزقكم بالذرية الصالحة والله ماادري شنو هالطبخات اللي ذكرتيهم يمكن لهم اسم ثاني عندنا باكويت
واسفة حبيبتي ياليت تدعيلي تراكم يااهل السعودية طيبين واحنا نستاهل

[اختي سراب الوادي الله يوفقك دنيا واخرة وجزاك عنا خير الجزاء بلعكس انا اموت في السمك وطبخت لذيذه مممممممممممره وتسلم ادينك

تسلمين يالغلاااااااااااااااااااااااا

يعطيك العافية في احد ما يحب الزفر

ممكن تحطي لي رابط الدقوس اذا مافي كلافة

صباح الخير للي عنده صباح ومساء الخير للي عنده مساء
سوري سراب الوادي دخلت تهريب انا كوكون مو كوكونه
بما اني شيف ومتميز افهم بكل الطبخات الا السمك
سؤال للاستاذه سراب الوادي تعرفين فليه السمك المجمد
قبل ما اغليه كيف ابهره ابي الخلطه لو ما تمانعين
وشلون اذا اغليه ويصير مثل الكنتاكي انقعه بالبيض
وكيف بعد بالبياض والصفار او الصفار بس
واكون شاكر لك من كل قلبي
بس امانه لا تبلغين احد عني انا ابي استفيد
بااااااااااااي وناطر الرد

تسلمين والف شكر