الموضوع: لوحات التعزيز للصفوف المبكرة

كيفكم ....... وكل عام وجميع الفراشات بخير
طبعاً بدأت الدراسة وبدأ الشغل واريد افكار جديدة للوحة التعزيز مميزه وجديدة
راح اعطيكم افكار عملتها العام وكانت خطيرة وانهبلت عليها الموجهه
عملت ارانب كتبت عليها اسماء الطالبات كل ارنب لطالبة ووضعتها أسفل اللوحة تثبت بشك شك تعرفوه طبعاً
وقوق كل ارنب مجموعة جزرات وفي نهاية اللوحة سلة لوضع الجزر وكل ما تجاوب الطالبه تأكل جزرة وتوضع في السلة وفي نهاية الاسبوع نشوف الطالبة الى أكلت اكثر جزر وتكرم ويوضع اسمها في اللوحة
طبعاً عاملة لوحة عند باب الفصل لوضع الطالبات المميزات ..
هذي فكرة وكانت رائعه جدددددددددددددددددددددددددداً .............................
وعندي افكارثانية عملتها بس ابغى هذى السنة حاجة جديدة
اتمنى الىعندها افكار تطرحها ومشكوووووووووووووووووووووووووووووورين

ماعندي اي خلفية اتمنى من كل معلمة رياض اطفال مساعدتك

وفعلا افكارك قمة في الروعة ماشاء الله عليك

أفكارك رائعة جدا وياليت اذا عندك افكر غيرها تنزليها ياعسل (شكلنا احنا اللي بنستفيد منك ماهو انتي اللي بتستفيدي )

فكرتك رااااااااااائعه يامبدعه (اسم على مسمى)
بس الجزر صوره والا مجسم
انا عندي فكره سويتها العام بس فكرتك احلى
فكرتي عباره عن(سلم النجوم)
لوحه بها عدد من السلالم لكل طالبه سلم ومكتوب تحته اسمها
كلما اجابت التلميذه ضعي في السلم نجمه (من النجوم الجاهزه)اللي بالمكتبات
الى ان يملا السلم بالنجوم
بعدها اعطي التلميذه هديه حلوه
طبعا واول من تاخذ هديه هي اللي يملا سلمها اول

انا اشتريت بيت من مركز التعليم المبكر وحطيتة داخلة مجموعة من النجوم وسويت بطاقة لكل تلميذة عليها صورتها وحطيتهم في صندوق جذاب وكل يوم لما تجاوب البنت تفتح الصندوق وتاخذ بطاقتها وتلصق لها نجمة واذا كانت اجابتها مميزة تلصق لها نجمتين وفي آخر الاسبوع نشوف من جمعت اكبر عدد من النجوم اعطيها هدية على مستوى وحسيت انه هالطريقة فعالة واثارت روح التنافس بين الطالبات حتى الضعيفات شدن حيلهن اتمنى تعجبك الفكرة

ماشاء الله عليكم افكاركم حلوة

تدرون اسويت صور للنحل وكل طالب اسمه مكتوب على جناح النحلة وفي الجهة المقابلة خلية الشاطر والمودب يتقدم خطوة لين يوصل للخلية ويحصل على هدية

وشكلها كان وايد حلو

طيب وش رايك تسوين زي الطريق في حديقه مثلا حديقة الليمونات وعلى حواف الطريق شجر الليمون

ونهاية الطريق بيت او مدرسه وتكون صور البنات او اساميهم على ليمونات وتكون معلقه على الشجر

لحد ماتوصل للبيت .....................................

اتمنى يكون شرحي واضح

تسلمون ياغاليات على المرورر والرد .افكار مرررررررررررررررة حلوة عجبتني فكرة الصندوق و النجوم بس ما فهمتها كويس
يا ريت توضحيها يا قمر .
عندي فكرة حلوة وهي عمل اصيص للزهور بالفلين ومكتوب على كل واحد اسم طالبة ( تكون الاصص بعدد البنات )
وعمل ورورد على عود الاسنان ( الورود جاهزة معمولة بالجوخ في المكتبة وشكلها يجنن ) كل ما تجاوب الطالبة اضع لها
زهرة وفي اخر الاسبوع نشوف الطالبة التي تجمع اكثر عدد من الزهور وتعطى هدية بسيطة
ايش رايكم حلوووووووووووووووووووووة ؟؟؟؟؟؟؟؟؟؟؟؟؟؟؟؟؟؟؟؟