عندي فكره حلوه ليه مو كل وحده تكتب تجربتها في المقابلات اللي واجهتها وتذكر اسم المكان مثلا
بنك او شركه (ذكر نشاطها مو شرط اسمها) او حتى مدرسه
بحيث لو اي وحده مننا عندها مقابله شخصيه في اي مكان تجي هنا وتقرا ردود البنات
ويصير عندها خبره
لقيت مواضيع كثيره بنات يبون مساعده خلونا نحط خبرتنا هنا
في البدايه انا سويت مقابلتين وللاسف مانقبلت في الوظيفتين
المقابله الاولى : كانت في بنك الرياض وكانت الاسئله : انا شهادتي بكالوريس محاسبه فسألتني عن مواد المحاسبه اللي درستها عدديها واشرحي لي ايش درستي في المحاسبه ولاني متخرجه من 3 سنين ماعرفت اجاوب لاني ماراجعت المواد ماتوقعت تسألني هالاسئله ولا احد من الفراشات هنا قالي هالشيء قالولي اهتمي بمظهرك واناقتك وبس استشورت شعري ولبست زي البنك ومكياج هادي ولانفع هذا كلله طلعوا يبون الجوهر ومن بعدها وانا كل يوم ماسكه كتاب اذاكر لحد الان استعداد لاي مقابله ثانيه
المقابله الثانيه : كانت في شركه سياحيه كانوا يبون محاسبه ارسلت فاكس ودقوا على رحت لقيت هناك بنتين كانت المقابله على مرحلتين
المرحله الاولى مقابله مع محاسبه الشركه ومحاسب قانوني سالوني اساله عن طريق امثله من كل كتاب والمرحله الثانيه كانت مع مدير الشركه سألني بلانجليزي مشكلتي افهم الاسئله بس مااعرف ارد بلانجليزي ارد بلعربي وهذا مااعجبه
بس اقولكم سر في كل المقابلتين كانوا متضايقين من اني متزوجه وعندي طفلين مع اني قلت لهم الوضع مناسب اني اتوظف والطفلين عندهم مربيه بس مافاد الله يعوضني عن هالوظيفتين ومازال البحث جاري عن الوظيفه
يلله يابنات تجربتكم مع المقابلات انتظركم مو تطنشون
انا سويت عدد من المقابلات ..كالتالي :
الاولى :
كانت في مركز لرعاية الطفوله وفيه دمج مع الاطفال المعاقين (( انا اخصائيه نفسيه )).. سألتني عن مقاييس الذكاء وكيفية تطبيقها .. كيفية التعامل مع مشكلات الطفل المعاق .. وعجبتها مرررررررره .. واتفقنا .. لما درت اني حامل ... اعتذرت ..
الثانيه :
في الشؤؤن الاجتماعيه .. اسئلتهم عاديه خدا بس يعتمدون على الثقه والشخصيه ..قبلوني .. بس طبيغة العمل ((مبيت )) رفضتها .
الثالثه :
مدرسه اهليه ..
اسئلتهم كلها تربويه .. عن كيفية التعامل مع الطالبات والاداره الصفيه .. واهم شي ايضا الثقه بالنفس .. والطلاقه في الردود .
وانقبلت .
انا اجريت مقابلة شخصية وحدة في مدرسة أهلية..
(مدارس المستقبل)
المقابلة في البداية أسئلة عن معدلي وعن درجاتي في التطبيق الميداني..
وبعدها سألتني عن اي أفكار لتطوير التعليم..
وكيف ممكن أدرس اللغة (أنجليزي).
بعدها على طول فاجاوني بدرس تجريبي وفعلا قدمته بكل ثقة وانقبلت ولله الحمد..
فعلا أنا سويت مقابله بمدارس أهليه وكانت اسئلتهم تربويه عن كيفيه تعاملك مع الطالبات وتصرفك بالمواقف ونظرتي عن المدارس الأهليه وأهم شي كان عندهم الدرس والوسائل
لكن ماقبلت والله يعوض علي
وعلى الجميع
يعطيك العافية على هالموضوع
انا سويت مقابلة في مستشفى
طبعا كل المقابلة انجليزي
تحدثي عن نفسك وش تخصصك ومؤهلاتك
ليه اخترتي العمل هنا
وش طموحاتك
ماهي نقاط القوة وماهي نقاط الضعف لديك
وش ودك تصيرين بعد 5 سنين مثلا
وش هواياتك وش مهاراتك
تقريبا زي كذا
واللة يوفق الجميع
عنوان الرابط المتبادل
حول الروابط المتبادلة
