الموضوع: دواليب في الجدار !!

السلام عليكم ورحمة الله وبركاته

هذي اول اطلاله لي عليكم ..
بعدي نيو بتر فلاي

قسم الديكور هنا عجبني مررررررررررة .. مميز في كل حاجه ..
وهذا الشي خلاني اثق فيكم .. واحاول استشيركم في بعض الامور اللي محيرتني ..

لاني قاعدة ابني فلة جديدة وحابه ادرس كل حاجه واستفيد من كل زاوية بالبيت بشي مفيد ..

حد منكم سمع عن الخزانات اللي بالجدار ؟؟!!!!!!!!!!!!!!!!


ياليت اللي سمعت عنها تجاوبني ..

ايش رايك فيها .. وهل هي عمليه ..
تنصحين فيها ولا لأ ؟؟

كمان ابي صور لهذي الخزانات من الخشب ..

واللي عامله في بيتها مثل هالخزانات الخشب ..
ياليت تدليني على محلات في الدمام او الخبر تعمل مثل هالخزانات بأسعار حلوة وشغل مرتب ونظيف ..

والشكر لكل من تتجاوب معاي وتفيدني بأي معلومة ولو كانت صغنووونة ..

تشكررراااات

اهلا عزيزتي همس القوافي ومرحبا بك فراشه جديدة بيننا في بستان الفراش


طبعا الخزانات المطلوبه جدا عمليه ولكن لم تحددين اين تريدين وضعها بالضبط لكي استطيع مساعدتك

انتظرك ردكـ

تحيااتي...

بصراحه الخزانات الي تكون داخل الجدار

عمليه جدا وتعطي مساحه اكبر للغرفه انصحك فيها

وان شاءالله الفراشات الباقين يفيدونك اكثر


بالتوفيق وان شاءالله بيت الهنا

فكرة حلوة وعملية واذا وصلك صور لا تنسينا منكم نستفيد

مرحباً بكم جميعاً ..
ومشكووووريين جداً جداً على الردود ..
ماخيبتوني ..

نساء صغيرات
مشكورة حبيبتي وياهلا فيك
بالنسبة للاماكن اللي بحطها فيها ..
مثل ماقلت لكم من قبل حابه استغل استغل كل مساحه في البيت بشيء مفيد
عندي غرف الاطفال ابي احط فيها مثل هالخزانات
وعندي كمان صالون فيه دخله بالجدار حابه استغل الدخله بعمل خزانه فيها
غرفة ملابسي كمان حابه احط فيها مثل هالخزانات ..
اتمنى انك تزوديني بصور وافكار اذا عندك .. ومشكورة مقدماً ..


فراشة
تسلمين ياعمري .. والله يوفقك في دراستك ..

ام الزهراء1
هلا فيك وان شاء الله ما بننساك

اهلين حبيبتي ...

في محلات كثيره بالخبر في الخزائن المبتكره مره حلووووو
وفيه محلات الي على طريق الخبر تودين لها صور ويسون لك نفسه

السلام عليكم ورحمة الله وبركاته
الله يعطيكم العافية اختي

سالتلك امي اليوم تقول في محلات ثيره بالخبر شغلها حلو

تقول هي سوت عند المطابخ الامريكيه تقول شغلهم مرتب وحلو وفيه الجعيب للمطابخ تقول

راحت له شغله حلو وتقولي اذا كان بالجدار الدولاب وبتسويه قبل ماتشتري الغرف تسويه

ناعم وتحط مرايات على طوله الدولاب يطلع حلو وانشالله اكون افدتك

أحسن شي لغرف النوم هي الدواليب اللي بالحائط .. تعطي مساحه للغرفه وشكله وايد حلو
من جذي كل الفنادق الكبار تستخدمها. هذي بعض الصور اللي قدرت احصلها لك











هذي بعض الصور .. صراحه في صور أكثر من جذي لكن هذي افضلها .. أتمنى الصور تظهر كامله


ومبروك مقدما البيت الجديد


.







.

اهلا عزيزتي همس وعذرا على التأخير

والشكر هنا ايضا موصل للأخت رهام على جهودها في إحضار صور

اليك عزيزتي بعض النماذج للخزانات الجداريه وياحبذا تكون في المطبخ افضل ليعم الترتيب لان كما تعلمين ان المطبخ اهم عنصر بالبيت وترتيبه مهمو ربما لا تعادل أهمية التخزين في أي ركن من المنزل أهميةً في المطبخ ، حيث إنه يستخدم باستمرار، الأمر الذي يضاعف من أهمية عمل تصميم جيد لأمكن التخزين داخل المطبخ ،
وهذة بعض الصور




ايضا كما في هذة الصور يمكنك استخدامها اسفل ادارج المغاسل لوضع الفوط



وهذة اشكال لأرفف منفصله




الأرفف المنزلقة في الزوايا بحيث تثبت على هيئة نصف دائرة
على باب الخزانه





وهذة بعض اشكال للخزانات لحفظ المناشف والادوات الصغيرة





اتمنى لك الإفادة واي سؤال انا بالخدمة..

تحيــاتي....