الموضوع: هل القرحه تمنع الحمل

اريد ان اعرف لو وحده عندها قرحه في الرحم ممكن تحمل ولا لازم تعالجها اول

أنا كان عندي قرحه وحملت مرتين
لكن بعد كم سنه ماعاد نفع معي أي علاج
الا غرفة العمليات
(من الاهمال في الصحه العامه)

حبيبتي نصحتي لك تعالجين قبل الحمل لانه عادي تحملين بس ممكن تصير لج مشاكل في الحمل الله يبعدها عنج يعني أنا كان عندي قرحة بس حملت وأنا بعدني ما اكملت العلاج فتركت العلاج بسبب الحمل لكن القرحة كانت قوية مما سببت عندي ألتهابات قوية جرثومة ففقدت حملي في الشهر الخامس وكان السبب القرحة

هلا حبيبتي
نصيحه روحي للدكتوره ولاتهملين نفسك
علاجها بسيط كوي والالم بسيط واقولك الم ساعه ولا كل ساعه نصيحه من اخت مجربه
وانها تمنع الحمل او لأ والله ماعندي فكره
شافك الله وعافك رب العالمين

الف سلامه عليكِ حبيبتي ومن ايش تجي القرحه يعني ايش سببها؟؟؟

مشكورين فراشات على الاجابة انا ولدي عمره ثلاث شهور وماستخدم اي موانع واشك ان عندي القرحه لسه مارحت للطبيبة بس احس اعراضها وهي افرازات على شكل مويات واحيان دم بعد الجماع وانا شاكه مجرد شك بس ومستنية موعدي للدكتورة وبنفس الوقت انا الحين ما ابغى احمل عشان ولدي صغير
وسبب القرحه يقولو من الالتهابات او الولادات المكتررة رغم اني اول ولاده لي بس انشاء االله ماتكون الي عندي قرحه

لا ياقلبي القرحه ما تمنع الحمل بس احسلك تعالجينها بسرعه
والأخت اللي تسأل عن اسبابها السبب الرئيسي اهمال الالتهابات
انا وحده كان فيني قرحه اكتشتفها من الم بظهري وارحامي لما رحت
الدكتوره قالتلي فيج قرحه قد مية الفلس وعلاجها الكي بس لازم اجي الدكتوره
بعد الدوره الشهريه علشان نتأكد انو مافي حمل بس امر ربي ولله الحمد
طلعت حامل ولازم انتطر لبعد الولاده

حبيبتي ممكن تستخدمين تحاميل مهبليه اذا كنتي ما تبين تروحين للدكتوره احيانا تكون بداية قرحه وتروح انشا الله مع ا

ستخدام التحاميل صدقين راح تريحك لون الكرتون سماوي مع ابيض انا استخدمها كل 6شهور تقريبا علشان تنضف المهبل

الله يشفيك انشا الله

مرحباااا اخواتي
ومن سابق تجربه انا الحين حامل بالشهور الاولى وعندي قرحه والله يتمم لنا بخير
بكره ان شالله اروح الدكتوره واعطيك خبر اختي عازفة الشجن

الله يشفينا انا اليوم اكتشفت ان فيني قرحه
ادعو انهاتروووووووووح
وحمل