موضوع ممتع أعاد أجمل الذكريات..الجميله

وراح أقولكم على موقف لي وأنا بمرحلة التخرج الفصل الدراسي الأول..وموقفي شوي غريب..

كان إختبار أفضل ماده عندي وهي علم نفس دخلت الحوش ولقيت بعض البنات متأزمين
ويراجعون بدون نفس ومعاهم قلق فضيع المهم قبل الوقت يبدأ بربع ساعه وأنا واقفه تحت شباك غرفة

معلمة نفس الماده قلت لصاحباتي شوفو يابنات أنا متوقعه بعض الأسئله تجي فأخذت أذكرها لهم بصوت عالي

أبغى البنات يسمعون محد أعطاني وجه إلا بنتين فقط والباقين منهمكين في المراجعه خايفين الربع الساعه تروح

المهم ماهمني أحد والبنت مسويه أمينه وأرفع في صوتي وصلت للسؤال الرابع يعني خمنت أربع أسئله
إلا هالصوت خلاص وش بقى من االورقه لاأسمع لك صوت قلتي كل الأسئله مابقى شي في ورقة الإمتحان

وأرفع عيوني إلا هي معلمة الماده مع الشباك..تكلمني وتضحك

وتقول والله لوأحد سمعك غيري وعرف بتطابق الأسئله راح أروح أنا ونتي فيها
تعالي أدخلك الساحه الداخليه حتى يبدأ الوقت ..

ولاعيون البنات مبققه فيني وركض ناحيتي ويقلون عيدي ماسمعنا الله يخليك..
فقالتلي عيدي لهم إلي قلتيه وبصوت واطي سامعه ولا لا..

وبعد الإمتحان خرجو البنات مبسوطين ويدعون لي..لأن فعلاً نفس الأسئله لكن السؤال الأخير ماخمنته..

وأنا خارجه من القاعه تقابلني المعلمه وتقولي كيف الأسئله ياأبله..

أمــيـ العطا ــرة

__________________

البحث عن مواضيع لنفس العضو