الموضوع: الأكياس الدهنيه في العين ؟؟

السلام عليكم ورحمة الله وبركاته
هلااابكم بنــات أنا حبيت أسألكم من اللي كان فيها أكياس دهنيه في العين وراحت وكيف راحت يعني بمرهم وأقطره أو عمليه "
واللي سوت العمليه كيف يعني يشيلون الأكياس من العين وهل يكون في العين خياطه وتكون من داخل العين أو من خارجها يعني على الجفن من فوق "
تكفـــون فرجوا عني فرج الله همكم "

راحت مع القطره لكن طولت استخدمتها يمكن شهرين
والدكتور مانصحني اشيلها الا لو كبرت اكثر لان فيه احتمال تنشال وترجع مره ثانيه

مشكووره أختي الله يطمنك ويجزاك الجنه"

علاجها سهل فقط مرهم وحبوب وأحيانا قطرة معاهم وتروح بأذن الله

مشكووره أختي جزاك الله الجنه وفرج همك "

شوفي حبيبتي
انا طلعت لي وانا صغيرة بس راحت لما لبست نظارة
وزوج اختي سووووا العملية بس اختي تقول سهلة دقايق جدا جدا
وبنت اخووووووي صغيرونه تشيلهم وسهلة واجد ماتخوووف

أختي نجـــاة ألف شكر لك والله يفرج همك ويجزاك الجنه"

طيب العمليه فيها خياط في العين أو لا والتخدير كامل وإلا لااا"
ومشكووره"

سبحان الله وبحمدهـ"

بإنتظار الإجابه..."

..............

وعليكم السلام ورحمة الله وبركاته


طيب يا حلوة انا عملت جراحة بالعين بعد ما جربت أشياء كثيرة ما نفعت معي وطبعا السبب على ما قالت لي الدكتورة اني تركت الكيس الدهني يتصلب وما عالجته من البداية يعني بعض الناس يروح لمجرد استخدام الكمادات والبعض من المراهم ...أنا ما نفع معي ولا شي لأني تاخرت ..يعني خليت الجراحة آخر شي

المهم ... اولا التخدير موضعي ويكون بالأبرة وبالصراحة هذا الشي المؤلم في الجراحة ... انا ما قصدي اخوفك يعني يمكن انتي ما تتالمي ...

بعدين عقموا لي العين وقلبوا لي الجفن للخارج وطبعا في هذا الوقت الرؤية ضبابية من المعقم ... بس الجراحة بالنسبة لي ما فيها أي ألم أبدا وما اخذت حتى 10 دقايق .. بعد كذا عقمت لي الممرضة عيني ونظفت الجرح وما كان فيه خياطة ابدا لان الجرح راح يلتأم بعدين وحطت لي الشاش وثبتته باللصقة الطبية ... لما فتحت الشاش علشان الوضو ء لقيت عيني متورمة اشوي لكن بعد فترة بدا يخف والحمد لله راح ...

إن شاء الله لا انتي ولا غيرك يحتاج الجراحة .... وما تشوفون شر