الموضوع: الطموح - المسؤوليه - الفشل --> فضفضه من الخآطر

السلام عليكم ورحمة الله وبركاته ..


آخبآركم فراشات ؟


من زمااااااااان ماكتبت موضوع




اعتذرر بجد لكن ظروفي ماسمحت لي =(




اليوم موضوعـي ..
بناقش فيه 3 عناصر مهمه بالحياة


انا بكتب تعبيري وانتم عبروو براحتكم فيهم

الطموح

كل شخص تعني له الكلمة شيء ..
وتأخذ الحيز الكبير من التفكير ..
اللي وصـل لـ طموحه
واللي للحين يكرس حياته وتفكيره
طموحه
واللي طموح للحين ما طلع منه
لـ اسباب كثير خوف / عدم قدره / ظروف قاهره ...
يمكن محد يحس بـ قيمه الطموح الا اللي عايش فيه
وجربـه " وحققه "
مهما كان الطموح سواء لـ طفل انه يمتلك طياره
بمحل اللعاب اللي شافها امس ..
أو بـ مراهـق بـ انه يمتلك سياره يحلم بها من دخل المتوسط
أو بنت توهـا متخرجه من ثانوي تبي تكمل دراستها ..
أو رجال متقدر يمطح بالاستقرار والزوجه الصالحه والعيال .!
كلهـا طموح .. كانت حقيقه لـ بعض واحلام لـ بعض .!
اللي اختلفت حياتهم واخذت مسـار آخر عكـس اللي يحلمون فيه ..
يمكن العيب فيهم لانهم ماقدروا يصموون على طموحهم .
يمكن الاقدار منعت هالشيء رغماً عنهم ..!
ويمكن خوفهم من المجازه ..
ويمكن لاننا مانعرف نطمح .!!

اجيب اقرب مثـال .. لو بنت مثلاً تطمح تكمل دراسها برا ..
نترك العواقب اللي راح تواجهها من رفض الاهل وووو ..
وونشوف تفكير البنت ..
كثيـر اشياء ممكن تجي فـ بالها ..
اولاً نمط حياتها هناك راح يختلف ..بُعدها عن اهلها ..
الاجتهـاد والتعب .. والجري والمشاكل والمصاعب
كله راح تواجهه وحدهـا ما عندهـا سند أو ظهر ممكن تعمتد عليه .!
برايكم هل الحلم يستاهل اللي ممكن تواجهه .؟!


* وش طموحك ..وهل حققته ولا للحين .. مع ذكـر السبب .؟!

المسؤليه

كلمـة تحمل الكثير من المعاني ..!
تخيـل انك بدون سابق انذار تتحمل مسؤليه اسره ..
مكونه من 3 اطفـال وزوجـه ..
احس مهمه صعبه خصوصاً لو كل هذا جا فجأه ..!
بدون مقدمـات .. اقتحموا حياتك ..
اكيد راح تحس بالمسؤليه تجاههم ..
شلون راح تتفاعـل مع الموقـف ..
وما معهم إلا انت وش راح تسوي .؟!
* هذي احدى جوانب المسؤليه
اتوقع اللي يحس فيها الرجل اكتر ..



" مسؤليه " هالـ كلمة تجيب لي الهم .!
ما احب احد يعطيني مهمه اتكلف فيها .!
أوقـات أحس ان تفكيري سخيف وغبي .!
ما ابي اكبـر .. ابي اظـل الصغيره ..
اللي محد يلومها على تصرفهـا ..
برغم اني كبرت على هالشيء .!
لكن ما احب احد يحملني المسؤليـه ..
احس لو مسكت مسؤليـه راح افشـل ..
وانا مااحب الفشـل ..!
فـ لذلك اختصر الوقت والتعب واجهاد نفسي بالتفكير ..
بـ اني راح افشل والا لا .!
بـ التهرب وبأ ادب من ابوي أو غيره ..
ادري تفكيري غلط .. ولو درا ابوي عنه ذبحني ..
لكـن هذا مشكلـة تواجهنـي من زمـان ..
ولو مسكت مهمه ما احب اقصـر فيها ابد ..
اخاف اقصـر أو ما اسوي المطلوب مني
لذلك تلقوني لو مسكت شيء ما اطول فيه ..
الله يبعدنـا واياكم عن المسؤليـات ..

الفشـل ..


