الموضوع: اعلان عن وظيفة في مدرسة في المدينة اهلية نصيحة لا تروحوها

يا فراشات ترى في وظايف في مدارس الملك عبد العزيز النموذجية بالمدينة المنورة بالهبل المعلمات ما يقعدون فيها من كثر منها سيئة أسوأ مدرسة في المدينة من ناحية التعامل ومن ناحية الطالبات مافي احد يدخل بنتو اللي يقول بنتي اتغيرت بنتي ما ادري صارت قوية وتعليمها سيىء جدا ولا يعطون الرواتب كل شهر ممكن كم شهر ما يعطوكي انا كنت فيها طالبة وقريبتي تتدرس فيها جدا جدا سيئة والتعامل جدا جدا سيى ممكن المديرة تتلفظ بالفاظ رديئة وطلع عنك كلام مو زين فنصيحة مني لا تتدخلوها ولاتدخلو بناتكم في مدارس ثانية كثيرة احسن منها واللي يبي الاجر يرسل هدي المعلمومة وخاصة مين يهمو امر الوظائف واتمنى اسمع الردود وخاصة من فراشات المدينة
مع تمنيات للجميع التوفيق ولا تنسو الردود

حسبي الله ونعم الوكيل

بيعين الله

المشاركة الأصلية كتبت بواسطة بنوته مغروره 11

يا فراشات ترى في وظايف في مدارس الملك عبد العزيز النموذجية بالمدينة المنورة بالهبل المعلمات ما يقعدون فيها من كثر منها سيئة أسوأ مدرسة في المدينة من ناحية التعامل ومن ناحية الطالبات مافي احد يدخل بنتو اللي يقول بنتي اتغيرت بنتي ما ادري صارت قوية وتعليمها سيىء جدا ولا يعطون الرواتب كل شهر ممكن كم شهر ما يعطوكي انا كنت فيها طالبة وقريبتي تتدرس فيها جدا جدا سيئة والتعامل جدا جدا سيى ممكن المديرة تتلفظ بالفاظ رديئة وطلع عنك كلام مو زين فنصيحة مني لا تتدخلوها ولاتدخلو بناتكم في مدارس ثانية كثيرة احسن منها واللي يبي الاجر يرسل هدي المعلمومة وخاصة مين يهمو امر الوظائف واتمنى اسمع الردود وخاصة من فراشات المدينة
مع تمنيات للجميع التوفيق ولا تنسو الردود

يعطيك العافية حبيبتي

كل كلامك صح بس التعليم مو كلو سيء يعني تقدري تقولي نصه سيء من ناحية بعض المعلمات ما في إخلاص في العمل


مبين من كلامك مرة حاقدة على المدرسة واللي فيها

الله يعين يعني مانتوظف فيها والله الواحد صار يدور الوظيفة بعدسة مكبرة
ومايلاقي بس هم ليش كذا تعاملهم يعني كلهم سعوديات والا أجنبيات وبعدين ليش ماتقدمون شكوى عشان يشليون المديرة ويجيبون لهم وحدة عدلة تعدل المدرسة ويكون تعاملها راقي والله في مدارس خاصة حلوة وتعاملها حلو بس اصابعك مو زي بعض...

السلام عليكم ورحمة الله وبركاته
أنا سجلت في المنتدى خصوصي عشان ارد على كلامك يا بنوته مغرورة ومعليش اسمحيلي ارد على كلامك انا موظفة في نفس المدرسة الملك عبد العزيز النموذجية من ناحية تغير الطالبات بحكم وظيفتي عمر ما جاتني ام طالبة واشتكت تقول ان بنتها اتغيرت بالعكس كل الاهالي بيقولو ان بناتهم صارو يحبو يجو المدرسة ومن ناحية التعليم فالتعليم جدا رائع وراقي واساليب المعلمات جدا رائعة مع الطالبات والمديرة الكل يسميها الصدر الحنون اما بالنسبة للرواتب فهي عمرها ما اتأخرت كل اخر شهر بنستلم رواتبنا ولا عمرو صدف على قد دوامي في المدرسة ان الرواتب اتأجلت شهر او شهرين وصحيح الشغل فيها كثير بس تابع لإنتاج المدرسة عشان نثبت فيها جدارتنا والحمد الله على كل حال

