الموضوع: غرف النوم بالرياض..!

السلام عليكم ..

كيف حالكم ياصبايا المملكة الحلواااااااااااااااااااااااااااات ..

عزيزاتي محتاجة منكم تدلوني على محلات حلوة بالرياض تبيع غرف نوم (كنج للمتزوجين ) بس تكون حلوة و سعرها معقول .. , رخيص مو غالي ..
بليز ابيها تكون مميزة ..

واذا بتذكروا كل واحدة اشترت غرف نومها من فين وبكم ..يكون احلى واحلى ..

انا رحت بشتري من كيكـــــــــــا بس الاسعار غالية جدا ..!!

شكرا يابنات مقدما ..
ربي لايحرمنا من هالمنتدى كلنا ..


ويرزق كل من ترد علـي اللي في بالها ويحقق امنياتها يارب ..

للرررررررررررررررررررررررررفع

تسلمي ياقلبي مملكه ماقصرتي ..

هلا عزيزتي
انا عروس واشتريت غرفتي من القفاري مرررررررررررررره حلوه
حوالي 11 الف بس الكل انهبل عليها ولونها بيج مو عودي لاني مااحب الالوان الغامقه
طريق الملك عبدالله كله اثاث وغرف نوم وانا اشتريت غرفتي في رمضان وكانت محلات الاثاث مسويه تخفيض يجنن على غرف النوم
ومعرض ادفن رووووعه ,ومعرض النافع وكمان سيتي سنتر روووووووووووعه
وشوفي مواضيعي تلاقي صورة الغرفه لاني كنت محتاره بلون البويه
والله يوفقك

شوفي اخيتي . فيه محلات تبيع غرف النوم والمفروشات بالمستودعات ومحلات الجمله الموجودة بمخرج 17 غرب . عندهم غرف حلوه ورخيصة انا اخذت منهم غرفة نوم من اربع سنوات وللحين زي ماهي جديده وماخرب منها شي وسعرها ماوصل الفين وخمسمئة ريال دولابها كبير ست ابواب تحت وفوق ست ابواب صغيرة وواسع .
وفيه بعد محلات في حراج ابن قاسم تبيع الغرف الجديدة والاثاث والمكتبات باسعار حلوه مره .

عشق الارض ...
يابعد عمري من جد ماقصرتي ..

وربي يهنيك في غرفتك ...
بس انا ابي ارخص من كذا

عشق الارض ...
يابعد عمري من جد ماقصرتي ..

وربي يهنيك في غرفتك ...
بس انا ابي ارخص من كذا

اشدعوا ماهقيتها منك ياتعبانه حيل والله انا منصحه معك اقل شي قلتي شكرا

لاني كنت متحمسه حيل واقول ياعمري اكيد بتسالني عن العنوان لاتواخذيني وحده اول مره تطيح بالكمبيويرواتحرا اي شي

هلا وغلا بـ "موناي رضى مولاي" ..:
اشدعوة ياقمر لا تعتبي علي .. بس انا كتبت الرد واضطريت اطلع من النت عشان زوجي رجع ..
لاتزعلي ياقمرررر

بس مادليت بالضبط وين المستودعات مخرج 17 ؟؟؟؟بصراحة ما ادل!!!!

الله يهنيكي بغرفتك بس خلاص بدليها ... طفش !!!
انا سنة وطفشت من غرفتي

لالا بس عشان غرفتي كانت على قدنا بداية الزواج والحين نبي نبدلها ..|
>>> لاتصدقي ان انا واحدة كااااش


حراج ابن قاسم قالوا لي انه حلو ...بس اخاف اشتريه وهو مستخدم!!!
مدري


بس من جد مرة مرة تسلمي ياقمررر

ماقصرتي يالغلا.. ربي يسعدك ويهنيك مع زوجك ...