فشـل بـ تكوين اسره مستقره .!
فشـل بـ إنشاء شركة بمعاير عاليه ..
فشـل بـ ترويض خيل
فشـل بـ الدراسه

تكررت الكلمة بشكل مؤلم ..
ممكن يكون فشـل سهل أو بسيط على افـراد ..
لكـن على صاحب الشأن يكون " مصيبـه "
حتى لو كان فشـل دنيوي بسيط يأثـر بشكل طفيف ..
بالعاده الانسان يكبر ويعظم بـ مصيبته ..
الفشـل كلمة محد يحبهـا ولا يتمنهـا بـ نفسـه ..
أوقات نلقـى اننا فشلنـا بشيء لكن نكمل ..
مانبي نرضـى بالواقـع ..
وممكن لاننا مانبي نستسلم له نحاول نكملـه
يمكن يتصلـح ..
والناتج يعتمد على مدى الشغـل اللي اشتغلـه ..
ومدى ذكائك ..
الذكـي اللي يستفيد من الفشـل .. يقويـه الفشـل ..
مب يضعف ويترك اللي بدأ فيـه ..

بذمتكم ماتعور القلب هالكلمة ..
ما انكر أنـي فشلـت بـ اشياء كثيره بحياتي
واولها دراستي ..
ماادري وش السبب " اهمال / غباء "
يمكن لانها مرتبطه بـ امور كثيره لازم اتخلى
عنهـا واولهم اهلي .!
الخوف من الفشل بعد هناك .!
اخاف اجازف وما انجح ..
بس اتوقـع حتى لو فشلت اهون من اني احط
يدي على خدي واحتري كل شيء يجني ..
ليه طيب ما اتحرك .!

وهذا كل شيء ..
بـ انتظاركـم ..

طررررررررررررررح جدا رائع
متمرررة
بالنسبة لي هالموضووع مهم

برايكم هل الحلم يستاهل اللي ممكن تواجهه .؟!
* وش طموحك ..وهل حققته ولا للحين .. مع ذكـر السبب .؟!

امممم واقعي حاليا امربهالشئ لاني جدا مترددة
من ناحية اكمل خارجي او داخلي والحلم يستاهل انا نواجهه << تأكدي مافي شئ سهل توصلي له.۔
مورافضين الفكرة بس اني اتأقلم مع جو جديد وغير كذا الدراسة وصعوبتها.۔
بس احاوووول افكر بجدية اكثر وان شاء الله اقدر اتخطاها
وبالعكس الطموح شئ حلووو ونهايتها مشرقة دائما مهما كانت صعوباتها محرقه...

اما المسئووولية
ولله الحمد واثقة من هالنقطة
بحكم مكانتي بين اهلي فهم اجبرووني عالمسئوولية
ممكن تحسي نفسك كبيرة وتصرفاتك الطفوولية تختفي لكن لو فكرنا بالعقل
مصيرك تتحمليها بأتفه الامووور
بس تقدري توازني بينهم وتتخطيها...۔

اممممم الفشل
هذا على قوولهم شبح اي فكرة حلووة ببالك وبعد تخطيطها وترتيبها
نختمها ممكن انجح او افشل فيها << شئ مو اكيييد
برضووا هالنقطة لها علاقة بالطموح بالنسبة لي ابي..۔ وابي..۔ وابي..۔
لكن بالنهاية فيه صدا بداخلي يحطمني << ممكن تفشلي ومو قدها
من جد اعاااااااني منها بس عندي امل كبير ان ربي مايخيب طااااالب العلم يكفي يكوون
معه
نصيحتي لك ياحلوة لاتخلي الفشل يغلب على طموحاتك من اول مرة
اديسوون مخترع الكهرباء فشل كم مـــــــرة
لكن بالنهاية نجح بالكهرباء اللي تضووي عليك الدنيا كلها.۔

اتمنى نكووووون طمووحين لحد الخياااااااال
لانه فعلا شئ راائع..۔
عذرا عالاطاالة قلبوووووا
يسلمووا
عواااااااااافــــي

وعليكم السلام ورحمة الله وبركاته
يعطيك العافيه وسلمت يدك

اما بالنسبه للطموح
اكيد مافي شخص ماطمح لشي
لكن هل فعل بالاسباب اللي توصله لطموحه هذا اهم شي ......
انا طموووحي اكمل دراستي موشرط اكمل بالخارج ...
..بس اهم شي مااوقف عن الدراسه
وبما اني باول جامعه فلازم اجتهد علشان ىاقدر اكمل...