جزاك الله خيرا

الله ينور بصيرتك يابنوتة إن كنتي صادقة
أصلا انا كنت محتارة اسجل بنتي ولا لأ؟؟ لكن ألحين إقتنعت بعدم تسجيلها وخاصة من ناحية أسلوب المديرة والطالبات اللي أكيد راح تتأثر فيهم ؟؟؟ شي طبيعي؟؟


وبعدين إذا كان رب الأسرة بالدف ضارررررررررررباً ...............أكملواااا


تتوقعون من باقي اسرة المدرسة ..........؟؟؟؟ المدرسة أهم مافيا مديرتها والله إذا صلحت تقدر تصلح المدرسة كلها برقة أسلوبها وتعاملها وإذا فسدت كان العكس؟؟؟


وبعدين ايش ردك على ذا الموضوع يانور عيني هذا الموضوع ثاني موضوع اقرئه بس كتبت بحث عن اسم المدرسة وطلع الموضوع
مااأتوقع صاحبة الموضوع تكذب لأنها مالها صلاح تكذب؟؟

http://almadina-almunawarah.com/vb/showthread.php?t=794

السلام عليكم ورحمة الله وبركاته
انا سجلت كمان مخصوص علشان ارد عليكي اختي بالله لاتتكلمي عن شي انتي مانك متاكده منو ميه بالميه انا موظفه بمدارس الملك عبدالعزيز ليا خمس سنوات ولا عمرو اتاخر الراتب علينا هاذا اول شي ان المدرسه ابدا ماتاخر الرواتب وكل شهر بشهرو بنستلمو والان كمان فتحو لجميع معلمات المدرسه حساب بالبنك السعودي الفرنسي علشان كل وحده ينزل راتبها على حسابها بالبنك يعني هاذي ميزه لصالحنا احنا المعلمات ثانيا ياقلبي المعلمات الي بيجو ويخرجو مايكملو فيها نظرا لاانهم مايستوعبو نظام المدرسه الي هوا بيعتمد على النظام الامريكي كل بين حصه وحصه بتخرج الطالبه بتروح للدولاب حقها وتبدل الكتاب بعدين بتروح للوحده الي عليها سواء اجتماعيات او وحدة الدين او وحدة الانجليزي او وحدة الحاسب يعني بيعتمد نظام المدرسه على الوحدات والاركان ثالثا ان المديره حقت المدرسه ابدا مابتتلفظ على المعلمات بااسلوب همجي والي قالك كدا كداب المديره تقدري تقولي ماعندها الخبره الكافيه للاداره واخيرا مافي مكان مافيه مشاكل كل مدرسه ولها مشاكل يعني المدرسه فقط ينقصها اداره جيده والا المعلمات جدا رائعات عندك الانجليزي بيهتمو فيه بالدرجه الاولى وبيقسمو الطالبات الا مستويات علشان الضعيفه بالانجليزي والي شاطره وان جينا نتكلم عن الطالبات الطالبات جدا مؤدبات ومحترمات مابيتلفظو على المعلمه بااسلوب همجي بنات متربيين صحيح انهم مدلعين ومرفهين لاكن عندهم ذوق واحترام للمعلمه مو زي المدارس التانيه الوحده بتقل ادبها بااسلوب همجي على المعلمات اخيرا الاعتراض على المدرسه انو هناك تفرقه بين المعلمات الاجنبيات والسعوديات بحيث انو رواتب المعلمات الاجنبيات اعلى من السعوديات مع انهم لابيمسكو رياده ولا نشاط وكمان في اشياء بتعملها المدرسه هما مابيمسكوها يعني في تفرقه بين الاجنبيات والسعوديات نظرا لان المشرفه على المدرسه اجنبيه فبالطبع انا وولد عمي على الغريب بتكون معاملتها معاهم غير والا المدرسه مو ناقصها شي من تجهيزات ومبنى ووحدات وانشطه كلها رائعه وصاحبة المدرسه منها مقصره بالمدرسه بشي لاكنها ترفض انها تزيد رواتب المعلمات السعوديات بعكس الاجنبيات المدرسه ينقصها اداره جيده ومديره لديها الخبرررره في ادارة المدرسه

طيب محتاجين معلمة كيمياء