الموضوع: المحلبي او الكاستر

رجاءا بنات وللعراقيات خصوصا انا ربة بيت جديدة
ارجو ان تعلموني طريقة المحلبي او الكاستر

انا مو عراقيه بس اقدر اقولك طريقتي على ما يردون عليك الاخوات العراقيات

المهلبيه
2 كأس حليب طازج
2 ملعقه نشا
2 - 4 ملاعق سكر ( حسب الرغبه)
هيل - ماء زهر

نخلط المقادير على النار حتى تبدا تصير ثقيله وعقبها نصبها في قوالب التقديم ونتركها تبرد شويه وبعدها ندخلها الثلاجه

الكاسترد
شبيه بطريقة المهلبيه لكن تضيفين لكل كوب حليب عدد 1 بيضه

ملاحظه : حاليا في طرق مطوره لعمل المهلبيه والكاسترد وهي اضافة القشطه او الكريمه للخلطه حتى تعدطيها طعم غني ودسم

وبالعافيه

شكرا اختي رهام على تجاوبك معي بس مو هذه

المقادير عندنا في العراق ميخلون بيض

سلام
انشاء الله تكونين ست بيت ممتازه

المحلبي
كل كوب حليب ياخذا ملعقه نشاء وملعقه الى ملعقه ونص سكر
وطريقه العمل

ناخذ الحليب على النار ونبقي منه مقدار قليل على جهه.
نضيف السكر على الحليب ونحركه الى ان يذوب السكر
نذوب النشاء في الحليب الباقي عدنه ونضيفه للكميه الثانيه الى على النار مع الخلط المستمر
وطبعا بعد مايبدي يفور نفتر النار ونخلط الى ان يثخن عدنه ويبدي يطلع فقاعات كثيره ونصبه ونقدمه

ممكن نضيف هيل للطعم ولكن الغالبيه يفضلوه ساده

نفس الشي بلنسبه للكاستر فقط نستخدم مسحوق الكاستر بدل النشاء

وانشاء الله اكون فدتج

الف شكر اخواتي

اختي ام الياس
الف شكر على مساعدتك

انا اعطوني مواصفات الكاستر وسيوتيها مرتين وذبيتهن الله يغفر لي بس ما ينوكل

2ملعقة نشأ
2 ملعقة كاستر
6ملاعق حليب
شوية ماء
مجرد ما اخليه على النار حتى لو ضعيفة جدا

يتلكلك بسرعة وتصوري ابقي الماعون اللي طبخت بيه بالماء يوم كامل ما ذايبة نهائيا

يا هلا بيج حبيبتي الفراشة الحلوة راح انطيج طريقة عمل الكاسترد اللي مايتكتل ان شاء الله
اول شي تخلطين مع الماء حليب طبعا كمية الماء انتي تختاريهة وتخلين ويا سكر حسب رغبتج واتخلين الكاسترد وياه وتخلطين المقادير جيدا وبعد ما تنخلط المقادير خلي على النار وحركي باستمرار الى حد مايثخن واذا مصار ثخين تقدرين تخلطين على صفحة شوية كاسترد وماء وبعدين اديري فوق الخليط مع التحريك الى حد ميثخن
وان شاء الله يعجبج