الموضوع: (( أجمل الابيات الشعرية ))

السلام عليكم ورحمة الله وبركاته

مساء الخير ,, والاحساس ,, والشعر ..
كيفكم حبايبي أعضاء المنتدى
أن شاء الله تمااااام ..


في هذا الموضوع ..
سوف أختار لكم أجمل الابيات الشعريه من .. (( الغزل.. العتاب .. المدح .. الغدر .. الخيانه ..الرثاء وووووو الخ ))
وأتمنى ان الابيات تنال رضاكم وأعجابكم



طبعاً الموضوع راح يكون على عدة أجزاء
أليكم(( الجزاء الاول ))



(( كيف خان ))




كيف خان وهو حالف مايخون
وين حبه وين كلمات الشرف
كل شيً بعد محبوبـي يهـون
وأستوى عندي عذابي والترف







(( أعز أنسان ))




صوت حبيبي وقبل أقـول ياعونـك
شكى جروحه ورحت أشكي له أطعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن انا أكون اعز أنسان في عيونـك
بس أنت والله كل الناس فـي عيونـي







((ماهي شجاعه ))





كن بين همومي وبينك حميا
جيتكم واحد وجيتوني جماعه
أنت منا والمصايب من هنيا
كلكم ضدي ترا ماهي شجاعه






(( مابي الدنيا ))





مابي الدنيا أبيك أنت لانك أنـت غيـر
جيت بحضانك طفل وانت ابوي وسمني







((بالسلامه ياحمامه ))





بالسلامه ياحمامه روحي للي تعشقينـه
وصدقيني اني راضي ماعليك وماعليه
روحي عني بالسلامه مايبي الديان دينه
غصب عني متغاضي قيد حبك في يديه







((راحت موضة الثوب))





شريت لي ثوب علشـان لقيـاك
والثوب راحت موضته مالبستـه
وشريت لي عطر مازهاني بلياك
أربع سنين في علبتـه مافتحتـه







(( رسوم الشريحة ))





ودار الزمان وغير الحال بالحال
وجاها الزمان بكل ورده وشيحه
فله,, وخدامه ,, ولكزس وجوال
وانا عجزت أدفع رسوم الشريحه







((صعبً علي أجفاك ))




صعبً علي أجفاك لكن بحاول
مادام هذي رغبتك ماتبينـي







((غضيت النظر ))





شفتك وغضيت النظر عنك خايـف
ماأبيك تلمح نقطه الضعـف فينـي
مسكت نفسي غصب ياأغلى الولايف
من كثر شوقي لك تراجف يدينـي







((شفتك بالمنام ))




غريبة كـل حلـم يمـر برقـادي تزورينـه
والاغرب كيف احلم الحلم وارجع واحلمة بعدين
قبل يومين شفتك بالمنام وقمـت مـن حينـه
ونمت امس ورجع نفس المنام اللي قبل يومين







(( لفاني ولدها ))




هزتني الذكرى وأنا بين الأجـواد
ساعه عرفت اللي لفانـي ولدهـا
طمنت أحبه والغـلا فينـي ازداد
شميت ريحه حبهـا فـي سندهـا
ضميته بصدري على جروحً جداد
من غير ماأشعر أحسب أني بيدها





((هل ترضى بالخديعه ))





انت لو اني خدعتك راح ترضى بالخديعه؟؟
بعتني مليون مـره حبنـي مـره عشانـي
خايف تحمل خفوقي فـوق مالايستطيعـه
ويبتليك الله بغيري مثـل مافيـك ابتلانـي







((جيت لدنيا كبير ))




جيت لدنيـا كبيـر وبفارقهـا كبيـر
ومن زعل ماهمني ومن رضى ماهمني







((المدينه والغريب ))





جاء يشوف الحال كيفه بعد ماهزه حنينه
وقبل يسألني سألته كيف حالك يالحبيب
قال انا كني غريب ضيع أدروب المدينه
قلت انا كني مدينه تنتظر رجعة غريب







(( أبعتذر ))




ابعتـذر باسـم الشعـر والقوافـي
ان كاني بحقك عن الوصل iiقصرت
لو هي بكيفـي والـذي مايشافـي
لانقل لك الفرحه هوى وين iiماكنت
لكن وعد مني وانـا انسـان وافـي
تبقى اعز انسان ان جيت وان رحت





(( لو حبيت غيرك ))




قال لو حبيت غيرك..وش تقول
قلت أحاول قد ما أقدر iiأمنعك
قال وان عيّت تطاوعك الحلول
قلت احبه يا بعد عمري معك!!







(( كلام من ذهب ))




الهرج كثره نقص والصمت حكمه
والعقل قلّـه بالهـروج الكثيـره
كم لاجل كلمه واحد سـال دمـه
وكم ساكتٍ كل المـلا تستشيـره







أتمنى أن الموضوع والابيات نالت رضاكم وأعجابكم ..
أنتظرو الجزاء الثاني والثالث والرابع ..



لكم صادق ودي وأحترامي

عطيك الف عافيه

ذوق رائع واختيار اروع..

ارق التحايا المحمله باصدق امنيات السعاده

اللله ابيات فعلا جميله عزيزتي
عاشت ايدج ورده
كلام جميل جدا واختيار اجمل
الله يعطيكي العافيه
تحياتي أمووره

مرهفةالاحساس: مشكوره اختي ع المرور والتواصل وصدق مرهفه
الاحساس اسم ع مسمى كلماتك جميله فلا تحرمينا التواصل
أمووره: مشكوره اختي ع المرور والتواصل الصراحه مرورج الاجمل
فلا تحرمينا التواصل

الله الله على هاالكلمات ذوق راقي واختيار موفق

اختيار رائع للكلمات ....
مشكوووووووووووره اختي

الاصليه: مشكوره اختي انتي الذوق كله وتسلمي ع المرور ولا تحرمينا التواصل
زهرةالأذريون:مشكوره اختيانتي الاروع وتسلمين ولا تحرمينا التواجد

ماشاء الله على الأختيار وحسن الأختيار كمان
مره رووووعه قريتها اكثر من مره اعجبتني كثير
تسلم يدك عزيزتي

((غضيت النظر ))





شفتك وغضيت النظر عنك خايـف
ماأبيك تلمح نقطه الضعـف فينـي
مسكت نفسي غصب ياأغلى الولايف
من كثر شوقي لك تراجف يدينـي

أحسنتِ الإختيار شكراً لكي اختي
ننتظر باقي الأجزاء

مشكورات اخواتي ع المرور الحلو
ولا تحرمنا التواصل