0الاعجابات
صور شليلة عيد زواج اختي وترتيباتها ادخلو واحكمو (بالصور)
مرحبا ياعروسات
كيفكم ياحلوات ان شاء الله بخير؟!!
ندخل في الموضوع
في ليلة عيد زواج اختي رحت شقتها ورتبت لها وزينتها بشي هادي ورومنسي
وطبعا الاخت كانت يومها قاضيته عند الكوفيره
فكان الشغل علي انا واختي
طبعا التجهيزات كنا مجهزينها لها بوووقت لانها حوووسه
اول شي بوريكم ياه هو غرفة النووم
الي سويته فيها اني اخذت ورق ملون لونه احمر وقصيته على شكل قــــــلب وحطيت بداخل القلب صورها وصور زوجها
<< الاخت كانت خايفه على صورها
ولصقنا القلوب بكل زوايا الغرفه
وبغيت القلوب الحمرا الصغيره تزين السرير فشترينا مخدات على شكل قلب وحطيتهم على السرير
وزينته بالورد المجفف والريش
وطبعا ماتخلى السهره من البالوناااات
وكذا صار شكل الغرفه
مشاء الله تبارك الله
نجي للغرفه الثانيه الي هي كانت غرفة العشاء
بغيتها تكون على شاطي البحر بس للاسف ماضبظت معاي مره كنت حاطتها فبالي احلى من كذا بس الجايات احسن بأذن الله
اخذت كرتون ورسمت فيه شكل غيمه وقصيته وبعدين اخذت القطن ولصقته بالكرتون الي على شكل غيمه وجبت الرش الازرق ورشيت على الغيمه بشكل بسيط
وصار عندي مجموع الغيوم تقريبا 17 وحده ولصقتهم بالغرفه
وكذا كان شكلها
وانا كنت حاطه ببالي اني الصق نجوم بالسقف بس للاسف ماقدرت اوصل للسقف والسلم كان مررره كبير والوقت ماسمح لنا
فلصقتهم عند مدخل التوالت (اكرمكم الله)
وجبت اصداف ووزعتها في الارض
اما الصاله حبيتها تكون شي هادي ورومنسي
وزعت كاسات الشموع في الارض وحطيت لعبه من الالعاب الزوجيه على الطاوله وشغلت الشموع وبس
بس طبعا كل شي وقت الحفله اكيد بيكون مختلف
طبعا ماكنت معاهم عشان اقولك كل شي بالتفصيل
بس الي جهزته وماصورته العشاء والقاتوو
وطبعا هي ليلة رومنسيه اكيد بتكون الاضواء صفرا بس التصوير مع الاضاءه البيضاء اوضح
فتخيلوها انتو اضأتها صفرا
وبغرفة النوم اتفقنا ان الانوار تكون مطفيه واختي تروح قبل زوجها وتشغل العصي المضيئه وتفاجأه
فكان الجوووو يفوووق الوصف
الشموع ماصورتهم وهم مشغلين ووووو امممم باختصار الليه كانت بالطبيعه اكيد احلى
بس حبيت اوريكم بعض الشغلات
وان شاء الله المتزوجات يستفيدو من هالليله
والي ابيكم تعرفوووه انه مافيه احسن من الابتكار وشغل اليد
طبعا هالافكار كلها جبتها من راسي وماشفت للحين احد سوا مثلها
وهالاغراض ماكلفتنا الشي الفلاني
يعني ورق ملون قطن رش..الخ اشياء بسيطه جدا وانتي بافكارك تقدرين تبدعين وتوفرين المصاريف عليك وعلى زوجك
وربي يسعدكم يــآرب وتكون ايامكم ولياليكم من احلى لياليالحب والدلع والرومنسيه
ادعووووو لاختي ربي يقومها بالسلامه ويرزقها ولد صالح معافى تقر به اعينا
