الموضوع: القطه السوداء .. حلم اقلقني

السلام عليكم
حلمت اني في بيت جدي وكانت فيه قطه سوداء تطاردني وانا كنت خايفه منها وكل ماتقترب ابعد عنها وبعدين
دخلت من باب وقفلته وراي ودخلت من باب ثاني وقفلته وراي ودخلت باب ثالث وقفلته وراي
ومن بعدها ماشفت هالقطوه ..
انتهى الحلم ..

للعلم .. هذي ثاني مره احلم بقطه سوداء .. بس ماتقدر تقرب مني ..

وقت حدوث الحلم بالساعه: الظهر تقريبا الساعه 2 والنصف
الحاله الدينيه : عاديه
الحاله الاجتماعيه: عزباء
المهنه : طالبة معهد
حالتك قبل النوم : ماكنت افكر بشي ونمت بعد ماصليت الظهر ..

قال تعالى ((وماأوتيتم من العلم إلا قليلا))
تفسير الحلم :
لك نصر على حاسد(جان)وأمن من حسده (والجان )
تعرفين ليش لك نصر عليه وأمن
بسبب حصنك قوي ماشاء الله
مانع من دخول الحسد والجن ماشاء الله
وهذه تحاول أن تصيبك بحسدها والجان
بس حصنك مانع وتفشل وماراح تقدر بما أنك مع الله بإذن الله .
والله أعلم

الحمدلله الحمدلله ..
هذا بفضل الله ..
والحمدلله انا مداومه على اذكار الصباح والمساء والاستغفار ..
واذكار بعد الصلاه ..
جزاك الله خير يالغاليه ..
وجعله بميزان حسناتك ..