الموضوع: ㄨ Sweet Homes ㄨ ... لكل استفساراتكم حول التصميم الداخلي و الديكور

حبيبتي عدلت على صورة صديقتي وشكرا

عندي طلب تاني بس هالمرة لي أنا
أول أستشرتك في غرفة المعيشة و إستشارتك لي كانت روعة
بس للأسف الأمور ما مشيت معي لما جينا نشتري الكنب ما لقينا إلي أول كنت أبغاه فأخترنا شي تاني
والمشكلة طلعت في المقاسات ما أخذناها كويس
والكنب صار كبير على الغرفة و اليوم أنا وزوجي قاعدين طول الوقت نحسب ونقيس
ونتصل على صاحب المحل
الله يستر
إستحمليني قاعده أفضفض خخخخخ
المهم السؤال هو هل اللكنب الجديد يناسب الألوان إلي قلتيلي عليها
الكنب لونه بني عادي مع وسائد لونها تفاحي وكموني وأورنج والأطراف خشب بني غامق
هل هذا يناسب البويه التفاحي والستارة الرمادي مع السجادة الرمادي
وهل هذا بيخلي الغرفة عصرية ومرحة ومريحة في نفس الوقت
الله يصبرك علي يا العقل الجميل
والله أحس تعبتك معي
ما أقول إلا الله يجزاك عني خير الجزاء في الدنيا والأخرة

مرحبا عزيزتي العقل الجميل
رجعت لك بكم استفسار بعد ماغبت فتره شقتنا قربت تخلص وراح نبداء قريب في التشطيب
انتي صممتي لي الصاله م قبل وهذا هو التصميم




وشرتي علي اني اعمل المطبخ احمر وان شاء الله راح نفصله خلال هالكم أسبوع بس محتاره في الرخامه كيف يكون لونها بين الابيض والاسود والا رمادي
وكيف نختار لون السيراميك ممكن يجي معاه ابيض ساده والا حلو المشجر

وبالنسبه للطاولات اللي انتي راسمها في التصميم اختارها رمادي والا ؟


وعندي شيء ثاني اسئلك عنه عندي مكان موجود وراء الحمام وكأنه حمام ثاني ومحتاره وشو اعمل فيه زي كذا يعني والحمام هو حق غرفه النوم الرئيسيه





فكرت انه يكون في الاساسي وانتو بكرامه المراحيض والمغسله والثاني يكون فيه البانيو وخزانه احط فيه فوط والشامبوهات ومن هالشغلات في رايك يطلع حلو والا عندك افكار ثانيه

وثالث شي ماعليه استحمليني طولتها عليك
بغيت تعطيني اقتراحات للون البويه حقت المجلس وهو واحد يعني مختلط حق الحريم والرجال

وبس
اسمحي لي مره ثانيه

المشاركة الأصلية كتبت بواسطة العقل الجميل

هلا بك غلاي
و الله أنصحك تعملي الغرفة ريفية (( country ))
كثير هالديزاين روعه في الغرف الصغيرة
شوفي التوزيع معاي




بالنسبة للأثاث أنصحك تشترية من أيكيا
و اللون ممكن أبيض أو خشبي فاتح

ورق الجدران حلو الفاتح و ممكن تختاري بنك فاتح جدا أو ليموني فاتح

بالنسبة لطاولة المستطيلة
أقصد كذا




لاحظي الصورة اللي فوق حلو الستائر تعملينها مورده

إن شاء الله أفدتك



(( لا إله إلا أنت سبحانك إني كنت من الظالمين ))

الله يعطيك العافيه يالغاليه بس معليش نسيت اقولك ((السرير مزدوج)) ((غرفة متقوزين)) وكمان حبيت اسألك كيف اثاث ايكيا يعني هل خشبه يدوم لأني دااااااااااااايم اسمع ان خشبهم مش عملي البته ولا يتحمل وشكرا لك.........

والف الف الف شكر لك على ماتبذلينه من جهود رائعه والله يجعلها بميزان حسناتك ويكثر من امثالك اللي يحبون الخير بدون مقابل

المشاركة الأصلية كتبت بواسطة اضاءات متألقة

السلام عليكم

يعطيكم العافية..

مطبخي العلوي عرضه 3 متر وطوله 4,5

ابحث عن تصاميم تناسبه علما ان الفتحة من الامام بزاوية على صالة المعيشة ارغب بتصاميم لديكور فتحات مودرن ..

هناك مكان للشفاط ولمكيف اسبليت 12 وحدة وشباك صغير جدا ربع متر في ربع متر..كلها بنفس الجدار بينهم نصف متر برايكم كيف يكون توزيع البوتجاز (صغير نص متر تقريبا ) والثلاجة والبرادة ...وماقتراحكم للون المناسب العام..لاني على اساسه ساختار اثاث الصالة وبالنسبة للسيراميك والقيشاني مالاحدث حاليا..ممكن يكون دهان افضل ؟؟؟

استفساري الاهم ابغى المطبخ العلوي هو الاساسي برايكم اترك السفلي زي ماهو للضيوف واترك الفريزر ..(او احوله كاونتر خدمة وادخل طاولة الطعام اللي في الصالة بنفس المطبخ <<على اساس غرفة طعام لان مساحته ماشاء الله كبيرة)
لاني ناوية اركب مطبخ جديد فوق وعندي بوتجاز وثلاجة متوسطة الحجم فوق..

