الموضوع: مسرحيه مضحكه

السلام عليكم
بليييز يابنات اللي عندها مسرحيه مضحكه من 5 اشخاص او 3 اشخاص
بليييز تنزلها هني لاني ابيها خلال الاسبوع هذا
واكون لها من الشاكرين

مجموعه من المسرحيات للتعبير
http://www.tabadulgate.com/download.php?id=182

المشهد الأول :
في المدرسه ...
المعلمة : أين واجبك
الطالبة : ببرود وتعوج فمها : ماحلييييت
المعلمة : ليش ماحليتي
الطالبة : كان عندنا ضيوف ومامداني
المعلمة : طيب ذاكرتِ الدرس السابق
الطالبة : لا طبعاً
المعلمة : ليــش
الطالبة : لأني كنت غايبة
المعلمة : كنتِ غايبه هذي مشكلتش مو مشكلتي .. كنتِ غايبه لازن تستعدي لليوم الدراسي . والمدرسه مو للتسلية واهمالك لدروسك راح ينزل من درجاتك وبالتالي يؤدي الى سقوطك ان استمريتِ على ها الحال ...
الطالبة : بطريقة غير مهدبه .. اوووووف
المعلمة : اشوف الكلام كأنه مو عاجبك
الطالبه : ايه مو عاجبني لأن ماعندش الا اني حاطة دوبش ودوبي .
الطالبة : مافيه بيني وبينك أي شيء عشان احط دوبي ودوبك وأنا ادور على مصلحتك .. وأسلوبك هذا مو أسلوب طالبة مهذبه وعشان كذا بكره لازم تجيبي ولية امرك ..
المشهد الثاني :
البنت تدخل على امها وهي تبكي وواضعه يديها على عينيها
الطالبة : ايه... ايه ... ايه ...
الأم : ( تضرب على صدرها ) دهتني يني .. خـــداج خـــــداج ويش فيش خلف ابويي
الطالبة : اماه خلاص ماني رايحه المدرسه
الأم : الاواه ياغناتي
الطالبة : المعلمه حاطه دوبها ودوبي
الأم : دهتها النايبه .. ولاوا حاطه دوبها ودوبش
الطالبة : كل الطالبات تعاملهم معاملة عدل إلا أني من دون البنات هزأتني
الأم : لاتصيحي ياغناتي .. لاتصيحي يخداج أني بكره اروح المدرسه وأشابقها قدام اللي يسوى واللي مايسوى ... أكيد تغار منش ها المعلمة .. عجل الاوا حاطه دوبها ودوبش ..
الطالبة : ايه اماه شابقيها
الأم : اشابقها .. ام الخضر والليف هذي .. تحسب ان ماوراش احد ..
الأم بتوعد :(أني اراويش فيها )
المشـهد الثالث :
الأم تحضر مع البنت في المدرسة وتقف أمام الباب وتخلع نعليها الزنوبتين وتجلس... وترفع يديها الى ابنتها وتقول : روحي ناديها .. روحي قولي اليها امي على الباب تحارسش
الطالبه تطرق الباب بتعال وقبل ان تتكلم تخاطبها المعلمة : اين ولية امركِ؟
الطالبة تذهب الى الأم وتهمس في اذنها والمعلمة وراءها ..
ووتتكلم الأم بصوت عال : وينهيه المعلمه ؟
الطالبة : داهيه اماه .. عندش اياها .
الأم تفز من مكانها وتحيي المعلمة تحيه حاره وتحضن المعلمة بباعين طويلين .. والمعلمة واقفه
ألأم : الاوا يخلف طوايفي تشابقي خداج وحاطه دوبش ودوبها .. مو زين عليش من الله ..
المعلمة : تفضلي اولاً ياأمي العزيزة ..
ثانياً انت ليش جايبه خديجة المدرسه ..
الأم : جايبتنها عشان تتعلم عجل الاواه جايبتنها !!
المعلمة : لاكن خديجة ماتبغى تتعلم وماتحل واجباتها ..
الأم : لا ياغناتي اني بتي على طول تذاكر وتحل الواجب .. هي قيلة ليي
المعلمه تنادي خديجة ...
المعلمة : ليش امس قومتش ..
تطأطأ البنت رأسها خجلاً
المعلمة : هل قمتِ بحل الواجب
الطالبة : لا
المعلمة: ها ذاكرتِ الدرس السابق
الطالبة بخجل : لا
المعلمة بانتصار.لقد سمعت كلام ابنتك بنفسك..فكيف تريدينها ان تنجح..
أنا قصدي حينما أشد علها أن تهتم بمذاكرة دروسها والا فكيف تريدينها أن تنجح..
ألام تضع يديها على فمها وبخجل:يوه دهتني النايبة.
ونتيجة لأبنتها:فسل الله حضش يخدجوه..فشلتيني ويا المرة..
وأني جاية بشابقها فكرتها ماتشتهي بتي .. اتاريها تهتم بمصلحتها اكثر مني الا طايره من بيت الى بيت .. ولو اني اراقبها تذاكر ولا لأ كان عرفت ان بتي ترى اللي مايعرفك مايقدرك .. وبصراحه بتي حطتني في موقف مستحيل انساه طول حياتي ..
تخاطب الأم البنات قائلة : يابناتي اسمعوا كلامي وقبل ماتشتكوا على معلماتكم وتحطوا أهاليكم في مواقف محرجه لازم تحاسبوا نفسكم .. والله فشيله والله فشيله..


هههههههههههههه عن جد تضحك مرة بس ان شاء الله تعجبك هذا في الواقع

وهذه وحدة ثانية ان شاء الله تعجبك انتي اختاري وشوفي الاحسن

السلام عليكم ورحمة اللل وبركاته (موجز الأنباء)


سيداتي سادتي مخدتي وسادتي اليكم اذاعتنا المحشيه في هذا اليوم:-


قامت تونس بجمع البقدونس وقمت باريس بجمع الدبابيس وقامت هولندا بشرب الميرنداوقامت لبنان بأكل اللبان وقامت قطر بجمع المطر وقامت سوريا بطبغ الفاصولياقدمت لكم موجز الأنباء واليكم الأخبار :-


لقد حدث انفجار في سوق الخضار المركزي وأول من استشهد الباذنجان وعشر بصلات مع مجموعه من الفلفل الأخضر وهناك أكثر من أربعين ليمونه تخت الأنقاذ في شارع البطيخ


الأخبار الرياضيه:-


فاز فريق الأرز على فريق اللحوم في ملعب الكوكاكولا وفاز فريق البصل على فريق الثوم بأقوى رائحه


أعزائي المشاهدين:لقد صدر حكم وزارة الداخليه في المدعوه النمله بقتل المدعو الصرصور وكانت أداة الجريمه الابره وصدر الحكم يوم الأربعاء الموافق ليوم الخميس وقد شهد قصاصها جماعه من الفئران واستخدموا السكين


خبر هام جداً جداً:-


هناك نمله مفقوده بحي الشفاء شارع الصراصير ومواصفاتها هي:-ترتدي فنيله حمراء وبنطلون أزرق يعلوووو وجهها الخضار من كثرة الصياح على من عثر عليها أو علم بمكانها لأتصال على بيجر (999)


والسلام عليكم ورحمة الله وبركاته


منقول

مشكووووووورين على المسرحيات الحلوه

استغفر الله العظيم واتوب اليه