اما المسوؤليه
صعبه ومو اي شخص يتحملها
انا عندي قدره اتحمل مسؤوليه ودامي في بيت اهلي بتدلع خخخخ

اما الفشل
مافي شخص نجح ،كمل دراسه ،حقق طموحه..الخ
مافشل في يوووم لكن هي تعمتد على الانسان
حسب عزيمته وتفكيره


شيلي فكرة انك فاشله من راسك

بالنسبه لطموح
النفس طماعه كل شي تريده
الطموح هو امتلااك القوه فالكل منا يرد طموحه
والله يحقق لنا طموحاتنا
طموحي اني اكمل دراستي
والله ياساعدني

المسؤوليه
انا فاشله فيهابقوووووه
والله يقدرني على المسؤوليه
لاني بصراحه اخاف اتحمل مسؤلية شي لانها بنظري شي صعب مره
مو الكل يقدر يتحملهاا

الفشل

الفشل هو الاستمرار لكي اتعلم من اخطائي ولكن مره اني اخرج منه بشي يقويني
<<<<<<<مقوله الوالد الله يطول بعمره
دايم يقولها لي

الله يعطيك العافيه ع الموضوع

السلام عليكم..
في البدايه احب اقولك يا اختي ان مواضيعك مرررررره خطيره ومميزه وحازت اعجابي لابعد الحدود وطلعتني من جو بعض المواضيع السخيفه المتكرره في منتدانا الحبيب..ونا اقرا كلامك حسيت فينا من بعض..^_^
بسم الله..

الطموح:
من الاشياء المهمه جدا والضروريه للحياة في نظري..
كل انسان مهما يكن لابد ان عنده طموح ..
ربما في ناس تخلو عن طموحاتهم لان الدنيا منعتهم من تحقيقها او هم
ما اجتهدوا..
في نظري الطموح غير التمني لان الطموح يحاول ان يحقق حلمه سواء
نجح او فشل..وغالبا يكرر المحاوله طالما الطريق ما انسدت..
انا نفسي انسانه طموحه جدا لدرجة مو كل خططي متفقه مع بعض..
انا ماشيه ع الطريق عموما وان شاء الله احقق اغلب امنياتي ان ما انعم
الله علي بتحقيقها كلها..
الله يوفقنا واياكم..

المسؤوليه:
كلمه كبيره جدا جدا وللأسف احسها كبيره علي.
نادرا مانجد الشخص اللي متحمل مسؤوليته بجد وبدون اخطاء
وتقصير..
لكننا نحاول عموما,ومن لم يتحمل اي مسؤوليه في حياته _مسؤولية نفسه ع الاقل_
فهو انسان عديم الفائده..
لست مستعدة حاليا لتحمل مسؤولية شيء غير دراستي وامور اخرى بسيطه.
اما غيرها فاسأل الله ان يمنحني القدره عليها..
واتمنى من كل وحده انها ماتتحمل مسؤوليه اكبر منها..لانها هي الخسرانه..
ورحم الله امرىء عرف قدر نفسه..

الفشل:الفشل لابد من وجوده في الحياة..وهو الطريق الى النجاح..
الفشل افضل تجربه وعبره لك او لغيرك..
وهو ليس نهاية الحياة طبعا..بل هو بداية الطريق الى النجاح..
وسبيل للتغيير..

هذا اللي عندي ياحبيبتي..وتقبلي مروري..
اختك/ابرار..

مشكورين ع المرور

والتفآعل ..

طموح و مسؤوليــة وفشل !!
كلــها تجتمع في ماأعيشه الأن (دراستـــي )
طمـــوح بأن اتمكن ان استوعب ما أدرسه و اتخرج
واتمكن من بناء مستقبلي والحصول على مهنـة
استطيع بها مساعدة الآخرين في مقابل أن هذهـ المهنة بها مسؤوليــه كبيرة جدا
لهذا خوفي كبير من ان افشل في عدم تمكني من تحمل المسؤولية وايضـا في التخرج والنجــاح !!!

لكن ماعندي مانع اتحمل مسؤولية بيت و زوج واطفال
<<<<الدراسة ماسوت فيها خير
ع العموم شئ جميل ان يكون لدينا طموح وحلم والاجمل ان نسعى لتحقيقـــه
موضوع جميل تسلمي

شكرا لمرورك يالغلا ..

الطموح ..اشعر انه لاينتهي مهما حصلت على امنيات


المسؤؤليه اخافها جداااا


الفشل احبه واككره في نفس الوقت

نورتي يالغلا ..