الموضوع: تجربتي لاشعة الصبغه من غير الم

كيفكم فراشات حبيت اقولكم تجربتي لاشعة الصبغة وخاصة بعد ماقريت عنها كثير عالنت واغلبها تجارب مخيفه المهم اليوم الساعه 7 كان موعدي للاشعه ومن وقت ماصحيت من النوم ورجلي ترجف من الخوف ..۔ سويتلي شاي اخضر مع زنجبيل واتروشت بمويه حااره لزوووم الاسترخاء لانو فعلا كنت حاسه اعصابي مشدوده وقريت سورة البقره وقعدت استغفر وادعي للساعه 6 بعدها اخذت تحميلة فولتارين 100 ملم وخرجت من البيت وصلت المستشفى متأخره عن موعدي وبديت اخاف انو مفعول الفولتارين يخف ..۔ الساعه8 دخلوني غرفة الاشعه فسخت لبسي ولبست الروب حقهم ونمت عالسرير واستنيت الدكتوره الين ماجتني 8 ونص قالتلي اهم حاجه ابغاكي تسترخي ولاتخافي المها خفيف واتفقت معاها لما تحس اني شاده على نفسي توقف شغلها وتقولي استرخي بس الحمدلله ماحسيت بشي كنت اخذ نفس قوي عشان يخف الالم بس ماحسيت بألم او مغص دوره مجرد انتفاخ خفيف تتحمليه بكل سهووووله تقريبا 3 دقايق وبعدها قالتلي الدكتوره خلاص خلصنا برافو عليكي
نصيحتي لكل وحده ناويه تسويها لاتخااااااافي والله مافيها اي الم وربي لما خرجت من المستشفى قعدت اضخك على نفسي لما سويت الشاي وماتغديت وشايله هم الاشعه والاشعه كل مازوجي قال شي انا ارد الاشعه والاشعه ..۔ اهم شي لاتتفرجي على العده والمناظير والاشياء الطبيه لانو في اشياء شكلها مرررررعب كانك بغرفة تعذيت بس طبعا مايستخدموا دي الاشياء للاشعه
ان شاء الله اكون خففت عليكم الهم واللي عندها سؤال انا فالخدمه وبليييز ادعولي احمل انا متزوجه من 4 سنوات وماحملت للحين

محتاجين تفاصيل يعنى استخدمت اجهزة ايه ربنا يكرمك يارب و تحملى عن قريب

شكلي بسويها لان سويت كل شي بس باقي الاشعه


بس والله خفت من الي قريته من النت


بس الله يسعدك طمنتينا

طيب ركبت الاجهزة دى ازاى؟؟؟

لا تخافي حبيبتي مافي اي اجهزة تتركب مجرد المنظار الي تفتح فيه المهبل وبعدين تحسي مويه ( اللي هي الصبغه ) تدخل جوا الرحم .۔ يعني تقدري تقولي كانو كشف عادي للمهبل

+من جد يا ام تراتيل
من قراءتي من النت خفت والله خوفوني > ويقولو فيه شد وتوسيع لعنق الرحم وعذاااااااااب

بس ياريت تشرحي بالتفاصيل ايش سوولك فالبداية وكيف حطولك السبغه وكيف عملو الاشعه
ويارب تحملي هذا الشهر وكلنا معاكي يارب

الله يسعدك إنك فكرتي تتطمنيناا ،،

وعسى الله يطمنك و ربي يكرمك عاجلاً غير آجل

الله يسعدك ذكرتيني بنفسي

انا سويتها اللأسبوع اللي راح وكنت مثلك مرعوبه من اللي قريته بالنت بس الحمدالله

انا حسيت زي الم الدوووووره بالضبط والحمدالله فكت الأنسداد

والله يكرمنا من عنده يارب بالحمل

الله يرزقنا الذريه الصالحه

بالنسبه للاشعه حيطلبوا منك تفسخي ملابسك بس الجزء الاسفل يعني عادي تقعدي بالبلوزه او تي شرت وتلبسي روب حق المستشفى وتنامي على سرير ويبدأو يجهزوكي للاشعه طبعا تنامي على ظهرك وترفعي رجلك زي وضعية الكشف وبقطن معقم يطهروا المنطقه وبعدين يفتحوا المهبل بالمنظار طبعا بعد مايحطو عليه جل ...
( اللي ماتعرف المنظار تدخل قوقل وتبحث عنه بالصور فكرته زي الملقط ) بعدها عن نفسي ماحسيت بغير مويه تدخل للرحم لمده 2 او 3 دقايق وماشفت كيف دخلت المويه ولا حسيت بانبوب او لي يوسع عنق الرحم مجرد مويه اللي هي الصبغه وعلى فكره انا كنت احسب انها لون بس طلعت شفافه وخلاص تخرج المنظار وتقلبي عالجنب اليمين وبعدين على بطنك وبعدها عالجنب اليسار وعلى ظهرك يعني تتحركي بكل الاتجاهات عشان الصبغه توصل للرحم كامل وياخذو الاشعه العاديه من جهاز يكون فوق بطنك بمسافه ... وعادي لاتخافي حينزل دم قليل وبالنسبه للصبغه لما تدخل الرحم بس تحسي بثقل كانها دوره تنزل

ان شاء الله اكون افدتكم

الله يسعدك التحاميل من الامام