اذا هناك صور لمطابخ صغيرة مشابهه فاكون شاكرة لكم

وماريكم بهذا التصميم ممكن استفيد منها مع مساحتي اولا ..







يارب اكوون وضحت فكرتي ..وكل الشكر لكم.....

هلا بك غلاي
بالنسبة لتوزيع القطع في المطبخ راح أعطيك نصيحة
الفرن أحلى مكان له ... في الزاوية .. أو في الجزيرة بالوسط
و الثلاجة و البرادة تكون جانبية يعني اللي يكون مواجه لفتحة المطبخ ما يشوفهم

بالنسبة للألوان
طالما إلى الآن ما اخترت الصالة فأنصحك تختاري لون محايد للخزاين
يعني : أبيض .. بيج .. خشبي فاتح .. رمادي محروق .. إلخ
حاليا الدارج الستايل الإيطالي في المطابخ ... و هو مودرن
و يكون فيه دمج بين كذا لون و تدخيل لزجاج المثلج و الإستيل

الصورة اللي فوق روعه المطبخ الخشبي الفاتح

و لون البرسلان بين الخزاين العلوية و السفلية أسود ... و الأرضية أسود

و إكسسوارات المطبخ تفاحي ....

و بالنسبة للجدران :
أفضل تصبغين الجدران بلون أوف وايت و النوع اللي يتحمل المسح و التنظيف
بس على الجدار اللي بين الخزاين العلوية و السفلية ممكن تركبي بلاط يكون مميز و فخم
و ممكن تحطي الموزاييك ... يعني البلاطات الصغيرة مره

و بالنسبة للمطبخ اللي تحت
طالما إنه كبير .. إقسمية
و خلية مطبخ خدمة ... كدلع يعني
و الجزء الداخلي ممكن تستغلية كمستودع ... أو مخزن .

إن شاء الله أفدتك

المشاركة الأصلية كتبت بواسطة دم حبيبي يرويني

سلام ياقلبي انا عندي مشكله المطبخ رفعلي ضغطي

ونفسي اغير من شكله اشوي

وكنت ابغى اصبغ بس الكميه ماتسمح وفكرت احط ورق الجدارن أش رايك بس من فوق

هلا عيوني
إنت قصدك إنه جدار المطبخ مقسوم ... يعني لون من فوق و لون من تحت و بينهم حزام
مو فاهمة غلاي يا ليت توضحين لي أكثر

المشاركة الأصلية كتبت بواسطة *جوانا*

حبيبتي عدلت على صورة صديقتي وشكرا

هلا بك غلاي
هذا التوزيع إن شاء الله يعجبك




بالنسبة للجدار اللي كتبت علية ... ممكن تلبس الجدار سيراميك مغربي
أو حجر ... كذا




شوفي كراسي البف المغربية




و ممكن تزين الجدران بالفوانيس المعلقة




بالنسبة للمكان أمام التلفزيون
ممكن تحطي صوفا سادة عليها خداديات مطرزة
و بكذا يحصل دمج




إن شاء الله أفدتك

العقل الجميل ...

عن جد افدتيني بذوووقك الراائع وأفكارك الجميلة ...

المشاركة الأصلية كتبت بواسطة *جوانا*

عندي طلب تاني بس هالمرة لي أنا
أول أستشرتك في غرفة المعيشة و إستشارتك لي كانت روعة
بس للأسف الأمور ما مشيت معي لما جينا نشتري الكنب ما لقينا إلي أول كنت أبغاه فأخترنا شي تاني
والمشكلة طلعت في المقاسات ما أخذناها كويس
والكنب صار كبير على الغرفة و اليوم أنا وزوجي قاعدين طول الوقت نحسب ونقيس
ونتصل على صاحب المحل
الله يستر
إستحمليني قاعده أفضفض خخخخخ
المهم السؤال هو هل اللكنب الجديد يناسب الألوان إلي قلتيلي عليها
الكنب لونه بني عادي مع وسائد لونها تفاحي وكموني وأورنج والأطراف خشب بني غامق
هل هذا يناسب البويه التفاحي والستارة الرمادي مع السجادة الرمادي
وهل هذا بيخلي الغرفة عصرية ومرحة ومريحة في نفس الوقت
الله يصبرك علي يا العقل الجميل
والله أحس تعبتك معي
ما أقول إلا الله يجزاك عني خير الجزاء في الدنيا والأخرة

هلا عيوني
إن شاء الله يمشي الحال و يتعاون معاكم صاحب المحل
.
.
بالنسبة للغرفة حلو اللون التفاحي الفاتح ... راح يمشي مع الكنب
بس الستارة و السجادة ... الرمادي ما راح يمشي
خصوصا إنه المكان سارت ألوانه كثيرة

حلو لو تختاري الستارة و السجادة بني

إن شاء الله أفدتك